Juan 11:55 - Nuevo Testamento Toba Sombrero Negro

⁵⁵ Male nadi'ta joga'me Pascua, da'me nemaĝac jo'ne leualaĝayaĝaiqui joga'me judiopi, qama'le jalcote ga'me jiyaĝadipi jo'ne noyaqa laje' male yec'adeta di'me Jerusalén qaedi niyamaĝatetapela'ajalo.

Nuevo Testamento Toba Sur

⁵⁵ Qaq mashi sa qaÿauga so na'a'q mayi laponaxaqui na judiopi da qaiuennate so na'a'q co'ollaq qanayica'ai yi Egipto. Nachi ÿataqta qalota na shiÿaxauapi mayi nañalo naua lÿa't pueblo da taÿa yi Jerusalén, da yaqto' i'ot da n'onataxac da nqui'itaxat ca shiÿaxaua, da yaqta'a nvideuo se'eso na'a'q naponaxaqui.

La'aqtaqa Ñim Lo'onatac 'Enauacna 2013

⁵⁵ Qaq mashe saqaỹauga so na'a'q maye laponaxaqui na judiopi da qaiuennate so na'a'q le'enaxat Lapascua. Nache ỹataqta qalota so shiỹaxauapi maye nañalo naua lỹa't 'aleu' taỹa ye Jerusalén, da yaqto' ỹo'ot da lataxac da nqui'itaxat ca shiỹaxaua, da yaqta'a nvireuo se'eso na'a'q naponaxaqui.

Juan 11:55 Referans Kwoze

Juan 12:1

Maliaĝajoda gaa'me seis noloqo'ote qama'le yovita ga'me neualaĝayaĝaiqui jo'ne Pascua, qama'le Jesús yec'ata di'me Betania, di'me jo'ne 'lachaqa' ñe'me Lázaro, ñe'me jo'ne nec'alaĝadijeguem ca'li.

Juan 6:4

Male qoyoqo'ta ga'me leualaĝayaĝaiqui joga'me judiopi da'me uenateteda'a da'me leuotaye ñe'me piyem le'ec queda'me ja yala't joca'li gaa'me ñoqolqa.

Juan 2:13

Da'me male nadi'ta ga'me leualaĝayaĝaiqui joga'me judiopi jo'ne Pascua (jo'ne yelo'teguet da'me leuotaye ñe'me piyem le'ec queda'me ja yala't joca'li gaa'me ñoqolqa), qama'le Jesús dajoyi di'me Jerusalén.

Santiago 4:8

Aueñi qoyoqo'ta joñe'me Dios, qaedi joñe'me en ami qoyode'talo, nataq'aen da'me aviyoyii jonaa'me adoua'adi jo'ne uetayelo jonaa'me adoecodi', choqoda'me auemedegue jona'me paĝachigui jo'ne uetayelo naa'me adai'lidi', qa'a ami jo'ne jetaque adoqopichiya joñe'me Dios nataq'aen jena'me ua'ña jena'me aleua.

1 Corintios 11:28

Qo'che' yataqachiñe 'noota ta'le onolqa'tape mach'e naloqote'n gaa'me lai'li, qom joote ya'uo da'me dojo' qama'le yalic ga'me pan nataq'aen niyomigui jaga'me yomaĝaiqui.

Hechos 24:18

Chane'eja jauotac ca'li da'me dojo', da'me jouetaue di'me tamenaĝaiqui; joote jomat da'me ñiyola't, nach'e naq'aeta da'me namaĝajoĝonaĝac, mate mane'e qaya'te jiyaĝadipi nataq'aen qaya'te gamachaqaega ta'le ja niyamaĝa. Qalaĝaja nach'ega ua'a da'me jayem yauata ga'me judiopi jo'ne chiyoĝotegue di'me Asia.

Juan 18:28

Joñe'me Jesús male qoyauega ga'me 'lachaqa' ñe'me Caifás qama'le yauedeta ga'me 'lachaqa' ñe'me jaliaĝanec jo'ne Roma le'ec. Queda'me yamta'le nete', jogaa'me judiopi lajoĝola'te ja yenoĝodoue ga'me emec jo'ne lejaliaĝaiqui ñe'me Roma le'ec, queda'me t'oida'aguet da'me qom naq'aeta qama'le 'uo ga'me lepatenaĝanaĝa'j jo'ne e'n paĝachiguilo naa'me lai'li jogaa'me, da'me qom naq'aeta qama'le ja yaqanate't ta'le yali'j ga'me niqui'yaĝanataĝanaĝac ga'me nolo' jo'ne Pascua.

Juan 13:1

Ca'li jona'li yovita ga'me neualaĝayaĝaiqui jo'ne Pascua, qama'le Jesús joote yayaten da'me yovida'a ga'me laloqo' da'me male ca'e jena'me aleua qaedi yec'ata ñe'me Let'a qama'le yitaĝa na'ajop. Joote yaloĝonalo da'me loqopich'i jogaa'me lapaĝaguenataqa jo'ne neteda'ña jena'me aleua, qama'le naq'aeta da'me noqopitalo jogaa'me chayovida'a qom yovita da'me loiquiaqa'.

Juan 5:1

Ca'li yem daa'me daajo' 'uo ga'me neualaĝayaĝaiqui joga'me judiopi, qama'le ñe'me Jesús 'viyelaĝa di'me Jerusalén.

Juan 2:6

Uo'oe ñaa'me seis naco'nal 'me qa' lojochel jo'ne uedañgui nale gaa'me cincuenta litros uotaĝa setenta litros ga'me noĝop 'me le'e'j, qaedi gaa'me 'nachaqadiaĝa'u yiyo'y naa'me loua' nale, naq'aeta da'me naeda'ac ga'me judiopi.

Marcos 14:1

Maliaĝajoda dojolqa gaa'me noloqo'ote da'me yovita da'me qo'nonaĝachigui ga'me niqui'yaĝac jo'ne touenaĝac queda'me Pascua, nale qonetouena ca'li maqachaĝa leuotaye jo'me piyem le'ec joca'li, nale qoyalic jaga'me pan jo'ne qaya'te lale'gue jo'ne en yajediye. Qama'le jogaa'me lejaliaĝanaqa ga'me tamenaĝaiqui lo'olpi, nataq'aen ga'me judiopi napaĝaguenoqo'tpi yelotedaque ga'me lajoĝoc da'me qaedi yaqanate't ta'le yecoñe't ñe'me Jesús, uotaĝa chiyoĝotedayi gamachaqaega loqovinaĝanaĝa'j, qaedi qoyalat.

Mateo 26:1

Ñe'me Jesús, ca'li joote yoma't ena'uaque jogaa'me lapaĝaguenataĝanaĝaco qama'le t'aqataĝanema jogaa'me lapaĝaguenataqa:

Mateo 26:2

—Joote auayachiñe queda'me maliaĝa gaa'me dojolqa noloqo'ote nale qouenata nataq'aen qo'nonaĝachigui ga'me nolo' 'me Pascua, qama'le jayem jo'ne yataqachiñe Jiyaĝaua Lec'oĝot, jayem qoyanouelo qomle ga'me jiyaĝadipi qaedi jayem qoyep'enajeguem.

Lucas 22:1

Qalaqach'ele male yauaqa'a ga'me nolo' nale qoyalic jaga'me pan jo'ne qaya'te lale'gue, nach'eda dojo' jo'ne niqui'yaĝanataĝanaĝac da'me qouenata di'me nolo' jo'ne Pascua, nale qonetouena ca'li maqachaĝa leuotaye jo'me piyem le'ec joca'li.

Hechos 21:24

Aquiaĝa'u jogaa'me, nataq'aen ouetauelo jogaa'me da'me aniyola't, choqoda'me auejeten jaga'me nep'ia', qaedi jogaa'me yaqanate't ta'le nejote'j na'me layoĝo't. Naq'aeta da'me ena'uaque yauata queda'me ja eja da'me jo'ne am qo'yaĝatetac, dite da'me nach'e ena'am am auoqocha'alo jodaa'me namaĝajoĝonaĝaco.

Hechos 21:26

Chane'eja Pablo lequiaĝa'u jogaa'me cuatro jiyaĝa'u, ga'me nete' laqaya qama'le uetauelo jogaa'me da'me niyola'ajalo; yem qama'le yenoĝonoue ga'me tamenaĝaiqui qaedi 'yaĝatema ga'me nolo' qom yema yoma't da'me yepaque'teguelo ga'me 'laqata'j jo'ne joote yaqataĝadiñi, dojo' yelo'teguet qom male onolqa'tape jogaa'me yadeuo ga'me mach'e lajaqaje'j.