Juan 1:12 - Nuevo Testamento Toba Sombrero Negro

¹² Qalaĝaja uo'oe gaa'me jo'ne yacoteguet joñe'me, nataq'aen da'me p'iida'a, qama'le yanema da'me yaqanate't q'ae'n da'me e'n Dios lec'oqo'tepi.

Nuevo Testamento Toba Sur

¹² Qalaxayi ñaqaiyita huo'o na ÿaconguet qataq i'amaqten somayi, qaq nachina na ÿanem da ÿoqta 'itchiguiñi da llalaqpi ñi Dios.

La'aqtaqa Ñim Lo'onatac 'Enauacna 2013

¹² Qalaxaye nam ỹaconeguet qataq ỹa'amaqten, qaq nachena na ỹoqta 'itchiguiñi da llalaqpi Ñim Lo'onatac 'Enauacna.

Juan 1:12 Referans Kwoze

Gálatas 3:26

Ami joote auep'iiya'a ñe'me Jesucristo, qo'che' ena'uaque ami joote ami Dios lec'oqo'tepi,

Romanos 8:14

Ena'uaque gaa'me jo'ne dajoteda'ye ñe'me Dios Lepaqal, mach'e Dios lec'oqo'te jogaa'me.

1 Juan 3:1

Piiya, ¡yataqachiñe qo'mi noqopitalo joñe'me Dios jo'ne Qadet'a, qama'le jetaque qo'mi e'n lec'oqo'tolqa! Qama'le eja da'me dojo'; qo'che' gaa'me aleua laje'pi ja qo'mi 'te yateto'n, qa'a ja yateto'n joñe'me Dios.

Gálatas 4:6

Qama'le nayi queda'me ena'am ta'le yataqachiñe qo'mi lec'oqo'tolqa, Dios namaĝaquena ñe'me Lepaqal 'me ja 'nalegue jo'ne chiyaqayi ñe'me mach'e Lec'oĝot qaedi qo'mi uetauelo. Qo'che' nale ñetamenoqot ñe'me Dios, ñe'me Lepaqal qo'mi yaje'tema da'me jiyaĝanoqot: “Am Qadet'a 'me am qadoqopita.”

Juan 3:18

Jogaa'me jo'ne p'iida'a ñe'me Dios Lec'oĝot qaya'te ne'uaĝanague'j; qalaĝaja jogaa'me jo'ne ja p'iida'a joote 'uo da'me ne'uaĝanague'j queda'me ja p'iida'a ñe'me Dios Lec'oĝot 'me onolec.

Colosenses 2:6

Queda'me joote auacoñiyeguet joñe'me Jesucristo jo'ne Adejaliaĝanequi, qama'le 'noota qom yataqachiñe oquiyegue joñe'me.

Mateo 10:40

Qom 'uo ga'me ami yaconegueta, qama'le naqayem da'me jayem yaconeguet; nataq'aen ga'me jo'ne jayem yaconeguet, qama'le nach'e ena'am yaconeguet ñe'me jo'ne jayem namaĝaquena.

Juan 20:31

Qalaĝaja naa'me naajo' 'naqataqa male qoyedidiñe qaedi a'uamaqachiñe joñe'me Jesús da'me nach'eñe jo'ne Dios Liquiyac, nataq'aen da'me yataqachiñe Lec'oĝot joñe'me Dios. Chane'eja qom auep'iiya'a joñe'me qama'le 'uo da'me adec'alaĝaqui jo'ne chiyaqayi joñe'me.

2 Pedro 1:4

Naa'me naajo' jo'ne uo'oe, nach'enaua jo'ne chiyaqauelo da'me jo'ne qo'mi 'yaĝatema jo'ne yataqachiñe let'adayaqa nataq'aen da'me jalcote da'me lajo'viyaĝac, qaedi naa'me naajo' jo'ne uo'oe e'n auañoĝochi da'me aneuañiya'uo da'me lajoĝoc ñe'me Dios qama'le nach'e ena'am da'me ami yaĝa'n da'me neleuaĝa jo'ne chiyaqayilo naa'me ja 'noe'n jo'ne lelnataĝaco ga'me loeco lo'olpi 'me uetedalegue jena'me aleua.

Mateo 12:21

Qama'le yema ga'me noyaqapi 'Uo da'me leuataqataĝanaĝa'j Da'me naqaeñe jo'ne chiyaqayi da'me nec'alaĝa.”

1 Juan 3:23

Nach'eda da'me lamaĝajoĝonaĝac, qaedi jep'iyaqa joñe'me Lec'oĝot Jesucristo nataq'aen 'noota qom ñoqopitaqapega't. Naq'aeta da'me qo'mi yamaĝalo'te ca'li.

Hechos 3:16

Da'me nepe'e 'me chiyaqayi da'me lañoqotaĝanaĝac ñe'me Jesús, nach'eda jo'ne yitaĝa ya'uo 'lañaĝac jenjo' jiyaĝaua jo'ne auañiya nataq'aen auatetoñi. Da'me dojo' nepe'e nach'eda jo'ne chiyaqayi da'me Jesús yataqachiñe en yemegue, nach'eda da'me jo'ne auañetelegue.

Juan 11:52

Qalaĝaja ja nach'edata da'me yiyamaĝam ga'me judiopi, dite da'me qaedi yapotena't ena'uac jogaa'me nelagaĝa ga'me neteda'ña jo'ne Dios lec'oqo'tepi.

Juan 1:7

da'me en 'laqataĝanaĝanec qaedi 'yaĝatetac ñe'me jo'ne necoyadaĝanaĝat, qaedi ena'uaque jogaa'me jiyaĝadipi da'me p'iida'a da'me jo'ne 'yaĝatetac joñe'me.

Mateo 18:5

Nataq'aen joñe'me jo'ne jayem naquiaĝana qama'le yaconeguet ga'me notolec ena'am jenjo', mach'e jayem yaconeguet.

Juan 2:23

Da'me cha'li ue'ta di'me Jerusalén ñe'me Jesús, jaa'me noloqo'ote jo'ne neualaĝayaĝaiqui 'me Pascua, jalcote joga'me jiyaĝadipi p'iida'a joñe'me queda'me yauanalo gaa'me di'yo't 'me 'nanaqa jo'ne yauo'oe.

Juan 1:11

Qama'le da'me male nec'ata jena'me mach'e 'naleua, jogaa'me mach'e 'lachaqa' laje'pi ja yacoteguet joñe'me.

Romanos 8:16

Qama'le nach'eñe ñe'me Dios Lepaqal uaĝayet ñe'me qadepaqal qaedi yechoĝot da'me male qo'mi lec'oqo'tolqa ñe'me Dios.

Romanos 8:19

Yema gaa'me 'lonatacpi ñe'me Dios 'uo da'me lidiaĝa ga'me nolo' qomle jena'me lec'oqo'tepi ñe'me Dios da'me male qoyaloĝo'n.

1 Juan 3:2

Ami yaqaya'olqa, joote qo'mi Dios lec'oqo'tolqa, temaqaedi maliaĝa ja jayatenaq da'me qo'mi di'yoĝoma q'ae'n ga'me qo'mi 'yeteque qom'che. Qalaĝaja, jayatenaq qom di'yo'quena joñe'me Cristo qama'le jenaqa'am joñe'me, qa'a jauanaĝa da'me 'loyaĝac qama'le jatetonaq.

1 Juan 3:10

Qoyayate'n jogaa'me Dios lec'oqo'tolqa nataq'aen qoyayate'n jogaa'me payac lec'oqo'te, qa'a gamachaqaega jo'ne ja ya'uo da'me 'noota, uotaĝa ja noqopita ga'me laqaya, nach'ega ja chiyoĝoguet joñe'me Dios, dite da'me chiyoĝoguet joñe'me payac.