Juan 1:15 - Nuevo Testamento Toba Sombrero Negro

¹⁵ Ñe'me Juan joote 'yaĝatetac joñe'me ca'li enaac: “Jenjo' jo'ne nach'ena 'me joote ja'aĝatetac ca'li jenaac, «Ga'me jo'ne jayem najoyalegue qomle, nach'ega jo'ne p'ajaye 'me jayem napacalegue, qa'a nach'eñe jo'ne jalchi'ena 'uo joca'li, da'me maliaĝa ja ñovitequena.»”

Nuevo Testamento Toba Sur

¹⁵ Qaq so Juan i'axattac co'ollaxa somayi, 'eeta': –'Eda da aÿim sa'axatta'aguet co'ollaq shiita': “Huo'o ca aÿim nca'attaueegue, qaq que'eca aÿim nca'attaueegue, ca mayi aÿim napacalec, cha'ayi nal'ena da huo'o co'ollaq saxanaqca aÿim.”

La'aqtaqa Ñim Lo'onatac 'Enauacna 2013

¹⁵ Qaq so Juan ỹa'axattac co'ollaxa, 'eeta': «'Era da aỹem sa'axatta'aguet co'ollaq sheeta': ‹Huo'o ca aỹem nca'attaueegue, qaq que'eca aỹem nca'attaueegue, camaye aỹem napacalec, cha'aye nale'ena da huo'o co'ollaq saxanaqca aỹem.›»

Juan 1:15 Referans Kwoze

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Colosenses 1:17

Cristo jalchi'ena 'uo joca'li maliaĝa qayaua naa'me naajo' uo'oe, qama'le nach'eñe jo'ne 'nelaĝatetañe ena'uac.

Juan 17:5

Nayi, am Taĝadena', jayem a'nonaĝachichigue da'me am jona'ajop, qaedi yitaĝa jauana da'me jalchi'ena 'yoyaĝac jo'ne onaĝaic da'me am jone'tajop ca'li da'me cha'li jona'li 'uo jenjo' aleua.

Lucas 3:16

Qalaĝaja Juan ena'uaque enapegalo jogaa'me: —Jayem, eja da'me male ami ñachilaĝañilo ga'me noĝop; qalaĝaja 'uo qom'te ñe'me jo'ne jayem napacalegue jo'ne yataqata p'ajaye nataq'aen ja jalo'oguet ta'le jejodegue gaa'me lapela'te leque'te. Nach'eñe ami nachilaĝaneque qom'te joñe'me Dios Lepaqal uotaĝa ga'me dole'.

Juan 8:58

Qama'le Jesús 'yategueta: —Da'me dojo' jo'ne eja 'me ami ja'aĝatema: joca'li maliaĝa qaya ñe'me Abraham, joote jayem 'uo.

Apocalipsis 2:8

“Nach'e ena'am auediñe da'me dojo' 'yaqataĝanaĝac qama'le auamaĝa ñe'me lamaĝajec ga'me tamenaĝaiqui jo'ne na'ña di'me Esmirna: «Da'me ami jo'ne oñiya'ña di'me Esmirna, ami janema nayi jenjo' 'yaqatac, mach'e jayem jo'ne je'uaechiñe nataq'aen da'me naqayem jo'ne jep'ategue, naqayem jo'ne jeleu ca'li qalaĝaja nayi joote yitaĝa jec'aletaye.

Hebreos 13:8

Jesucristo nach'e eta't da'me 'uo, chiyoqotelegue da'me 'uaechiñe chayovida'a nayi, nataq'aen nach'e eta't da'me ja pal.

Juan 1:27

Nach'eñe novi' qomle, ñe'me jo'ne jayem najoyalegue, qama'te ja jaqanatet ta'le jejodegue gaa'me lapela'te leque'te.

Marcos 1:7

Da'me liyaĝanaĝac joñe'me enaac: “'Uo ñe'me jayem najoyalegue qom'te jo'ne jayem napacalegue, nach'eñe jo'ne yataqata p'ajaye nataq'aen ja jalo'oguet ta'le ñanaĝa'ñejop qaedi jejodegue gaa'me lapela'te leque'te.

Apocalipsis 1:11

Qama'le jayem enapega: “Auediñe da'me dojo' jo'ne auana jo' qomle, auachalegue jaga'me nede qaedi auamaĝalo jogaa'me siete tamenaĝaiqui', jogaa'me jo'ne napi'ñalo jogaa'me noyaqa jo'ne netedaue di'me aleua Asia: gaa'me noyaqa jo'ne Éfeso, Esmirna, Pérgamo, Tiatira, Sardes, Filadelfia nataq'aen di'me Laodicea.”