Hechos 9:2 - Nuevo Testamento Toba Sombrero Negro

² qama'le yiyaĝanaque da'me qoya'uo jaga'me nediije jo'ne lajoĝolate da'me ya'uo da'me dojo' qaedi yec'atalo gaa'me nemaĝaiqui' di'me Damasco, da'me yecaa'tape gaa'me jo'ne quetegue da'me dalaĝaic nadic, ga'me jiyaĝadipi nataq'aen ga'me yauodipi, qaedi yaueta di'me Jerusalén qaedi qoyecoñe't.

Nuevo Testamento Toba Sur

² Nachi iÿaxanot somayi, da yaqto' ÿanem aca lmalate ca l'aqtac, da yaqto' so Saulo nqo'ona aca laponaxaqui na judiopi mayi naña yi Damasco, da ÿi'iguena'a nam quetague' da n'aqtac, da nauega yi Jerusalén da yaqto' qaicoñi', nai'ctaxa da ÿallippi, huo'otaq 'alpi.

La'aqtaqa Ñim Lo'onatac 'Enauacna 2013

² Nache iỹaxanot somaye, da yaqto' ỹanem aca lmalate ca la'aqtac, da yaqto' so Saulo nqo'ona aca napaxaguenaxaqui na judiopi maye naña ye nỹecpi ye Damasco, da ỹe'eguena'a nam quetague' da lapaxaguenataxanaxac So Jesús da yaqto' nauega ye Jerusalén da icoñi', na'aictaxa da huo'otaq ỹalleppi, huo'otaq 'alpi.

Hechos 9:2 Referans Kwoze

Hechos 19:23

Jaa'me jaajo' noloqo'ote 'uo ga'me cotaĝac di'me Éfeso yajouaĝat da'me dojo' dalaĝaic nadiquiyaĝac.

Hechos 19:9

Qalaĝaja uo'oe gaa'me nechiyojoĝotela'ajalo, ja jetaque p'iida'a, dite da'me yaloĝonalo naa'me 'laqataqa ga'me jiyaĝadipi da'me 'yotatedac da'me dalaĝaic nadiquiyaĝac. Chane'eja Pablo ca'ae jogaa'me qama'le yauegalo joga'me p'etaqadaiquipi ga'me lapaĝaguenataĝanaĝaiqui ñe'me Tirano. Nach'ega ua'a da'me yemeda noloqo'ote dojetac,

Hechos 24:14

Qalaĝaja am jechoĝotem da'me dojo': ñe'me Dios jo'ne p'iida'a dia'me yet'al nach'eñe jo'onataĝaneuo'o, nach'e naq'aeta da'me dalaĝaic nadiquiyaĝac jo'ne qoyenaqatetapec nepe'e. Qa'a yema ga'me 'uaechiñe qoyediñe joca'li ja'amaqate'n: jogaa'me lamaĝajoĝonaĝaco ñe'me Dios nataq'aen daa'me ledii's gaa'me Dios 'laqataĝanaĝanaqa.

Hechos 24:22

Ca'li domachiya da'me dojo' Félix, queda'me joote yataqachiñe yayate'tegue da'me dalaĝaic nadiquiyaĝac, cha'li yacha'ñedi da'me dojo' 'uo, qama'le enaac: —Qom novi' ga'me coicopi lajoĝola' Lisias qama'le yataqachiñe ñayatenaĝaye da'me dojo'.

Hechos 18:25

Joote qoyapaĝaguenec da'me ladic ñe'me Jaliaĝanec, nataq'aen yataqachiñe 'uo da'me 'lañaĝac da'me di'yoqo'tegue q'aen dapaĝaguenataĝatapec ñe'me Jaliaĝanec Jesús, mate mane'e da'me nachilaĝanataĝanaĝac nach'edata da'me yayaten da'me lapaĝaguenataĝanaĝac ñe'me Juan.

Hechos 9:14

Qama'le nayi nec'ata jena'me jenjo', jo'ne uo'oe gaa'me lajoĝolatel, 'me lediijel ga'me lejaliaĝanaqa ga'me tamenaĝaiqui lo'olpi, qaedi qo'mi yecoñe't, ena'uaque qo'mi jo'ne ja'aĝataqatac da'me adenaĝat.”

Hechos 26:12

“Nach'eda dojo' yelnataĝac ca'li queda'me jajoya'ague di'me noic jo'ne Damasco, qama'le jogaa'me tamenaĝaiqui lo'olpi lejaliaĝanaqa jayem yamaĝadelegue nataq'aen yauo'oe ga'me yequiaĝa'upi.

Hechos 7:19

Jenjo' jaliaĝanec yoqovin ca'li ga'me qadayi, qama'le 'yeteque da'me ja no'en dia'me qadet'al; qoyamaĝalo'te da'me qaedi yegue'm naa'me c'oqo'te nataq'aen yaje'tema da'me qoyala't gaa'me yemta niyidiñe.

Hechos 6:9

Uo'oe gaa'me jo'ne chiyoqodaue ga'me judiopi nemaĝaiqui lenaĝat «Jogaa'me qoyejodegue», nach'e ena'ama gaa'me chiyoqoda'a di'me Cirene, di'me Alejandría, di'me Cilicia nataq'aen di'me Asia, paja'a necotedapegue' ca'li ñe'me Esteban;

Mateo 10:17

'Noota qom anechilela't, qa'a ami qoyanouelo qomle jogaa'me jaliaĝanaqa nataq'aen ami qoyachauelo jogaa'me judiopi lemaĝaiqui' da'me ami qoye'uaĝa'n

Juan 14:6

Jesús 'yateguet joñe'me: —Naqayem jo'ne naq'aec, 'me eja nataq'aen da'me nec'alaĝa. Qaya'te naq'aec laqaya ta'le qoyovida'a ñe'me Taĝadena'.

Hechos 9:21

Ena'uaque gaa'me jo'ne domachita ca'li yataqachiñe yoqochetem ca'li, nataq'aen enapega't: —¿Qo'li ja naqaena jena'me yecaa'tape gaa'me jo'ne 'yaĝatetedac ñe'me Jesús 'me ueteda'a di'me Jerusalén? ¿Qo'li ja nach'ena jo'ne nec'ata jena'me jenjo' qaedi yaue'j nataq'aen yanouelo gaa'me lejaliaĝanaqa ga'me tamenaĝaiqui lo'olpi?

Hechos 26:10

qama'le naq'aeta da'me ja'uo ca'li da'me joue'ta di'me Jerusalén. Jayem yamaĝadelegue jogaa'me lejaliaĝanaqa ga'me tamenaĝaiqui lo'olpi, qaedi jalcote ga'me p'etaqadaiquipi jamaĝauelo joga'me coñetaĝanaĝaiqui'. Nataq'aen nale qoyala't qama'le nach'e ena'am ja'amaqaten.

2 Corintios 11:32

Ca'li joue'ta di'me Damasco, ñe'me qoyen nejaliaĝatelegue di'me chiyaqayi ñe'me p'ajaye jaliaĝanec Aretas, yauo'oe vitaĝayaqa ca'li di'me noic qaedi jayem yecoñe'.

Gálatas 1:17

uotaĝa ta'le jec'ata di'me Jerusalén qaedi jiyaĝanaque ga'me lelnataĝa'j gaa'me jo'ne joote namaĝa's. Ja naq'aeta, dite da'me paja'a jec'ata di'me aleua jo'ne Arabia; ca'li ji'iyelaq male jec'ata di'me noic jo'ne Damasco.