Juan 10:18 - Nuevo Testamento Toba Sombrero Negro

¹⁸ Qa'a da'me 'yoyaĝac qaya'te doĝotaĝanec, qalaĝaja mach'e jayem da'me janegue, qa'a da'me jayem nach'e ena'am 'uo da'me yañoqotaĝanaĝac nataq'aen da'me qaedi yitaĝa jaconeguet. Qa'a naq'aeta da'me jo'ne jayem yamaĝalegue ñe'me Taĝadena'.”

Nuevo Testamento Toba Sur

¹⁸ Qaica ca ishit da deuotaxanec de'eda ñachaalataxac, qalaxayi maichi aÿim chigoqchigui da san damayi. Qaq aÿim huo'o da shinec da san damayi, qataq da ñi'iguelaxajla't. Qaq 'eda dam aÿim ÿamaxalec ñi ita'a.

La'aqtaqa Ñim Lo'onatac 'Enauacna 2013

¹⁸ Qaica ca ishet da deuotaxanec de'era ñachaalataxac, qalaxaye maiche Aỹem chegoqchigui da san damaye. Qaq Aỹem huo'o da shenec da san damaye, qataq da ñe'eguelaxaala't. Qaq 'era dam Aỹem ỹamaxalec Ñim Ita'a.

Juan 10:18 Referans Kwoze

Hebreos 2:9

Qalaĝaja jauanaĝa ñe'me Jesús, jo'ne cada'ac da'me qoyen ja napacalo'te joga'me piyem laje'pi jaa'me noloqo'ote ja lama'y, qaedi yeleualegue yema jena'me jiyaĝadipi, yajouaĝat da'me loequenataĝanaĝac joñe'me Dios jo'ne yataqata qo'mi noqopitalo. Chane'eja ca'li yem da'me lachoĝodec joñe'me Jesús, qama'le yataqachiñe qo'nonaĝachigui nataq'aen da'me yaconeguet da'me 'lonaĝac jo'ne chiyaqayi joñe'me Dios.

Tito 2:14

Nach'eñe qo'mi nep'aĝanegueta ca'li yeleu, qaedi qo'mi yachiyoĝotauelo gaa'me ja 'noe'n, nataq'aen qaedi qo'mi yataqachiñe qo'mi yiyo'y, qaedi mach'e qo'mi e'n Dios lec'oqo'tolqa, jo'ne qa'nañaĝatetac da'me jauoqo joda'me 'noota.

Juan 10:17

“Ñe'me Taĝadena' jayem noqopita qa'a janegue da'me 'yoyaĝac qaedi yitaĝa jayem 'yiyelaĝatot da'me yec'alaĝa.

Juan 14:31

qalaĝaja 'noota ta'le naq'aeta da'me ja'uo, qaedi jenjo' aleua laje'pi yataqata yayate'n da'me joqopita ñe'me Taĝadena', qama'le ja'uo yema ga'me jo'ne jayem yamaĝalegue. “Nayi oñiijeguem, qolaqa'e jenjo'.”

Juan 6:38

Da'me jayem ja ja'uo ga'me jo'ne mach'e yelnataĝac, qa'a jachiyoĝogue di'me piyem qaedi ja'uo ga'me jo'ne lelnataĝac joñe'me Taĝadena' jo'ne jayem namaĝaquena.

Juan 15:10

Qom auoqochiyalo naa'me yamaĝajoĝonaĝaco, da'me yoqopich'i nach'e eta't ami uetauelo, qama'le ena'am da'me jayem jo'ne joqocha'alo naa'me lamaĝajoĝonaĝaco ñe'me Taĝadena', qama'le nach'e eta't jouetaue da'me mach'e loqopich'i.

Juan 10:11

Naqayem jo'ne jayem 'naĝanaĝate nouatoqo't 'me onaĝaic. Ga'me jo'ne onaĝaic 'naĝanaĝate nouatoqo't yanegue da'me 'loyaĝac qaedi nec'alaĝatedegue jogaa'me 'naĝanaĝatelpi;

Hechos 3:15

Qama'le naqaeda da'me aualachi ñe'me jo'ne chiyaqayi da'me yataqachiñe qat'oyaĝac. Qalaĝaja Dios chiyoĝotauelo ga'me napa'lpi, qama'le nach'eda dojo' jechoĝotaqatac.

Hechos 2:24

Qalaĝaja Dios 'niyelaĝachijeguem, yachiyoĝotaue da'me leco'yaĝac da'me leleuaĝa, qa'a da'me neleuaĝa ja yaqanatet ta'le nale'en nomat.

Juan 5:30

“Jayem ja jaqanatet ta'le ja'uo ga'me jo'ne mach'e yelnataĝac, dite ga'me jo'ne jayem yamaĝalegue ñe'me Taĝadena'. Chane'eja nach'e ena'am nalo'taguet da'me mach'e yec'atenaĝanaĝac, qa'a ja ja'aĝatetac da'me ja'uo ga'me jo'ne mach'e yelnataĝac, dite ga'me jo'ne lelnataĝac joñe'me Taĝadena', joñe'me jo'ne jayem namaĝaquena.

Hechos 2:32

Chane'eja nach'eñe ñe'me Jesús da'me Dios 'niyelaĝachijeguem, qama'le ena'uaque qo'mi jechoĝotaqatac da'me dojo'.

Juan 19:11

Qama'le Jesús male 'yateguet joñe'me Pilato: —Ñe'me Dios jo'ne na'ague di'me piyem, nach'eñe jo'ne am yanem da'me adañoqotaĝanaĝac qaedi jayem anejaliaĝatelegue. Chane'eja ga'me jo'ne jayem yaneuo, nach'ega jo'ne yaguegue da'me laviyaĝajet jo'ne yajouaĝat, ja ena'am da'me am.

Juan 10:15

Qama'le nach'e ena'am da'me jayem yateton ñe'me Taĝadena' nataq'aen da'me jayem jateton ñe'me Taĝadena', qama'le janegue da'me 'yoyaĝac qaedi ñec'alaĝatedegue jogaa'me 'naĝanaĝatel.

Juan 5:26

Qa'a naq'aeta joñe'me Taĝadena' 'uo da'me mach'e lec'alaĝa da'me jo'ne mach'e 'loyaĝac, qama'le nach'e ena'am jayem yanem yema da'me 'yoyaĝac jo'ne 'uo da'me yec'alaĝa.