Juan 12:40 - Nuevo Testamento Toba Sombrero Negro

⁴⁰ “'Laqatac ñe'me Dios, enaac: japadelo'te naa'me 'lae'te jogaa'me qaedi ja yaqanate't ta'le yauata, Nataq'aen da'me ja jen 'te damichiguilo naa'me lai'li, qaedi qaya'te ta'le yayaten; Qaedi ja jayem 'te 'niyelaĝadeta, qama'le ja jen 'te yemedegue.”

Nuevo Testamento Toba Sur

⁴⁰ Ñi Dios i'otec naq'en namayipi da sa nauaañi qataq da ÿataqta qadamchiguilo naq'en naua lquiyaqte, yaqto' namayipi sa ishit da nauaayiñi naua yi'oqchiguilo l'ai'te, qataq qaica ca ÿaÿaten da lquiyaqteÿaxac, qataq da sa ishit da aÿim ñi'iguelaxa, da yaqto' ñataden.

La'aqtaqa Ñim Lo'onatac 'Enauacna 2013

⁴⁰ Ñim Lo'onatac 'Enauacna ỹo'otec naqa'en namayepi da sanauaañi qataq ỹataqta qaramchiguilo naqa'en naua lquiyaqtel, yaqto' namayepi saishet da nauaayiñi naua yo'oqchiguilo la'ai'te, qataq qaica ca ỹaỹaten da lquiyaqteỹaxac, qataq da saishet da Aỹem ñe'eguelaxa, da yaqto' ñataren.

Juan 12:40 Referans Kwoze

Lucas 8:10

Jesús 'yaĝatema jogaa'me: “Ami yaqaya'olqa, Dios ami yayatenaĝanaĝaneque da'me dojo' jo'ne ja di'yoq mañaĝa, jo'ne lejaliaĝa ñe'me Dios. Qalaĝaja, jogaa'me jiyaĝa'u laqaya' ch'e jauo'oe daa'me yaloqotenaĝanaĝaiqui' da'me jojapegue'to nataq'aen da'me ja'aĝatema qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n.»

Marcos 4:12

qaedi: «Mate mane'e yec'ate'n qalaĝaja ja yauata, nataq'aen mate mane'e domachita qalaĝaja ja yayate'n, qaedi ja 'niyelaĝadetot joñe'me Dios nataq'aen qaedi ja yapalaĝa't jodaa'me loeco.»”

Hechos 3:19

Chane'eja, a'niyelaqaeya ñe'me Qadejaliaĝanec Dios nataq'aen auep'iiya'a ñe'me, qaedi yapalaĝa't jodaa'me adoecodi',

Juan 9:39

Qama'le yitaĝa enaac ñe'me Jesús: —Da'me jayem ñec'ata jenjo' aleua qaedi ja'uo da'me yec'atenaĝanaĝac qaedi jogaa'me qana'mi male nelodegue, nach'e ena'ama jogaa'me jo'ne te'me nelotedaye qaedi 'uo da'me laqanamaĝa'j.

Lucas 4:18

“Joñe'me Lepaqal ñe'me Jaliaĝanec jayem ue'tajop, qa'a jayem yiyota'a qaedi ja'aĝatema da'me onaĝaic 'naqataĝanaĝac jogaa'me choĝodayaqolqa. Jayem namaĝaquena qaedi ja'aĝatetac da'me male qoyejodegue jogaa'me necoñetae's nataq'aen qaedi male jen yauana'ape jogaa'me qana'mi; nataq'aen qaedi male jen uojotedañi gaa'me jo'ne qoya'uo ga'me lachoĝode'j da'me qonejaliaĝatelo'te;

Romanos 9:18

Qama'le naq'aeta da'me Dios yichoĝoden ga'me jo'ne jetaque yichoĝoden, qama'le nach'e ena'am 'yañaqatet ga'me lauel ga'me jo'ne yepaquetapega da'me ja yadamiaĝata.

Hechos 28:26

«Auec'ata qomle jena'me jiyaĝadipi qama'le a'uaqataĝanem: Qa'ejole domachita qalaĝaja ja yayate'n; Qa'ejole yec'ate'n, qalaĝaja ja yauata.

Mateo 15:14

Auomachi'talo, qa'a naqaegaua jo'ne qana'mi 'me yaco'tagueta gaa'me qana'mi laqaya'. Qalaĝaja qom 'uo ga'me qanam yaco'taguet ga'me laqaya, qama'le nalo'ta'ajalo da'me tadi'ñgui jaga'me limaĝañi.

Hechos 15:3

Chane'eja lamaĝa's ca'li ga'me p'etaqadaiquipi jo'ne Antioquía laje', mane'e da'me tadelegue di'me aleua jo'ne Fenicia nataq'aen Samaria 'yaĝatetedac da'me eeta ca'li ga'me ja judiopi queda'me yaĝadegue joda'me toye's lepe'eco qaedi quetegue ñe'me Dios. Chane'eja ena'uaque jogaa'me qadaqaya'olqa jalcote made'tapolqa ca'li domachita da'me dojo' 'naqataĝanaĝac.

Marcos 6:52

qa'a maliaĝa ja yayate'n ga'me 'netaguec ga'me panpi ca'li, qa'a maliaĝa 'uo da'me 'lalaĝa'j jogaa'me lai'li.

Juan 12:39

Chane'eja joga'me jiyaĝadipi ja yaqanate't ta'le 'yamaqaten, qa'a nach'e ena'am yediñe ca'li ñe'me Isaías: