Hechos 8:1 - Nuevo Testamento Toba Sombrero Negro

¹ Saulo nechatetañe yec'atetac da'me Esteban leleuaĝa. Nach'ejo jojo' nolo', ga'me p'etaqadaiquipi yataqachiñe jalcote da'me necanague'j di'me Jerusalén. Ena'uaque jo'me qamaĝaya't gaa'me namaĝa's, nelagaĝatedelegue di'me aleua Judea nataq'aen Samaria.

Nuevo Testamento Toba Sur

¹ Qaq so Saulo ÿataqta ÿaÿamaxadeeta da nalaataguec so Esteban. Qaq nachi huetoigui se'eso na'a'q da qaicanaxangui na 'amqajnataxanaxaicpi yi Jerusalén, nachi huo'o na taÿa yi 'alhua Judea qataq yi Samaria. Qaq chaqsouate' soua Jesús lamaxa'shi n'oidañi.

La'aqtaqa Ñim Lo'onatac 'Enauacna 2013

¹ Qaq so Saulo ỹauaachigui da nalaataguec so Esteban, qataq ỹataqta ỹaỹamaxareeta. Qaq nache huetoigui se'eso na'a'q da qaicanaxangui nam ỹa'amaqten So Jesús ye Jerusalén, nache huo'o na taỹa ye 'alhua Judea qataq ye 'alhua Samaria. Qaq chaqsouate' soua Jesús lamaxa'she no'oirañi.

Hechos 8:1 Referans Kwoze

Hechos 22:20

nataq'aen queda'me ca'li qoyala't di'me adalemaĝajet Esteban, jo'ne am 'yaĝatetac, mach'e jayem joue'ta ga'me ua'a nataq'aen 'uo da'me yiyamaĝadenataĝanaĝac queda'me qoyalat, choqoda'me jetelalo ga'me leuo gaa'me jo'ne yala't ca'li.»

Hechos 7:58

Qoyachiyoĝotaue ga'me noic da'me qoyaueguegue qama'le qoyajaĝaque ga'me qadipi; gaa'me jo'ne eetapela'ajalo choqotaĝanaĝayaqa jo'ne nauteta di'me, yepotateguet ga'me leuo qaedi netelalo ñe'me nejoq lenaĝat Saulo.

Hechos 5:40

Chane'eja qoyiyaĝane'galo gaa'me namaĝa's, qoye'uaĝa'n nataq'aen qoyecochaĝateque ta'le quetedalegue da'me lañoqotaĝanaĝac ñe'me Jesús; yem qama'le qoyejodegue.

Hechos 5:33

Ca'li domachita da'me dojo', qama'le dalemata'y nataq'aen jetaque yala't jogaa'me.

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Hechos 8:14

Ca'li gaa'me namaĝa's jo'ne ueteda'a di'me Jerusalén yanoma'alo jogaa'me Samaria laje' queda'me yacoteguet da'me 'naqataĝanaĝac 'me chiyoĝogue ñe'me Dios, qama'le yamaĝategue da'me daja' ñe'me Pedro nataq'aen Juan.

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.

Hechos 8:4

Qalaĝaja gaa'me jo'ne chiyoqodaue di'me Jerusalén da'me eque', ena'uaque naa'me tayapegue'galo 'yaĝatetedac da'me onaĝaic 'naqataĝanaĝac.

Juan 15:20

Anetoviñetac da'me jo'ne joote ami ja'aĝatema: «Qaya'te namaĝajec ta'le napacalegue joga'me lejaliaĝanec.» Qom naqayem da'me 'uo da'me ñecanaguec, qama'le nach'e ena'am ami 'uo da'me anecanaguequi, nataq'aen qom qoyoqocha'alo naa'me 'yaqataqa qama'le nach'e ena'am qoyoqocha'alo naa'me mach'e at'aqataqadi'.

Hebreos 11:27

Ñe'me Moisés, da'me yajouaĝat da'me 'uo da'me lepe'e, qama'le ca'e di'me Egipto. Ja t'oiyapega da'me lalemataic ñe'me nejaliaĝanec, qama'le 'nañaĝatec da'me mach'e lelnataĝac jo'ne chimaqachiñe, qa'a ena'am ta'le joote yauana ñe'me Dios jo'ne ja di'yoq.

Filipenses 1:12

Ami yaqaya'olqa, 'noota qom auayachiñe joda'me jayem qo'eetec quelqaya, qa'a jenjo' ma'ejama'le jayem lecochiya da'me ja'aĝatetac jena'me jenjo' 'noota ladic.

Hechos 13:1

Joga'me p'etaqadaiquipi jo'ne neda'ña di'me Antioquía uo'oe ca'li gaa'me Dios 'laqataĝanaĝanaqa nataq'aen paĝaguenataĝanaĝayaqa. Nach'eñe Bernabé, Simón (jo'ne nach'e ena'am qoyenaqatetapec ñe'me Ledaĝaic), Lucio jo'ne Cirene le'ec, Menahem (jo'ne naquetaje'me' ca'li ñe'me Herodes, nach'eñe jo'ne nejaliaĝatelegue di'me Galilea) nataq'aen Saulo.

Hechos 7:38

Nataq'aen ca'li Moisés yema'ña ga'me aleua jo'ne totapega't nach'e Moisés p'ayapeguet ca'li ga'me piyem le'ec jo'ne naloĝoneguet di'me qajoĝonaĝa jo'ne Sinaí nataq'aen dia'me qadet'al; nach'eñe qoyanema gaa'me 'naqataqa jo'ne chiyaqauelo da'me 'noyaĝac qaedi qo'mi yaqauaqatenouelo.

Hechos 5:20

“Jamoyi, qama'le anechachiñi da'me auec'achiya ga'me tamenaĝaiqui, a'uaĝachetapema ena'uaque daa'me noyaqa da'me dojo' 'naqataĝanaĝac jo'ne chiyaqayi da'me 'noyaĝac.”

Hechos 5:18

qama'le yecoñe't jogaa'me namaĝa's qaedi qoyanedaue jaga'me coñetaĝanaĝaiqui jogaa'me.

Hechos 2:47

'Nonaĝachidegue ñe'me Dios nataq'aen qonedo'teneque jogaa'me; nataq'aen yemeda naa'me noloqo'ote en nichiquetaye ga'me napetenegueta joga'me p'etaqadaiquipi ñe'me Jaliaĝanec, gaa'me jo'ne naqaegaua yiyaĝanalo ñe'me, qaedi qonec'alaĝatedegue.

Juan 16:2

Qa'a male ami qoyamaĝadegue qomle jogaa'me tamenaĝaiqui', nataq'aen yovida'a qomle da'me 'uo ga'me ami yala't queda'me eetedapega naq'aeta da'me loequenataĝanaĝac joñe'me Dios.

Mateo 23:34

Jouaĝat da'me dojo' nayi ami ñamaĝalo daa'me Dios 'laqataĝanaĝanaqa 'me yatenaĝanaĝayaqa nataq'aen paĝaguenataĝanaĝayaqa. Qalaĝaja ami aualachi' qomle nataq'aen uo'oe gaa'me auep'eñiyajeguem, gaa'me laqaya' a'uaĝañe'tape da'me uetauelo gaa'me ademaĝaiqui', nataq'aen laqaya' yapiyetapegouelo gaa'me noyaqa da'me auecaañi'tape.

Mateo 22:6

nataq'aen jogaa'me laqaya' yecoñe't gaa'me lalemaĝaje'te ñe'me jaliaĝanec qama'le ja no'en da'me qo'yeteque chayovida'a qoyala't.

Mateo 5:13

“Ena'am ta'le ami mach'e qa'noua jo'ne youe'n joga'me jiyaĝadipi. Qalaĝaja qom ga'me qa'noua qaya da'me 'louaĝa, ¿qo'li yaqanatet ta'le 'niyelaĝatela't da'me lamaic? Male ja no'en, chane'eja qoyijaĝa'ya ga'me naq'aec qama'le qopetapelegue.

Hechos 7:54

Ca'li domachiyalo naa'me naajo', qama'le de'uoya'ape nataq'aen yejeda'ajalo naa'me lodaitel da'me yauaĝadelegue ñe'me Esteban.

Hechos 8:2

Uo'oe gaa'me jiyaĝa'u jo'ne choĝodenataĝanaĝayaqa yijediñi Esteban nataq'aen noyetedapelegue joga'me.

Hechos 8:5

Felipe, jo'ne chiyaqauelo jogaa'me, dajoyi di'me laeñi ga'me noic jo'ne Samaria, qama'le paja'a da'me 'yaĝatetac ñe'me Cristo.

Hechos 13:36

Chane'eja, da'me eja queda'me David yelo'ogue ga'me mach'e layi, nach'e naq'aeta da'me jo'ne Dios yamaĝalegue. Yem qama'le yeleu, qoyacha'ajopa dia'me let'al nataq'aen queda'me nec'oechiñe ga'me lapat.

Hechos 26:10

qama'le naq'aeta da'me ja'uo ca'li da'me joue'ta di'me Jerusalén. Jayem yamaĝadelegue jogaa'me lejaliaĝanaqa ga'me tamenaĝaiqui lo'olpi, qaedi jalcote ga'me p'etaqadaiquipi jamaĝauelo joga'me coñetaĝanaĝaiqui'. Nataq'aen nale qoyala't qama'le nach'e ena'am ja'amaqaten.

Romanos 1:32

Jogaa'me yataqachiñe joote yayate'n queda'me Dios yauo'oe gaa'me 'laqataqa queda'me qom 'uo ga'me 'ye'tape naa'me naajo' ja qoyiyamaĝade'n, qama'le qoya'uo da'me nalataguec. Qalaĝaja jogaa'me taqaedita da'me quetedalegue da'me 'yetetedac da'me ja no'en, chayovida'a machidiñe q'ae'n da'me yeloteda'a ga'me laqaya da'me nach'e ena'am ye'tetac ga'me ja no'en.