Juan 10:35 - Nuevo Testamento Toba Sombrero Negro

³⁵ Da'me qo'mi joote jayatenaq naa'me nedii's 'yaĝatetedac da'me eja jo'ne qaya'te yaqanatet ta'le neman. Qama'le ñe'me Dios en lenaĝat diospi gaa'me jiyaĝa'u jo'ne 'yaĝate'tape naa'me 'laqataqa.

Nuevo Testamento Toba Sur

³⁵ Qaq qomi' saÿajnaq da naua nanettrañi l'aqtaqa ñi Dios naamayi sa ishit da qaÿoqolgue't, qataq da ñi Dios ÿamata'ac da diospi som shiÿaxauapi mayi ÿaconguet da l'aqtac.

La'aqtaqa Ñim Lo'onatac 'Enauacna 2013

³⁵ Qaq qomi' saỹaanaq da naua nanettrañi la'aqtaqa Ñim Lo'onatac 'Enauacna, naamaye saishet da qaiqolegue't. Ỹoqo'oye 'eesa da Ñim Lo'onatac 'Enauacna ỹamata'ac da piguem le'ecpi som shiỹaxauapi maye ỹaconeguet da la'aqtac.

Juan 10:35 Referans Kwoze

Mateo 24:35

Jodi'me piyem nataq'aen jena'me aleua yenoĝodegue qomle, qalaĝaja daa'me 'yaqataqa qamqa'me ja yenoĝodegue.

Romanos 13:1

'Noota qom ñajenaĝagueta gaa'me jo'ne qo'mi nejaliaĝatelo'te qa'a eja Dios lamaĝa's; qaya'te nejaliaĝa jo'ne ja chiyaqayi ñe'me Dios.

Lucas 16:17

Qalaĝaja da'me jo'ne ja qalaq yem qomle di'me piyem nataq'aen jena'me aleua; dojo' yataqachiñe qalaq, ta'le ja yepaquetelegue ga'me onolec nediijec jodaa'me Dios lamaĝajoĝonaĝaco.

Hechos 1:16

“Ami yaqaya'olqa, 'uo ca'li da'me youetaque ta'le yepaque'teguelo ena'uac ga'me jo'ne Dios Lepaqal yayatenaĝanaĝanec di'me David, joote yechoĝotetac daa'me nedii's jo'ne 'yaĝatetedac di'me Judas, nach'edi qodajolegue ca'li male qoyecoñe' ñe'me Jesús.

Mateo 27:35

Mane'e ca'li joote qoyep'enajeguem, jogaa'me coico laje' nalichiguilo gaa'me leuo ñe'me Jesús qaedi necolaĝachilo jogaa'me.

Mateo 5:18

Chane'eja ami jayateneque qom cha'li 'uo di'me piyem nataq'aen jena'me aleua, qaya'te 'uo ga'me cat'oñoq qoyalaĝat jodaa'me namaĝajoĝonaĝaco uotaĝa ch'e onolec nediijec jo'ne qonaqat, chayovida'a qom yema yepaquichiguilo.

Juan 19:28

Ca'li yenoĝonegue da'me dojo', qama'le Jesús yayaten da'me joote yem ena'uac da'me chiyaqayilo jonaa'me Dios 'laqataqa, nataq'aen da'me qaedi eja da'me yepaquichigui naa'me nedii's jo'ne 'yaĝatetedac da'me dojo', qama'le enaac: —Jelinquip.

Juan 10:34

Jesús enapegalo jogaa'me: —Da'me Dios 'laqatac jo'ne te'me ami qoyanema joote qoyediñe joca'li da'me enaac ñe'me Dios: «Naqa'ami jo'ne ami diospi.»

Juan 10:36

Chane'eja qom jayem en yataqatelegue ñe'me Dios, male jayem namaĝa'ña jenjo' aleua, qama'le ¿toqoch'e anenaĝachiyegue da'me 'ñaĝat queda'me ja 'noote' naa'me 'yaqataqa, da'me ñenaĝategue da'me jayem Lec'oĝot ñe'me Dios?