Hechos 7:2 - Nuevo Testamento Toba Sombrero Negro

² qama'le ñe'me 'yateguet: “Ami yaqaya'olqa, nataq'aen net'alpi, cha'li jayem anaquiaĝañiya: ñe'me Qanedios jo'ne 'uo da'me 'lonaĝa naloĝoneguet ñe'me Abraham jo'ne mach'e jachiyojoĝoguet ca'li ue'ta di'me Mesopotamia, ca'li tatalegue da'me yec'ata di'me Harán qaedi na'ña,

Nuevo Testamento Toba Sur

² Nachi somayi 'enapeco': –Qami' ÿaqaÿadolqa, qataq qami' ita'alpi, ñaq aÿim qan'axaÿaxañiÿa. Ñim qadta'a Dios mayi ÿi'oxodaic, ñimayi nachaxana co'ollaxa so qadta'a Abraham co'ollaq somayi hueta'a yi 'alhua Mesopotamia, co'ollaq somayi saxanaxa da taÿa yi Harán.

La'aqtaqa Ñim Lo'onatac 'Enauacna 2013

² Nache so Esteban 'enapeco': –Qami' ỹaqaỹarolqa, qataq qami' maye qauloitague' ne'ena 'alhua, ñaq aỹem qana'axaỹaxañiỹa. Ñim 'añaxaic maye Lo'onatac 'Enauacna nachaxana so hua'au qarta'a Abraham co'ollaq huaña ye 'alhua Mesopotamia, co'ollaq somaye saxanaxa da taỹa ye nỹecpi ye Jarán da naña.

Hechos 7:2 Referans Kwoze

Hechos 22:1

“Ami yaqaya'olqa, nataq'aen ami net'alpi, anaquiaĝañiya da'me ami ja'aĝatema jo'ne ami jedo'ogueta.”

Hebreos 1:3

Queda'me naqaeñe jo'ne laqaselegaĝac da'me 'lonaĝac joñe'me Dios, nataq'aen da'me 'loyaĝac joñe'me ena'am da'me 'loyaĝac joñe'me Dios. Qama'le naa'me 'laqataqa joñe'me C'oĝot 'uo da'me lañoqotaĝanaĝa'j qaedi nelaĝatetedañe ena'uaque naa'me naajo' jo'ne uo'oe. Chane'eja ca'li yomat da'me ena'am ta'le qo'mi yiyo'y qaedi qoyapalaĝa't naa'me mach'e qadoeco, qama'le neta'ña di'me yayaten joñe'me Dios, da'me male na'ague di'me piyem jo'ne lejaliaqa'.

Juan 1:14

Qama'le ñe'me jo'ne 'naqatac joca'li male di'yoq ca'li da'me jiyaĝaua, ñe'me jo'ne yataqachiñe choĝodenataĝanaĝaic nataq'aen yataqatelegue, male qo'mi uetauelo. Chane'eja jauanaĝa da'me 'lonaĝac jo'ne yachiyoĝo'tot ñe'me Let'a queda'me onolec jo'ne mach'e Lec'oĝot.

Apocalipsis 4:11

“Am Qadejaliaĝanec nataq'aen da'me mach'e am Qanedios, Naqa'am jo'ne am tachigui da'me yataqata am qo'nonaĝachigui, Jouaĝat da'me 'uo da'me at'onaĝac nataq'aen da'me adañoqotaĝanaĝac let'adaic, Qa'a naqa'am jo'ne aue't yema naa'me naajo' uo'oe; Qa'a naq'aeta da'me mach'e adelnataĝac ca'li, Qama'le uo'oe nayi da'me male aue'n di'yo'quena.”

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

1 Corintios 2:8

Qaya'te onolec gaa'me jo'ne nejaliaĝatedelegue jena'me aleua ta'le yayaten dojo' nayatenaĝanaĝac; ta'che joote yayate'n, qama'le ja yanetedaye jaga'me sodoso da'me yala't ñe'me Jaliaĝanec jo'ne naqaeñe netaue da'me 'lonaĝac ñe'me Dios.

Hechos 23:7

Mane'e ca'li nenaĝategue da'me dojo' jogaa'me jo'ne 'yamaqate'n da'me 'niyelaĝajoĝoc nataq'aen joga'me jo'ne ja 'yamaqate'n da'me 'niyelaĝajoĝoc, paja'a mach'egaua necotayapega't ca'li, qama'le colaĝaye ca'li ga'me nojaĝac.

Juan 12:41

Isaías yediñe da'me dojo' qa'a yauana da'me 'lonaĝac ñe'me Jesús, qama'le nach'eñe joñe'me Jesús jo'ne 'yaĝatetac ca'li.

Lucas 2:14

“¡Qo'nonaĝachigui joñe'me Dios jo'ne na'ague di'me p'ajeguem! ¡'Nemaĝac neda'ña jena'me aleua uetouelo joga'me jiyaĝadipi, nach'egaua jo'ne Dios yichoĝode'n!”

Mateo 6:13

Ena'te qo'mi auachalo'te da'me qanapiyenaguec, Dite da'me qo'mi auachiyoĝo'toto joñe'me ja no'en.»

Hechos 7:1

Ñe'me lejaliaĝane'j ga'me tamenaĝaiqui lo'olpi yachimaĝata ñe'me Esteban qom yataqachiñe eja da'me qo'yaĝatetac ñe'me,

Efesios 1:17

Nataq'aen ñachoĝodenot joñe'me Nedios ñe'me Qadejaliaĝanec Jesucristo, ñe'me mach'e Qadet'a jo'ne onaĝaicaloec, qaedi ami yanema joñe'me Lepaqal jo'ne ja 'nalegue, qaedi ami yatenaĝanaĝayaqa nataq'aen male yataqata at'amaqayec joñe'me Dios.

Hebreos 11:8

Ñe'me Abraham yataqata p'iya'a ñe'me Dios joca'li yiyaĝana, qama'le paja'a da'me yoqo'cha. Ec, dajoyi ga'me aleua jo'ne qoyanem qaedi en loĝot, qama'le ca'ae ga'me aleua jo'ne mach'e 'lachaqa', da'me ja yayaten ga'me dajoyi joca'li.

Santiago 2:1

Ami yaqaya'olqa, da'me auep'iiya'a ñe'me Qadejaliaĝanec Jesucristo jo'ne 'uo da'me 'lonaĝa, ena'te jetaque auauoyi adiquiyaĝanaĝaqui ga'me onolec adaqayai, qom ja nach'e ena'ama gaa'me adaqayadi' laqaya'.