Hechos 8:12 - Nuevo Testamento Toba Sombrero Negro

¹² qalaĝaja ca'li male yacoteguet da'me onaĝaic 'naqataĝanaĝac jo'ne Felipe 'yaĝatetac, da'me lejaliaĝa ñe'me Dios nataq'aen Jesucristo, qama'le ga'me jiyaĝadipi nataq'aen yauodipi yacoteguet da'me nachilaĝanataĝanaĝac.

Nuevo Testamento Toba Sur

¹² Qalaxayi co'ollaq qai'amaqten dam no'on qad'axaÿaxac mayi i'axattapeguem somayipi so Felipe co'ollaq i'axattac da ilo'ogue 'enauacna ñi Dios, qataq i'axattac da l'enaxat so Jesucristo, nachi huo'o na ÿallippi qataq na 'alpi na da'amqajnataxan, nachi qanachilaxan.

La'aqtaqa Ñim Lo'onatac 'Enauacna 2013

¹² Qalaxaye nvi' so Felipe, nache ỹa'axattac dam no'on na'axaỹaxac maye lo'onataxanaxac Ñim Lo'onatac 'Enauacna. Qataq ỹa'axattac So Jesús maye Lca'aguishec Ñimaye, nache 'enauac nam hueta'a ye 'alhua Samaria da'amqaanataxan. Nache so Felipe qalota so nachelaxan ỹalleppi qataq 'alpi.

Hechos 8:12 Referans Kwoze

Hechos 2:38

Pedro 'yategueta jogaa'me: —A'niyelaqaeyot joñe'me Dios, nataq'aen onolqa'tape ami auacoñiyeguet da'me nachilaĝanataĝanaĝac jo'ne en di'yoq da'me auep'iiya'a joñe'me Jesucristo, qaedi Dios yapalaĝa't jodaa'me adoecodi', qama'le nach'eda naq'aeta ami qoyanema joñe'me Dios Lepaqal jo'ne ja 'nalegue.

Hechos 1:3

Nach'egaua jo'ne yitaĝa dajoya'agueta ñe'me Jesús ca'li yoĝo'yi da'me leleuaĝa, nach'eda yataqachiñe en di'yoq jo'ne laloqotenaĝanaĝac queda'me maliaĝa nec'aletaye. Nalo'taguet cuarenta gaa'me noloqo'ote da'me cha'li yec'atetedac jogaa'me nataq'aen 'yaĝatetapema da'me lejaliaĝa joñe'me Dios.

Mateo 28:19

Chane'eja oquiyi nayi, auec'achiyalo ena'uaque ga'me jiyaĝadipi qama'le a'uaqataĝañema qaedi auauoyi' yapaĝaguenaqa. Anachilaĝañi' jogaa'me, da'me auachiyalo'te da'me lañoqotaĝanaĝac ñe'me Qadet'a choqoñe'me Lec'oĝot choqoñe'me Dios Lepaqal 'me ja 'nalegue,

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

Hechos 2:41

Chane'eja naq'aeta, gaa'me jo'ne yoqochideta da'me 'laqataĝanaĝac qonachilaĝa'n ca'li; qama'le jojo' nolo' uoja'aegaua tres mil jiyaĝadipi da'me nichidegue ga'me p'etaqadaiquipi.

Gálatas 3:28

Chane'eja male ja p'ajaye da'me ami judiopi uotaĝa ja ami 'te judiopi, qom ami nelataqa uotaĝa uojotedañi, uotaĝa ami le'emdipi uotaĝa ami yauodipi, qa'a ena'uaque ami qoyapetenegueta ñe'me Cristo qama'le ena'uac nalo'ta't.

Romanos 10:10

Qa'a da'me nelnataĝac 'uo da'me lepe'e qaedi yovidalegue da'me lec'alaĝac, nataq'aen naa'me qanedegaqa'te yechoĝo't ñe'me Jesucristo qaedi jovidaqalegue da'me qadec'alaĝac.

1 Corintios 11:11

Qalaĝaja, nayi da'me male joqotaqa'taguet ñe'me Jaliaĝanec, gaa'me yauo' male yataqachiñe yema'agueta gaa'me jiyaĝa'u nataq'aen gaa'me jiyaĝa'u male yataqachiñe yema'agueta gaa'me yauo',

Hechos 28:31

'Yaĝatetac da'me lejaliaĝa ñe'me Dios nataq'aen dapaĝaguenataĝatapec ñe'me Jaliaĝanec Jesús; yataqachiñe 'uo da'me 'lañaĝac nataq'aen qaya'te gamachaqaega ta'le nauatapeguet.

Hechos 20:25

“Qama'le nayi jachimaĝadejañe queda'me gamachaqaega ami, gaa'me jo'ne jayatenaĝaneque da'me lejaliaĝa ñe'me Dios, ja yitaĝa jayem yauata.

Hechos 20:21

Ga'me judiopi nataq'aen ga'me ja judiopi ja'aqataĝanema queda'me 'noota ta'le 'viyelaĝadetot joñe'me Dios nataq'aen 'noota ta'le p'iida'a ñe'me Qadejaliaĝanec Jesús.

Hechos 18:8

Choqoñe'me Crispo 'me yelolegue ga'me nemaĝaiqui p'iya'a ñe'me Jaliaĝanec, nataq'aen yemeda ga'me mach'e c'oqo'tepi. Nataq'aen nach'e ena'am qayoĝode' gaa'me Corinto laje', ca'li domachita da'me 'naqataĝanaĝac, p'iida'a qama'le qonachilaĝa'n.

Hechos 11:20

Taqaeue'ta, uo'oe gaa'me p'etaqadayaqa Chipre laje' nataq'aen Cirene yovideta di'me noic jo'ne Antioquía qama'le nach'e ena'ama t'aqataĝatapema ga'me jo'ne ja judiopi, yapaĝaguetapeque daa'me onaĝayaqa 'me 'yaĝatetedac ñe'me Jesús, mach'e Jaliaĝanec.

Hechos 5:14

Nataq'aen nichiquetaye ga'me jiyaĝadipi, gaa'me jiyaĝa'u choqogaa'me yauo', jo'ne p'iida'a ñe'me Jaliaĝanec.

Lucas 9:60

Qalaĝaja Jesús 'yateguet: —Auomachiya'alo ga'me napa'lpi qaedi mach'e yijediñi gaa'me yele'u. Am qamqa'me oc qama'le a'uaĝatetac da'me lejaliaĝa ñe'me Dios.

Lucas 9:2

Yamaĝalo'te jogaa'me qaedi 'yaĝatetedac joda'me lejaliaĝa joñe'me Dios nataq'aen qaedi e'n yemedegue joga'me leuaĝaiquipi.

Hechos 8:4

Qalaĝaja gaa'me jo'ne chiyoqodaue di'me Jerusalén da'me eque', ena'uaque naa'me tayapegue'galo 'yaĝatetedac da'me onaĝaic 'naqataĝanaĝac.

Hechos 19:5

Ca'li domachita da'me dojo', qonachilaĝa'n ca'li queda'me 'yamaqate'n ñe'me Jesús mach'e Lejaliaĝane'j.