Juan 12:17 - Nuevo Testamento Toba Sombrero Negro

¹⁷ Qama'le ga'me jiyaĝadipi jo'ne ueteda'ajop ñe'me Jesús joca'li nec'alaĝadijeguem ñe'me Lázaro, da'me yiyaĝaneuo joca'li uetaue jaga'me napa'l lae't, joga'me jiyaĝadipi male 'yaĝatetedac da'me jo'ne yauata ca'li.

Nuevo Testamento Toba Sur

¹⁷ Nachi na shiÿaxauapi mayi hueta'aguet so Jesús, co'ollaq iÿaxaneu'a so Lázaro, co'ollaq huetaigui aso huachiqui da nca'aleec naq'en, namayipi i'axattac dam lauanaqchic.

La'aqtaqa Ñim Lo'onatac 'Enauacna 2013

¹⁷ Nache so shiỹaxauapi maye hueta'aguet So Jesús co'ollaq iỹaxaneua'a so Lázaro co'ollaq huetaigui aso huachiqui da nca'alec naqa'en, namayepi ỹa'axattac dam lauanaqchec.

Juan 12:17 Referans Kwoze

Apocalipsis 1:2

Chane'eja male jechoĝot yema da'me jo'ne jauana, nach'edaua daa'me 'laqataĝanaĝaco joñe'me Dios, jo'ne 'yaĝatetedac joñe'me Jesucristo.

Hechos 5:32

Nach'eda dojo' qo'mi aqataĝanaĝayaqa, qama'le nach'e ena'am ñe'me Lepaqal ja 'nalegue, jo'ne Dios yanema ga'me jo'ne yoqochideta joñe'me.

Hechos 1:22

chiyoqo'teguet ca'li Juan nachilaĝan chayovida'a ca'li qoyauegue di'me piyem. Chane'eja youetaque da'me onolec ga'me chiyaqauelo jogaa'me ta'le qo'mi uaĝayeta, qaedi da'me qadalo'ta't nach'e ena'am dechoqotaĝatapec queda'me Jesús joote 'niyelaĝajeguem.”

Juan 19:35

Joñe'me jo'ne yauana da'me dojo', nach'ayem jo'ne ja'aĝatetac, qama'le da'me mach'e 'yaqataĝanaĝac yataqachiñe eja. Nach'e ena'am jayaten da'me jo'ne ja'aĝatetac yataqachiñe eja, qaedi nach'e ena'am da'me ami yataqachiñe auep'iiya'a.

Juan 12:9

Jalcote ga'me judiopi 'me dep'iquita da'me Jesús ue'ta di'me Betania, qama'le dajotegue jodi'me, nataq'aen ja nach'edata da'me jetaque yauata ñe'me Jesús qa'a nach'e ena'am ñe'me Lázaro, ñe'me jo'ne Jesús nec'alaĝadijeguem ca'li.

Juan 21:24

Nach'ayem napaĝaguenatac jo'ne jechoĝo't naa'me naajo' uo'oe, qama'le naa'me naajo' jedidiñe. Nataq'aen jayatenaq queda'me yataqata eja da'me dojo' jo'ne joote qoyediñe.

Juan 11:42

Da'me jayem joote jayaten da'me nach'e eta't jayem auomachiya, qalaĝaja am ja'aĝatem da'me qaedi 'uo da'me layamaĝac jena'me jenjo' jiyaĝadipi jo'ne ueta'ñena, qaedi ja yoqolegue't da'me naqa'am da'me jayem anamaĝaquena.

Juan 11:31

Joga'me judiopi jo'ne neteda'ña ga'me 'lachaqa' jañe'me María da'me loyaĝanatetedac, mane'e da'me yauata jañe'me enegue da'me ñijeguem, yenoĝonegue, qama'le nach'e ena'am ñidijeguem, quetegue, qa'a yepetetedapega ta'le dajoyi jaga'me napa'l lae't da'me noyen.

Juan 1:34

Jayem joote jauana, qama'le nayi jechoqotaĝanec queda'me yataqachiñe Lec'oĝot joñe'me Dios.”

Juan 1:32

Juan 'naĝatela't: “Jayem Juan nach'e ena'am jauana ñe'me Dios Lepaqal nenochiñe, chiyoĝogue di'me piyem ena'am ga'me doqoto', qama'le tachi'ña joñe'me.

Juan 1:19

Jenjo' jo'ne 'laqataĝanaĝac ñe'me Juan, ca'li gaa'me judiopi lajoĝola'te jo'ne neteda'ña di'me Jerusalén yamaĝata ñe'me Juan jogaa'me tamenaĝaiqui lo'ol choqogaa'me necochoqo'tpi qaedi yena't joñe'me: —¿Jach'e da'me am?