Hechos 8:9 - Nuevo Testamento Toba Sombrero Negro

⁹ Qalaĝaja 'uo ca'li ñe'me 'lachaqaidi lenaĝat Simón, jo'ne joote joca'li da'me 'yetetac da'me napinec nataq'aen jo'ne yoqovi'tape ca'li ga'me jiyaĝadipi di'me Samaria, eetapela't jiyaĝaua jo'ne p'ajaye.

Nuevo Testamento Toba Sur

⁹ Qalaxayi huo'o so shiÿaxaua l'enaxat Simón. Somayi co'ollaxa do'onataxaatega da napinshaxac da ÿatenachittac na shiÿaxauapi mayi hueta'a yi'iyi pueblo Samaria. Somayi 'eetego' naxa da ÿataqta huo'o naq 'enec.

La'aqtaqa Ñim Lo'onatac 'Enauacna 2013

⁹ Qaq huaña, nache huo'o so ỹale le'enaxat Simón. Somaye co'ollaxa do'onataxaatega da hueta'aguet no'onataxac da ỹatenachettac na shiỹaxauapi maye hueta'a yi'iye 'alhua Samaria. Somaye 'eetego' naxa da ỹataqta huo'o naq 'enec.

Hechos 8:9 Referans Kwoze

Hechos 13:6

Yema jaga'me nepole quedalegue ca'li qama'le yovideta di'me Pafos, ua'a da'me 'uo ñe'me yejomedalegue pi'yoĝonaq judío lenaĝat Barjesús, eetapela't Dios 'laqataĝanaĝanec.

Hechos 5:36

Qa'a ja copaja'a quelqaya ñijeguem di'me Teudas, eetapela't jiyaĝaua jo'ne 'uo da'me yaqanatet, qama'le uo'oe ga'me cuatrocientos jo'ne quetedapegue'. Qalaĝaja di'me qoyalat ca'li, nataq'aen gaa'me lauegaqataqa nelagaĝa, qama'le ua'a ca'li yema yenoĝonegue.

Juan 7:18

Ga'me jo'ne mach'e 'naĝatetapela't, nach'ega jo'ne yelotaque da'me jo'ne mach'e 'lonaĝac. Qalaĝaja da'me jayem jo'ne jelotaque da'me 'lonaĝac ñe'me jo'ne jayem namaĝaquena, qama'le ñenaĝategue da'me eja, qa'a da'me jayem qaya'te 'yaqatac ta'le ja no'en.

Hechos 8:11

Qama'le yoqochideta, qa'a da'me napinec yoqovi'n jogaa'me chiyoqo'teguet gaa'me copa'alo noloqo'ote,

Apocalipsis 22:15

Qalaĝaja joga'me p'aye nach'ega jo'ne ueteda'a jogaa'me jo'ne jomayaqa, nach'egaua jo'ne yeda'n gaa'me laqaya', choqogaa'me jo'ne 'yetetedac da'me nequejeguetaĝa, qama'le nach'e ena'ama jogaa'me lataĝanaĝayaqa nataq'aen jogaa'me p'iya'alo jogaa'me ch'e nequi'il nataq'aen jogaa'me noqopideta da'me napaĝagueteguet da'me noqovinaĝanaĝac.

2 Pedro 2:18

Nataq'aen da'me 'uo da'me lajamaĝa let'adaic ga'me jo'ne 'yaĝatetedac qalaĝaja qaya'te ta'le chiyaqayi, nataq'aen yejomaĝana'ape naa'me mach'e lamaico choqonaa'me lamanaĝanaĝaco da'me ch'e nejiyaĝauayaĝa'j naa'me jo'ne yemta yañoĝo't da'me ca'ae jogaa'me jo'ne uetedaue da'me lepatenaĝanaĝa'j.

2 Timoteo 3:5

Nalaĝayelo da'me eetedapega 'uo ga'me lepe'e', qalaĝaja yataqata yoqolegue't da'me qadepe'e ladic. Ena'te ta'le ch'e cholic da'me aualegouelo naa'me naajo' jiyaĝa'u,

2 Timoteo 3:2

qa'a male uo'oe qomle gaa'me jiyaĝa'u jo'ne ch'e noqopitela'ajalo, quetedapegue' loqopich'i jaga'me laicaua, 'yoĝodenaĝayaqa, otanaĝanaĝayaqa, nataq'aen 'uenaĝanaĝayaqa. Male ja naquiaĝanalo jogaa'me let'al, yataqata chiyoĝo's, nataq'aen male jetaque yapalaĝa't da'me qadepe'e.

2 Ts 2:4

Jenjo' jiyaĝaua jo'ne ja no'en, naqaena jo'ne yataqata nautena joñe'me Dios, chayovida'a eetapega deuodaĝanec yema joga'me loĝot joñe'me Dios. Nataq'aen nejaliaĝatoue qomle jena'me jenjo' tamenaĝaiqui jo'ne 'lemec joñe'me Dios, male naqaeñe eetapega nach'eñe ñe'me Dios.

Hechos 13:8

Qalaĝaja ñe'me pi'yoĝonaq jo'ne lenaĝat laqaya 'me griego 'laqatac da'me Elimas yataqata nauatapegueta ca'li, jetaque da'me ja 'yamaqaten ñe'me nejaliaĝanec qaedi ja p'iya'a.