Juan 1:38 - Nuevo Testamento Toba Sombrero Negro

³⁸ Qama'le Jesús 'nejelegalo qama'le yauanalo da'me quetedapegue', chane'eja male yena't: —¿Jach'e ga'me anechetaque? Qama'le enapega't: —Paĝaguenataĝanaĝaic, ¿jach'e ga'me at'achaqa'?

Nuevo Testamento Toba Sur

³⁸ Nachi so Jesús co'ollaq nqoilec, nachi ila'agueta soomayi da ca'attrauo, nachi inatta'pe, 'eeta': –¿Négue't ca qanmichiitaique? Nachi soomayi 'ena'po': –'Am mayi 'auapaxaguenataxaatac, ¿huá'ague ca qoneta'ague?

La'aqtaqa Ñim Lo'onatac 'Enauacna 2013

³⁸ Qaq So Jesús co'ollaq namatapec, nache ila'agueta soomaye da nca'attrauo, nache inatta'ape, 'eeta': –¿Negue't ca qoñiitapeguec? Nache soomaye 'ena'apo': –'Am Napaxaguenataxanaq, ¿hua'ague ca qoneta'ague?

Juan 1:38 Referans Kwoze

Juan 18:7

Joñe'me Jesús yitaĝa 'viyelaĝalegue da'me yena't jogaa'me: —¿Jach'e ga'me anechetaque? Qama'le jogaa'me 'viyelaĝadelegue da'me jo'ne joote nenaĝatedegue: —Ga'me Jesús jo'ne Nazaret le'ec.

Juan 3:2

Nach'eñe jo'ne yec'ata ñe'me Jesús ca'li pi'yaq qama'le enaac: —Am paĝaguenataĝanaĝaic, jayatenaq queda'me am namaĝaquena joñe'me Dios qaedi qo'mi auapaĝague'n, qa'a qom Dios ja uetaue ga'me jiyaĝaua qama'le ja yaqanatet ta'le ya'uo ga'me di'yoq jo'ne laloĝonataĝanaĝac 'me ena'am da'me aua'uo.

Juan 1:49

Qama'le ñe'me Natanael enaac: —Paĝaguenataĝanaĝaic, ¡naqa'am jo'ne Dios Lec'oĝot! Nataq'aen ¡naqa'am 'me lejaliaĝanec di'me Israel!

Juan 18:4

Qalaĝaja ñe'me Jesús joote yayaten yema da'me lajouaĝac qoyen qomle, qama'le chiyoqotouelo jogaa'me lapaĝaguenataqa qama'le yena't joga'me coicopi: —¿Jach'e ga'me anechetaque?

Juan 6:25

Mane'e da'me yovidedeta ga'me lajego joga'me noĝop let'adaic qama'le yauata ñe'me Jesús queda'me ue'ta joga'me loogue, qama'le 'uo da'me qoyenatetapec: —Paĝaguenataĝanaĝaic, ¿jach'e jo'me ua'a da'me anovitequena?

Juan 3:26

qama'le yec'adeta joñe'me Juan gaa'me lapaĝaguenataqa qaedi qot'aqataĝanem: —Am paĝaguenataĝanaĝaic, jo'me jo'ne am ue'tajop ca'li oue'ta di'me lajego di'me Jordán, jo'me jiyaĝaua jo'ne qo'mi a'uaĝatapema, joote dachilaĝanataĝatac, nataq'aen ena'uaque joga'me jiyaĝadipi quetegue joñe'me.

Hechos 10:29

Qo'che', mane'e da'me jayem qot'aqataĝanem, qama'le ja ja'uo 'te yaqalaic da'me ñanaequena. Chane'eja jetaque jayaten queda'me toqoch'e jayem aviyaĝana.

Juan 12:21

Jogaa'me yec'adeta ñe'me Felipe, ñe'me jo'ne Betsaida le'ec, jodi'me noic jo'ne uaue di'me aleua jo'ne Galilea, qama'le nachoĝodetot, enapega't: —Jaliaĝanec, da'me qo'mi jetaque jauanaĝa ga'me Jesús.

Lucas 19:5

Ca'li Jesús yovita ga'me ue'ta, nejelije'mec jaga'me epaq qama'le enaac: —Zaqueo, am enegue da'me anenochiñe, qa'a nayi jetaque jec'ata di'me at'achaqa'.

Hechos 10:21

Pedro nenochiñe ca'li, qama'le t'aqataĝanema gaa'me jiyaĝa'u: —Naqayem jo'ne aueloyitaque; ¿jach'e ga'me ami yeuoĝo'n?

Lucas 22:61

Chane'eja ñe'me Jaliaĝanec nejelec ca'li qama'le yelo'ta ñe'me Pedro, qama'le Pedro netouena queda'me ñe'me Jaliaĝanec joote yaqataĝanec da'me 'laqatac jo'ne enaac: “Nayi, qom maliaĝa ja noyen ñe'me olegaĝa, qama'le joote tres da'me jayem anematapec.”

Lucas 15:20

“Chane'eja male ya'uo da'me leuoĝoc, qama'le 'viyelaĝa ñe'me let'a. Ca'li maliaĝa ua'a ga'me qaya'aguet, qanach'e ñe'me let'a yela'aguet qama'le nomeguet da'me yichoĝoden joñe'me. Naqalegoq da'me ca'aguet, qapalec da'me yaconeguet nataq'aen nec'ouoq.

Lucas 14:25

Jalcote ga'me jiyaĝadipi quetedapegue' joñe'me Jesús; qama'le joñe'me nejelegueta, nataq'aen enaac:

Lucas 10:39

Marta 'uo jañe'me la'nole jo'ne lenaĝat María, nach'aga cha'li na'ña ga'me peta'ña ñe'me Jesús qaedi naquiaĝana yema ga'me 'laqatac ñe'me.

Lucas 8:38

Qalaĝaja ñe'me jiyaĝaua jo'ne qoyachiyoĝotauelo gaa'me payagodipi nachoĝodenot joñe'me Jesús qaedi yajeta da'me equegue joñe'me, qalaĝaja Jesús yamaĝalegue da'me ue'tedi, nataq'aen enaac:

Juan 1:37

Jogaa'me dojolqa 'me lapaĝaguenataqa ñe'me Juan domachitedapega da'me nenaĝategue da'me dojo', qama'le quetegue joñe'me Jesús.

Juan 1:39

Qama'le Jesús 'yategueta: —¡Auanaeyiquena, jayem oquiyegue! Qama'le jogaa'me male quetegue nataq'aen da'me yauata di'me jo'ne ue'ta, qama'le ueteda'ajop joñe'me jo'me dajeuo jañe'me ajeua chayovida'a javit.

Juan 4:31

Mane'e ca'li jona'li novidedeta ga'me jiyaĝadipi, qama'le jogaa'me lapaĝaguenataqa ñe'me Jesús male dojedapegue' joñe'me: —Am paĝaguenataĝanaĝaic, cha'li aueque'e.