Juan 10:4 - Nuevo Testamento Toba Sombrero Negro

⁴ Chane'eja da'me yenoĝonegue yema, qama'le 'uau'tague ga'me dajoteda'ague jogaa'me 'naĝanaĝatelpi, qama'le gaa'me 'naĝanaĝatelpi quetedapegue' joñe'me qa'a yateto'n naa'me 'laqataqa.

Nuevo Testamento Toba Sur

⁴ Qaq da ime da nqateec 'enauac ana lalopi qagueta, nachi camayi hua'auta. Qaq anam qaguetapi nca'ataxaatauo, cha'ayi anamayipi ÿauatton da lavilÿaxac camayi.

La'aqtaqa Ñim Lo'onatac 'Enauacna 2013

⁴ Qaq da ime da nqatec 'enauac ana lalopi qaguetapi, nache camaye hua'auta. Qaq anam qaguetapi nca'ataxaatauo, cha'aye anamayepi ỹauatton da lavilỹaxac camaye.

Juan 10:4 Referans Kwoze

Juan 10:16

Nach'e ena'am uo'oe gaa'me 'naĝanaĝatel laqaya' jo'ne yelopi 'me ja chiyoqodaue jana'me janjo' lae't, qalaĝaja nach'e ena'ama jec'atalo qaedi ñauetequena. Qa'a gaa'me nach'e ena'ama jayem yoqochideta, chane'eja qomle qama'le nalo'ta'ajalo da'me male onolec ga'me jo'ne nouatoqo't.

Juan 12:26

Qom 'uo ga'me jo'ne jetaque jayem t'onataĝaneuo'o, 'noota qom jayem equegue. Qama'le ga'me joue'ta da'me jayem, nach'e ena'am ue'ta ga'me jo'ne jayem lecochiya. Qom 'uo ga'me jayem lecochiya, ñe'me Taĝadena' nataq'aen 'nonaĝachichigui joga'me.

Juan 18:37

Qama'le Pilato yenatec da'me dojo': —Chane'eja, ¿qo'li ja naq'aeta da'me naqa'am jo'ne am nejaliaĝanec? Jesús 'yateguet joñe'me Pilato: —Naq'aeta da'me anenaĝategue: jayem nejaliaĝanec. Da'me jayem ñiyiñe queda'me ñec'ata jenjo' aleua qaedi ja'aĝatetac da'me jo'ne eja, qama'le ena'uaque jogaa'me 'yamaqate'n da'me eja, nach'egaua jayem naquiaĝata.

1 Pedro 2:21

Qa'a naqaeda da'me 'uo da'me ami qoyiyaĝanalo, qa'a ñe'me Cristo 'uo da'me lachoĝodec yajouaĝat joda'me ami, qama'le qoyaloĝon da'me nach'eñe jo'ne jetaque qoyadenaĝat qaedi qota'ya da'me ladic.

1 Pedro 5:3

Ena'te aueñe'tem ta'le yataqachiñe auoqochiyaja'am jogaa'me jo'ne ch'e adouataldi', dite da'me auepaquitapega da'me naqa'ami jo'ne laloqotenaĝanaĝaiqui jogaa'me,

1 Corintios 11:1

Oqui'teguelo gaa'me 'yonataqa jo'ne joote ami jaloĝonalo, nach'e naq'aeta da'me jeque'teguelo gaa'me 'lonataqa 'me jayem yaloĝonalo ñe'me Cristo.

Juan 10:8

Yemeda gaa'me jo'ne novidetaquena joca'li da'me cha'li jayem qaya, nach'egaua jiyaĝa'u jo'ne cachaĝayaqa nataq'aen da'me qaleuaĝayaqa, chane'eja gaa'me 'naĝanaĝatelpi ja yoqocha'alo jogaa'me jiyaĝa'u.

Mateo 16:24

Yem qama'le dojapegue'to jogaa'me lapaĝaguenataqa, enaac: —Qom 'uo gamachaqaega jo'ne jetaque jayem ue'tajop qaedi yapaĝaguenatac, 'noota qom ja yitaĝa nenatetala't, qama'le yachi jaga'me nesodoso da'me jayem equegue.

Hebreos 12:2

'Noota qom nach'e eta't da'me jenataqatapega joñe'me Jesús, qa'a naqaeñe 'me chiyaqayi da'me qadepe'e, nataq'aen da'me yiyamaĝachiñe. Ñe'me Jesús yauana joca'li da'me 'uo qomle da'me lamaic let'adaic. Chane'eja napogaĝadeneguet joca'li jana'me sodoso, ja jetaque yoqochi'eguet da'me nepocoĝoc jo'ne chiyaqayi da'me neleuaĝa, qama'le da'me yem da'me jo'ne lachoĝodec qoyen, male na'ña ga'me yayaten ga'me lejaliaqa' joñe'me Dios.

Hebreos 6:20

Nach'edi di'me jo'ne yenoĝoje'ma joca'li joñe'me Jesús, qaedi qo'mi yichoĝode'n da'me en qadadiiuo, qa'a nach'eñe ñe'me Jesús jo'ne joote qoyen Qadetaĝayaĝanaĝanec 'me p'ajaye, da'me ena'am da'me 'loyaĝac ñe'me Melquisedec joca'li.

Efesios 5:1

Chane'eja queda'me yataqata ami lec'oqo'tepi joñe'me Dios nataq'aen yataqata ami noqopitalo, qama'le 'noota qom auadenaĝachi joñe'me.

Juan 3:29

Da'me 'nonáĝac, joga'me jo'ne 'uoneguet jaga'me lojaĝaua, nach'ega joga'me nojaĝaua; qalaĝaja joga'me jo'ne ch'e naigaĝaua joga'me nojaĝaua, jo'ne nach'e ena'am ue'ta lae joga'me, qama'le uotaĝa domachiya, qama'le 'uo da'me lamaic queda'me domachiya. Qama'le nach'e ena'am jayem, 'uo da'me yamaic jo'ne yataqachiñe nalo'ta't nayi.

Juan 13:15

Da'me jayem joote ami jaloĝonalo dojo' qaedi nach'e ena'am auauoyi joga'me ami je'eteque.

1 Pedro 4:1

Chane'eja joñe'me Cristo 'uo ca'li da'me lachoĝodec qoyen da'me nejiyaĝauayaĝac, qama'le da'me ami 'noota qom nach'e ena'am oqui'tegue da'me jo'ne ami qoyamaĝalo'te. Qa'a joga'me jo'ne neualaĝae'ye' da'me qoyen lachoĝodec da'me nejiyaĝauayaĝac, nach'ega male ja en 'te lajo'vi naa'me loeco,

Juan 10:3

Ga'me jo'ne jom lo'o 'youategue ga'me 'naĝanaĝatelpi lae't najom, qama'le ga'me 'naĝanaĝate nouatoqo't yiyaĝanalo gaa'me onole'tape 'naĝanaĝatel, e'n gaa'me mach'e lenaqa'te, qama'le gaa'me 'naĝanaĝatel yateto'n naa'me mach'e 'laqataqa, nataq'aen da'me yamaĝadegue qaedi e'n queda'ae q'ae'n jaga'me lae't.

Juan 10:5

Qama'le ja ena'am ga'me jo'ne ja yateto'n: ja quetegue, dite da'me dajode'guem joga'me, qa'a yajouaĝat da'me ja yateto'n naa'me mach'e 'laqataqa.”

Juan 10:27

Qa'a gaa'me 'naĝanaĝatel jo'ne mach'e yelopi yateto'n naa'me mach'e 'yaqataqa qama'le nach'e ena'am da'me jayem jateto'n nataq'aen da'me jayem quetegue.