Hechos 6:9 - Nuevo Testamento Toba Sombrero Negro

⁹ Uo'oe gaa'me jo'ne chiyoqodaue ga'me judiopi nemaĝaiqui lenaĝat «Jogaa'me qoyejodegue», nach'e ena'ama gaa'me chiyoqoda'a di'me Cirene, di'me Alejandría, di'me Cilicia nataq'aen di'me Asia, paja'a necotedapegue' ca'li ñe'me Esteban;

Nuevo Testamento Toba Sur

⁹ Nachi huo'oi soua chigaqa'alo aca laponaxaqui na judiopi mayi qaÿamata'ac laponaxaqui na qaisouec nlatacpi. Qataq so laÿipi huo'o na chigaqa'ague da Cirene, qataq da Alejandría, qataq da Cilicia, qataq yi 'alhua Asia. Nachi somayipi ncotatague' so Esteban.

La'aqtaqa Ñim Lo'onatac 'Enauacna 2013

⁹ Nache huo'oi soua chegaqa'alo aca napaxaguenaxaqui na judiopi maye qaỹamata'ac Napaxaguenaxaqui na Ỹalleppi Huesochiguiñi, huaxaiguet so chegaqa'a ye nỹecpi ye Cirene, qataq ye nỹecpi ye Alejandría, qataq ye 'alhua Cilicia, qataq ye 'alhua Asia. Nache soomaye ncotatague' so Esteban.

Hechos 6:9 Referans Kwoze

Hechos 23:34

Ca'li yem da'me dojelegue jaga'me nediije, ñe'me jaliaĝanec yachimaĝata ñe'me Pablo jach'e ga'me chiyoqochi'ña; qama'le da'me yayaten da'me 'lachaqa' di'me Cilicia,

Hechos 22:3

“Jayem judío. Ñiyi'ña di'me Tarso jo'ne Cilicia, qalaĝaja joue'ta ca'li jayem jaqayi jena'me jenjo' Jerusalén, ñapaĝaguetapecot ñe'me Gamaliel, jo'ne yataqachiñe que'teguelo daa'me namaĝajoĝonaĝaco 'me chiyoqo'oto dia'me qadet'al. Nach'e eta't jetaque jemata' jena'me yeuel da'me jo'onataĝaneuo'o ñe'me Dios, nach'e naq'aeta da'me ena'uaque ami auauoyi nayi jenjo' nolo'.

Hechos 15:41

Qama'le tadelegue di'me Siria nataq'aen Cilicia, 'yañaqate'tape jogaa'me qadaqaya'olqa yema gaa'me noyaqa.

Hechos 15:23

qama'le jogaa'me qoyamaĝaguelo jana'me janjo' nediije: “Qo'mi jo'ne namaĝa's nataq'aen 'yaĝaicachidi mach'e adaqayadi'; qadamaic ami janemaĝama, ami qadaqaya'olqa jo'ne ja judiopi, nataq'aen 'me oñiya'ña di'me Antioquía, nataq'aen di'me aleua Siria choqodi'me Cilicia.

Mateo 27:32

Ca'li joote yenoĝodegue uadeda'aguet ñe'me jiyaĝaua lenaĝat Simón, 'lachaqa' di'me Cirene, nach'eñe qoyamaĝalegue qaedi yepen jaga'me nesodoso ñe'me Jesús.

Gálatas 1:21

Ca'li yem da'me dojo', male jec'atalo dia'me ale'u jo'ne Siria nataq'aen Cilicia.

Hechos 21:27

Ca'li joote yenoĝotedaye gaa'me siete noloqo'ote, uo'oe ga'me judiopi jo'ne chiyoĝotegue di'me aleua jo'ne Asia, yauata ñe'me Pablo qama'le yejoĝodoue ga'me jiyaĝadipi. Qama'le qonecodiye ñe'me Pablo,

Hechos 19:10

chane'eja naq'aeta da'me ya'uo, nalo'tagueta dos gaa'me 'uoidi, nach'eda eeta da'me ena'uaque gaa'me jo'ne neda'ña di'me aleua jo'ne Asia, ga'me judiopi nataq'aen ga'me ja judiopi domachita da'me 'laqataĝanaĝac ñe'me Jaliaĝanec.

Hechos 18:24

Jaa'me jaajo' noloqo'ote yovita di'me Éfeso ñe'me judío lenaĝat Apolo, jo'ne 'lachaqa' di'me noic let'adaic lenaĝat Alejandría, jo'ne yataqachiñe yayataĝade'teguelo nataq'aen yataqachiñe yayate'n daa'me 'uaediñe nedii's joca'li.

Hechos 16:6

Qama'le ñe'me Dios Lepaqal ja yajeta ta'le qo'yaĝatetac da'me 'naqataĝanaĝac di'me aleua jo'ne Asia. Chane'eja male leuotedalegue di'me aleua jo'ne Frigia nataq'aen Galacia,

Lucas 21:12

“Qalaĝaja nadi'ta da'me uo'oe naa'me naajo', ami qoyecoñede'tape qomle nataq'aen 'uo da'me anecanaguequi. Ami qoyaue'ualo gaa'me nemaĝaiqui' qaedi anenaĝachiyegue ga'me ami yajouaĝa't, ami qoyanedaue jaga'me coñetaĝanaĝaiqui nataq'aen ami qoyajoĝona'agueta gaa'me jaliaĝanaqa jo'ne p'ajodaye choqogaa'me jaliaĝanaqa jo'ne yelolo'te gaa'me ale'u lael, qa'a yajouaĝat da'me ami yapaĝaguenataqa.

Marcos 13:9

“'Noota qom mach'e anechilela't, qa'a ami qoyanouelo gaa'me nemaĝaiqui' lejaliaĝanaqa qomle, nataq'aen ami qoye'uaĝa'n nale oviyauelo gaa'me nemaĝaiqui'. Ami qoyajoĝona'agueta gaa'me jaliaĝanaqa jo'ne yelolo'te nale gaa'me ale'u lael nataq'aen jogaa'me jaliaĝanaqa jo'ne p'ajodaye, yajouaĝat da'me ami yapaĝaguenataqa, qaedi naq'aeta da'me male auaqanachichi ta'le jayem a'uaĝachetac nale auajoyiya'agueta jogaa'me.

Mateo 10:17

'Noota qom anechilela't, qa'a ami qoyanouelo qomle jogaa'me jaliaĝanaqa nataq'aen ami qoyachauelo jogaa'me judiopi lemaĝaiqui' da'me ami qoye'uaĝa'n

1 Corintios 1:20

Chane'eja, ¿Jach'e jogamaĝa yiyamaĝade'n jogaa'me jo'ne quetedapegue' da'me layatenaĝanaĝac jena'me aleua, jogaa'me yatenaĝanaĝayaqa, joga'me judiopi napaĝaguenoqo'tpi nataq'aen jogaa'me jo'ne yayate'n da'me necoyatapega't nale? ¡Yataqachiñe eja Dios yaloĝonalo queda'me layatenaĝanaĝac jena'me aleua mach'e chiyoĝojoĝoc!

Hechos 26:11

Nach'e eta't jalate'tape nale jogaa'me qaedi jen nematedapec da'me lepe'e'. Qama'le nach'eda dojo' je'eteque ena'uaque jogaa'me nemaĝaiqui', nataq'aen yataqachiñe jalematatapalo jogaa'me qama'le jecaa'tape chayovida'alo gaa'me noyaqa jo'ne p'adegue.

Hechos 22:19

Qama'le ja'ateguet, jenaac: «Jaliaĝanec, joote yayate'n jogaa'me queda'me jec'atalo ca'li ena'uaque gaa'me nemaĝaiqui' nataq'aen jauegalo nale jaga'me coñetaĝanaĝaiqui gaa'me jo'ne am p'iida'a, nataq'aen queda'me jalate'tape nale jogaa'me,

Hechos 21:39

Pablo enaac: —Jayem judío, 'yachaqa' di'me Tarso jo'ne Cilicia, noic jo'ne di'yaĝa; qalaĝaja, am ñachoĝodenot, jayem auaje'tem da'me jojapegue' ga'me jiyaĝadipi.

Hechos 19:26

Qalaĝaja queda'me joote auañiya nataq'aen auomachiiya, ñejo' jo'ne Pablo male 'yaĝate'tape gaa'me qop'iyapegalo jo'ne ch'e jiyaĝaua 'lonataqa, da'me ja eja ta'le naqaegaua qop'iya'alo. Qama'le naq'aeta da'me yaqanatet ta'le nejeuoĝochidiñe ga'me jiyaĝadipi, ja nach'enata jena'me jenjo' Éfeso dite da'me yamta'le yema jena'me aleua jo'ne Asia.

Hechos 13:45

Qalaĝaja joga'me judiopi, ca'li yauata ga'me jiyaĝadipi, qama'le yataqachiñe nejaĝayelo da'me lep'aguenataĝanaĝa'j. Chane'eja paja'a en ja 'noe'n q'ae'n gaa'me 'laqataqa da'me yejouetedac ñe'me Pablo.

Hechos 13:1

Joga'me p'etaqadaiquipi jo'ne neda'ña di'me Antioquía uo'oe ca'li gaa'me Dios 'laqataĝanaĝanaqa nataq'aen paĝaguenataĝanaĝayaqa. Nach'eñe Bernabé, Simón (jo'ne nach'e ena'am qoyenaqatetapec ñe'me Ledaĝaic), Lucio jo'ne Cirene le'ec, Menahem (jo'ne naquetaje'me' ca'li ñe'me Herodes, nach'eñe jo'ne nejaliaĝatelegue di'me Galilea) nataq'aen Saulo.

Hechos 11:20

Taqaeue'ta, uo'oe gaa'me p'etaqadayaqa Chipre laje' nataq'aen Cirene yovideta di'me noic jo'ne Antioquía qama'le nach'e ena'ama t'aqataĝatapema ga'me jo'ne ja judiopi, yapaĝaguetapeque daa'me onaĝayaqa 'me 'yaĝatetedac ñe'me Jesús, mach'e Jaliaĝanec.

Mateo 23:34

Jouaĝat da'me dojo' nayi ami ñamaĝalo daa'me Dios 'laqataĝanaĝanaqa 'me yatenaĝanaĝayaqa nataq'aen paĝaguenataĝanaĝayaqa. Qalaĝaja ami aualachi' qomle nataq'aen uo'oe gaa'me auep'eñiyajeguem, gaa'me laqaya' a'uaĝañe'tape da'me uetauelo gaa'me ademaĝaiqui', nataq'aen laqaya' yapiyetapegouelo gaa'me noyaqa da'me auecaañi'tape.

Hechos 6:10

qalaĝaja ja yaqanate't ta'le nichateda'aguet, qa'a daa'me 'laqataqa 'uo da'me layatenaĝanaĝa'j jo'ne yanema ñe'me Dios Lepaqal jo'ne ja 'nalegue.

Hechos 24:18

Chane'eja jauotac ca'li da'me dojo', da'me jouetaue di'me tamenaĝaiqui; joote jomat da'me ñiyola't, nach'e naq'aeta da'me namaĝajoĝonaĝac, mate mane'e qaya'te jiyaĝadipi nataq'aen qaya'te gamachaqaega ta'le ja niyamaĝa. Qalaĝaja nach'ega ua'a da'me jayem yauata ga'me judiopi jo'ne chiyoĝotegue di'me Asia.