Juan 12:47 - Nuevo Testamento Toba Sombrero Negro

⁴⁷ Qalaĝaja ga'me jo'ne ch'e domachiyalo naa'me 'yaqataqa qama'te ja jayem 'te yoqo'cha, nach'ega jo'ne 'uo ga'me ne'uaĝanaguec qomle. Qalaĝaja ja naqayem ta'le je'uaĝan jo' qomle, qa'a da'me jayem male ñovitequena qaedi ñec'alaĝatedegue ga'me aleua laje'pi.

Nuevo Testamento Toba Sur

⁴⁷ Qalaxayi da huo'o ca chochi n'axaÿaxaategalo naua i'aqtaqa, qalaq sa ishit da i'o't, qaq sa ishit qome da nachaÿim da so'ot ca nhuaxanaguec camayi; cha'ayi aÿim sa ishit da ñanaÿa ana 'alhua da sauo'o ca nhuaxanaguec na shiÿaxauapi; chaqdata da aÿim ñanac, da yaqto' ñica'alaxateec namayipi.

La'aqtaqa Ñim Lo'onatac 'Enauacna 2013

⁴⁷ Qalaxaye da huo'o ca choche na'axaỹaxaategalo naua ỹa'aqtaqa qalaq saishet da ỹo'o't, qaq saishet da Nachaỹem da so'ot ca nhuaxanaguec camaye, cha'aye Aỹem saishet da ñanaỹa ana 'alhua da sauo'o ca nhuaxanaguec na shiỹaxauapi, nachaqrata da Aỹem ñanac, da yaqto' ñeca'alaxatec namayepi.

Juan 12:47 Referans Kwoze

Juan 3:17

Qa'a ñe'me Dios namaĝa'ña jena'me aleua ñe'me Lec'oĝot: ja namaĝa'ña jogaa'me aleua laje'pi qaedi ya'uo ga'me ne'uaĝanague'j, dite da'me qaedi nec'alaĝatedegue jogaa'me jiyaĝadipi.

Juan 12:48

Ga'me jo'ne ja jayem 'te 'yamaqaten nataq'aen da'me ja yoqocha'alo naa'me 'yaqataqa, joote 'uo na'me naviyaqatoqo't: naa'me 'yaqataqa jo'ne joote ñenaĝatedegue nach'enaua jo'ne mach'e naviyaqatoqo't jogaa'me, qom novita ga'me nolo' jo'ne p'ategue.

1 Juan 4:14

Ca'li jauanaĝa queda'me joñe'me Qadet'a namaĝaquena joñe'me Lec'oĝot qaedi nec'alaĝatedegue jogaa'me jiyaĝadipi jo'ne aleua laje'pi, qama'le nach'e eta't jechoĝotaqatac da'me dojo'.

Lucas 19:10

Qa'a jayem jo'ne Jiyaĝaua Lec'oĝot ñanaequena qaedi ñemitaque ga'me jo'ne yejomac nataq'aen ñec'alaĝategue joga'me.

Juan 5:45

“Ena'te aueñetapega ta'le naqayem 'me 'uo da'me ami jepoleguelo'te da'me jajoyaqa'aguet ñe'me Qadet'a. Ñe'me jo'ne 'uo da'me ami yepoleguelo'te nach'eñe ñe'me Moisés, joñe'me jo'ne 'uo da'me adeuataqataĝanaĝaqui.

Mateo 20:28

Qa'a mate mane'e jayem jo'ne yataqachiñe jayem Jiyaĝaua Lec'oĝot, ja ñanaequena qaedi 'uo da'me ñecochaguec, dite da'me ñanaequena qaedi yecochiyalo joga'me jiyaĝadipi 'me jalcote nataq'aen qaedi janema da'me 'yoyaĝac, qaedi ñep'aĝanegueta jogaa'me.

2 Pedro 3:15

Anetoviñetac da'me napogaĝadenaĝac ñe'me Qadejaliaĝanec, queda'me qo'mi yeuate'talo qaedi 'uo da'me mach'e qadec'alaĝac. Naqaeda jo'ne joote ami 'yaĝatema ñe'me jo'ne mach'e qadaqaya Pablo, da'me joote ami yamaĝalo gaa'me ledii's, da'me jo'ne chiyaqayi da'me layatenaĝanaĝac 'me Dios yanem ca'li.

Juan 8:26

Qa'a da'me jayem maliaĝa jalcote da'me jo'ne jetaque ami ja'aĝatema nataq'aen da'me jec'ate'n naa'me adaviyaĝaje'chedi'. Qalaĝaja ñe'me jo'ne jayem namaĝaquena eja da'me 'laqatac, qama'le da'me jo'ne joote jayem 'yaĝatem joñe'me, nach'eda da'me jo'ne ami ja'aĝatema da'me joue'ta jenjo' aleua.

Mateo 18:10

Ena'te a'uotañi ga'me onolec naa'me naajo' 'najodolqa, qa'a ami ja'aĝatema queda'me uo'oe joga'me neuatoqo'tpi jo'ne piyem laje' 'me nach'e eta't dajoeda'aguet na'me latajoĝoc ñe'me Taĝadena'.

Lucas 9:56

Yem qama'le dajotegue ga'me noic laqaya.