Hechos 8:7 - Nuevo Testamento Toba Sombrero Negro

⁷ Qama'le qoyen yemedegue ca'li qayoĝode' gaa'me jiyaĝa'u jo'ne netayelo ga'me nepaqa'li jo'ne ja 'noe'n, qama'le ga'me nepaqa'li chiyaqauelo jogaa'me 'nalaqatedapejeguem; nataq'aen qayoĝode' gaa'me choĝolaĝayaqa jogaa'me ja daconaĝanapiye'ajalo qoyen yemedegue ca'li.

Nuevo Testamento Toba Sur

⁷ Cha'ayi qalota na shiÿaxauapi na huo'o na l'ec leguemaxaic na qanataden, qaq nam n'ecpi mayi inoxoneec, namayipi i'alaqtagui. Qataq nataq'en qalota na qanataden nam sa da'añiigue qataq nam huaÿodaxaicpi.

La'aqtaqa Ñim Lo'onatac 'Enauacna 2013

⁷ Cha'aye qalota na shiỹaxauapi maye nqo'oneua'a somaye, huo'o na netaigui saqcha'a na'añaxac leguemaxaic, nache so Felipe ỹo'orauec, nache ne'ena saqcha'a na'añaxac leguemaxaic huenoxonec, ỹa'alaqtagui. Nache nataqa'en qalota na nataren nam ñi'iỹauo na lche lỹa qataq nam sa da'añiigue, nache namayepi ỹe'eguelaxalec da queuoỹapigui'.

Hechos 8:7 Referans Kwoze

Mateo 10:1

Yem qama'le Jesús yiyaĝanalo joga'me doce jo'ne lapaĝaguenataqa, qama'le yanema da'me lañoqotaĝanaĝa'j qaedi yamaĝadegue gaa'me payac lepaqa'li jo'ne paĝachiguilo nataq'aen qaedi e'n yemedegue gaa'me yodapecache napite'nadi nataq'aen nayaliaĝaco.

Hechos 5:16

Choqogaa'me noyaqolqa jo'ne ñeje'gue di'me Jerusalén qayoĝode' gaa'me jiyaĝa'u jo'ne yec'adeta yache'tape gaa'me leuaĝayaqa nataq'aen jiyaĝa'u jo'ne yeloiquiaĝa'tape ñe'me payac lepaqal jo'ne ja no'en; qama'le ena'uaque jogaa'me qoye'n yemedegue.

Hebreos 2:4

Joñe'me Dios nach'e ena'am yauo'oe gaa'me 'lanaqa jo'ne qo'mi naloĝolo'te, gaa'me 'lanaqa onaĝayaqa choqoda'me ye't daa'me ja di'yo't nach'e ena'am da'me jalcote ja qoyauanalo, qama'le ñe'me Dios Lepaqal male qo'mi yanema gaa'me nañoqotaĝanaĝaco jo'ne yodapecache, qa'a nach'e naq'aeta da'me dojo' jo'ne mach'e 'lamaqatenataĝanaĝac joñe'me.

Juan 14:12

Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Lucas 10:17

Jogaa'me namaĝa's jo'ne setenta y dos yataqachiñe made'tapolqa ca'li 'viyela', nataq'aen enapega't: —¡Jaliaĝanec! ¡Chayovida'alo gaa'me payagodipi qo'mi yoqo'chalo nale ñenaĝataĝaye da'me adenaĝat!

Marcos 9:26

Ñe'me nepaqal jalcote da'me 'yalaqatet ñe'me notolec, nach'eda da'me yitaĝa yecopichaqatet joga'me. Yem qama'le yemta yenoĝonegue qama'le ca'e, yachetai'ndi ena'am da'me yataqachiñe joote yeleu, chane'eja ga'me jiyaĝadipi yepetedapega da'me yataqachiñe yeleu.

Mateo 11:5

A'uaĝachem qomle da'me male nauachidiñe jogaa'me qana'mi, nataq'aen jogaa'me uayodaĝayaqa male yeuo'tape, jogaa'me daloĝo lalataqa male yoqovite' da'me lapite'na't, jogaa'me ja domachiya'ape male domachi'y, jogaa'me joote yele'u yitaĝa nec'alidijeguem nataq'aen jogaa'me choĝodache male qo'yaĝatapema da'me onaĝaic Dios 'laqataĝanaĝac.

Mateo 4:24

Yema di'me aleua jo'ne Siria qo'yaĝatetac ñe'me Jesús, qama'le qoyeda'alo gaa'me yodapecache lachoĝodeco 'me ja 'noe'n, napite'nadi nataq'aen layaliaĝaco, nataq'aen jogaa'me uetayelo gaa'me payac lepaqa'li, nataq'aen jogaa'me copechaĝayaqa choqogaa'me choĝolaĝayaqa. Qama'le ena'uaque e'n yemedegue ñe'me Jesús.

Hechos 8:6

Ga'me jiyaĝadipi yema'a't nale, nataq'aen ena'uaque jogaa'me naquiaĝatedapega ga'me jo'ne Felipe nenaĝategue, qa'a yauanalo gaa'me 'nanaqa jo'ne p'ajodaye jo'ne yauo'oe ñe'me.