Juan 1:4 - Nuevo Testamento Toba Sombrero Negro

⁴ Nach'e ena'am da'me nach'eñe jo'ne chiyaqayi da'me nec'alaĝa, qama'le da'me nec'alaĝa nach'eda jo'ne yecoyadelegue ena'uaque gaa'me jiyaĝadipi.

Nuevo Testamento Toba Sur

⁴ Qaq somayi nachiso so chigoqchigui da nca'alaxa, qaq de'eda nca'alaxa nachida da yi'oqojlec naq'en na shiÿaxauapi.

La'aqtaqa Ñim Lo'onatac 'Enauacna 2013

⁴ Qaq se'eso Na'aqtac, nacheso so chegoqchigui da nca'alaxa, qaq de'era nca'alaxa, nachera da yo'oqoolec naqa'en na shiỹaxauapi.

Juan 1:4 Referans Kwoze

Juan 8:12

Jesús yitaĝa yapaĝague'n jogaa'me jiyaĝadipi, qama'le enaac: —Naqayem jo'ne lecoyadaĝanaĝat jogaa'me aleua laje'pi; gaa'me jo'ne jayem quetegue ja yitaĝa uetedaue da'me 'lalaĝa, dite da'me male yauata da'me yoqochiñe jo'ne nec'alaĝa.

Juan 12:46

Naqayem jo'ne jayem lecoyadaĝanaĝat jenjo' aleua, qama'le ñanaequena qaedi jogaa'me jo'ne jayem p'iida'a ja uedaue ga'me 'lalaĝa.

Juan 5:26

Qa'a naq'aeta joñe'me Taĝadena' 'uo da'me mach'e lec'alaĝa da'me jo'ne mach'e 'loyaĝac, qama'le nach'e ena'am jayem yanem yema da'me 'yoyaĝac jo'ne 'uo da'me yec'alaĝa.

Juan 9:5

Nayi da'me yatemaliaĝa joue'ta jenjo' aleua queda'me jayem jo'ne aleua laje'pi lecoyadaĝanaĝat.

Juan 11:25

Qama'le enaac ñe'me Jesús: —Jayem naqayem jo'ne 'ñiyelaĝachidijeguem jogaa'me napa'lpi nataq'aen da'me ñec'alaĝatedegue. Gaa'me jo'ne jayem p'iida'a, mate mane'e yele'u qalaĝaja yitaĝa ñec'alaĝatedegue;

1 Juan 5:11

Qama'le dojo' da'me Dios 'laqataĝanaĝac: queda'me qo'mi yanema da'me qat'oyaĝac jo'ne yataqatelegue, nataq'aen dojo' qat'oyaĝac chiyaqayi joñe'me Lec'oĝot.

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Juan 12:35

Jesús 'yategueta jogaa'me: —Maliaĝa cha'li cada'ac ami uetauelo da'me yoqochiñe. Chane'eja 'noota qom aueuoitac yatemaliaĝa ami uetauelo jenjo' yoqochiñe, qaedi ja ami 'te yepelaĝa't ga'me 'lalaĝa, qa'a ga'me yeuotapiye ga'me 'lalaĝa ja yayaten ga'me ta'ya.

Efesios 5:14

Qama'le 'uo jo'me nolo' ca'li qoyediñe jena'me jenjo': “¡Aneloye, am uochaĝaic! ¡A'niyelaĝajeguem, auachiyaqauelo na'me napa'lpi, Qaedi joñe'me Cristo am yecoyadelegue!”

Mateo 4:16

Jena'me qadayi jo'ne uetaue da'me 'lalaĝa, Male yauana ga'me yoqochiñe jo'ne p'ajaye; Nach'ena na'me yoqochiñe jo'ne yecoyadelo'te nayi Ga'me jiyaĝadipi jo'ne te'me uetedaue da'me neleuaĝa.”

Colosenses 3:4

Nach'eñeta ñe'me Cristo jo'ne chiyaqayi da'me at'oyaĝaqui, qama'le qom yitaĝa di'yo'quena ñe'me, qama'le nach'e ena'am ami di'yoĝoma da'me male najaqachiguilo joda'me at'onaĝaqui.

Hechos 26:23

queda'me youetaque da'me yeleu ñe'me Dios Liquiyac, qama'le mane'e qom joote yeleu nach'eñe jo'ne 'uaechiñe da'me 'niyelaĝajeguem, nataq'aen jo'ne 'yaĝatetac da'me 'yoqochiñe 'me nec'alaqataĝanaĝac jena'me qadayi nataq'aen ga'me jiyaĝadipi jo'ne na'ñalo gaa'me ale'u laqaya'.”

Lucas 2:32

Nach'eñe ena'am ta'le yoqochiñe jo'ne yecoyadelegue ena'uaque joga'me jiyaĝadipi; nach'eñe chiyaqayi da'me qo'mi qoyi'yoĝode'tape, qo'mi Israel laje'pi jo'ne mach'e qo'mi ac'oqo'tepi.”

1 Juan 1:2

Dojo' 'noyaĝac ca'li naloĝola't qama'le jauanaĝa, nach'eda ja'aĝataqatac nayi; nataq'aen ami jechoĝotaqatapema dojo' 'noyaĝac jo'ne yataqatelegue, da'me jo'ne jalchi'ena ue'tajop ñe'me Qadet'a nataq'aen da'me jo'ne qo'mi naloĝonouelo.

Juan 5:21

Qa'a naq'aeta joñe'me Taĝadena' 'niyelaĝachidijeguem jodia'me yele'u nataq'aen da'me yanema da'me lec'alaĝa'j, qama'le nach'e ena'am jayem janem da'me nec'alaĝac ga'me jo'ne jetaque ua'ajop.

Apocalipsis 22:16

“Jayem Jesús nach'ayem jo'ne jamaq ñe'me yamaĝajec jo'ne piyem le'ec qaedi ami 'yaĝatema yema da'me dojo', da'me ami jo'ne ovitauelo gaa'me tamenaĝaiqui'. Naqayem jo'ne jachiyoĝoguet di'me David, nataq'aen da'me nach'ayem jo'ne uaqachiñi 'me edetañgui nale ne'teta.”

1 Corintios 15:45

Nach'e ena'am naq'aeta da'me qoyediñe ca'li naa'me nedii's jo'ne 'laqatac ñe'me Dios, eet'oi: “Ñe'me 'uaeñe jiyaĝaua 'me lenaĝat Adán, ca'li qoye'et qama'le qoyanem da'me yataqata nec'aletaye qoyen.” Qalaĝaja ñe'me Adán jo'ne p'ategue, dojo' nach'eñe Cristo, qamqa'me nach'eñe yanegue da'me 'noyaĝac jo'ne chiyaqayi ñe'me Dios Lepaqal.

Apocalipsis 22:1

Qama'le joñe'me piyem le'ec jayem yaloĝona di'me ñache jo'ne chichiñe jena'me noĝop jo'ne le'ec. Qama'le da'me 'loyaĝac di'me ñache ena'am ta'le cristal, nataq'aen da'me chiyoqotelegue ñe'me lejaliaqa' joñe'me Dios choqoñe'me 'Naĝanaĝate Lec'oĝot.

Juan 3:19

Joote 'uo da'me ne'uaĝanague'j qa'a yauo'oe jogaa'me jo'ne ja 'noe'n, qama'le ca'li novi' ñe'me necoyadaĝanaĝat jo'ne nec'achi'ña jena'me aleua qama'le gaa'me jiyaĝadipi ja yec'adeta joñe'me qa'a noqopideta da'me 'lalaĝa, ja noqopideta da'me 'yoqochiñe.

1 Juan 1:1

Ami yaqaya'olqa, ami ja'aqataĝanaqatapema nayi queda'me jo'ne jalchi'ena 'uo joca'li, nach'eñe jo'ne joote jomachaĝa nataq'aen yataqachiñe jauanaĝa; nach'eñe jo'ne joote jec'atenaqatac choqoda'me joote jepotaqatac; nach'eñe 'naqataĝanaĝac jo'ne dechoqotaĝanec da'me 'noyaĝac jo'ne dalaĝaic.