Hechos 6:5 - Nuevo Testamento Toba Sombrero Negro

⁵ Ena'uaque jogaa'me niyamaĝadidiye da'me dojo', qama'le qo'yatetelegue ñe'me Esteban, jiyaĝaua jo'ne yataqatelegue da'me lepe'e nataq'aen najaqachigui ñe'me Dios Lepaqal jo'ne ja 'nalegue, choqoñe'me Felipe, ga'me Prócoro, ga'me Nicanor, ga'me Timón, ga'me Pármenas nataq'aen ñe'me Nicolás nach'eñe Antioquía le'ec jo'ne joca'li uetaue da'me lepe'e' ga'me judiopi.

Nuevo Testamento Toba Sur

⁵ Qaq 'enauac somayipi ÿaÿamaxadeeta de'eda. Nachi qaÿaconeu'a so Esteban, somayi ÿataqta nlaqchigui da lpi'iÿaxac qataq so Espíritu Santo. Nataq'en qaÿaconeu'a so Felipe, Prócoro, Nicanor, Timón, Pármenas, qataq so Nicolás. Somayi lma' yi Antioquía, qalaxayi i'amaqten da l'amqajnataxanaxac na judiopi.

La'aqtaqa Ñim Lo'onatac 'Enauacna 2013

⁵ Qaq 'enauac somayepi ỹaỹamaxareeta de'era. Nache qalca'aua'a so Esteban. Somaye ỹataqta nlaqchigui da lpi'iỹaxac Ñim Lo'onatac 'Enauacna qataq hueto'ot da la'añaxac So Saqcha'a Na'añaxac Qui'itta. Nataqa'en qalca'aua'alo soua lỹa't seis ỹale't: Felipe, Prócoro, Nicanor, Timón, Parmenas, qataq so Nicolás. Se'eso Nicolás somaye lma' ye Antioquía, qalaxaye quegue da la'amqaanataxanaxac na judiopi.

Hechos 6:5 Referans Kwoze

Hechos 11:24

Qa'a ñe'me Bernabé yataqachiñe onaĝaicaloec ca'li, nejaqachigui ñe'me Dios Lepaqal nataq'aen da'me lepe'e. Qama'le naq'aeta da'me jalcote ga'me jiyaĝadipi quetegue ñe'me Jaliaĝanec.

Hechos 21:8

Yitaĝa qolaq ca'li ga'me nete' laqaya qama'le jovitaĝa di'me Cesarea. Jec'otaĝa di'me 'lachaqa' ñe'me Felipe jo'ne paĝaguenataĝanaĝaic, nach'eñe uetauelo gaa'me siete lecochaĝa'u jogaa'me Jesús lamaĝa's, qama'le jouaqa'ajop ñe'me.

Hechos 6:8

Esteban, najaqachigui da'me 'lañaĝac nataq'aen da'me liyalaqataĝanaĝac ñe'me Dios, yauo'oe ga'me nañoqotaĝanaĝaco jo'ne qoyoqoye'ema nataq'aen 'nanaqa 'me yaloĝotapegalo ga'me noic.

Hechos 7:1

Ñe'me lejaliaĝane'j ga'me tamenaĝaiqui lo'olpi yachimaĝata ñe'me Esteban qom yataqachiñe eja da'me qo'yaĝatetac ñe'me,

Hechos 6:3

Chane'eja, ami yaqaya'olqa, aueloyapiye gaa'me siete jiyaĝa'u jo'ne qoyateto'n queda'me najaqachiguilo ñe'me Dios Lepaqal nataq'aen yatenaĝanaĝayaqa, qaedi jenaĝa yelodelegue da'me dojo' 'nonataĝanaĝac.

Hechos 13:1

Joga'me p'etaqadaiquipi jo'ne neda'ña di'me Antioquía uo'oe ca'li gaa'me Dios 'laqataĝanaĝanaqa nataq'aen paĝaguenataĝanaĝayaqa. Nach'eñe Bernabé, Simón (jo'ne nach'e ena'am qoyenaqatetapec ñe'me Ledaĝaic), Lucio jo'ne Cirene le'ec, Menahem (jo'ne naquetaje'me' ca'li ñe'me Herodes, nach'eñe jo'ne nejaliaĝatelegue di'me Galilea) nataq'aen Saulo.

Hechos 11:19

Ca'li yoĝo'yi da'me leleuaĝa di'me Esteban qama'le yataqata qoyecaa'tape joga'me p'etaqadaiquipi, chiyaqayi da'me dojo' uo'oe gaa'me yapiyetegue di'me Fenicia, Chipre nataq'aen Antioquía. Nach'edi ueda'a da'me t'aqataĝatapema joga'me judiopi da'me 'naqataĝanaĝac jo'ne onaĝaic, qalaĝaja ja naq'aeta ga'me 'yeteque jogaa'me jiyaĝa'u laqaya'.

Hechos 6:10

qalaĝaja ja yaqanate't ta'le nichateda'aguet, qa'a daa'me 'laqataqa 'uo da'me layatenaĝanaĝa'j jo'ne yanema ñe'me Dios Lepaqal jo'ne ja 'nalegue.

Apocalipsis 2:15

Qama'le nach'e ena'am da'me ami uo'oe jogaa'me ami uetauelo jo'ne ja jetaque yaĝadiñi naa'me lapaĝaguenataĝanaĝaco jogaa'me quetedapegue' ñe'me Nicolás.

Apocalipsis 2:6

Qalaĝaja 'uo da'me jo'ne a'namaqatenatague'j queda'me anaucheñiyalo daa'me 'lonataqa jogaa'me quetedapegue' ñe'me Nicolás, daa'me jo'ne jayem nach'e ena'am da'me ñautenalo.

Hechos 15:22

Jogaa'me namaĝa's nataq'aen jogaa'me 'yaĝaicachidi, choqoga'me ena'uaque ga'me p'etaqadaiquipi, 'yamaqate'n ta'le uo'oe gaa'me yiyaĝanalo 'me chiyaqauelo jogaa'me qaedi qoyamaĝata di'me Antioquía, qoyapetenouelo ñe'me Pablo nataq'aen Bernabé. Chane'eja qoyiyaĝana ñe'me Judas, jo'ne nach'e ena'am lenaĝat Barsabás, nataq'aen Silas, jiyaĝa'u jo'ne di'yaĝalo jogaa'me qadaqaya'olqa,

Mateo 23:15

¡Degueja da'me adachoĝodequi qomle, ami judiopi napaĝaguenoqo'tpi nataq'aen fariseopi jo'ne ja ami 'te ejoda! Ami jo'ne oquiilegue nale jena'me aleua nataq'aen ga'me noĝop let'a qaedi anaviquila't ga'me jo'ne ja jayem 'te p'iya'a, qama'le nale auaqanachichi aueñe'tem da'me yataqata p'ajaye da'me ne'uaĝanaguec qomle qoyajaĝa'ña ga'me ne'uaĝanaqa' jo'ne payac 'lachaqa'.

Hechos 2:4

Qama'le yemeda jogaa'me yataqachiñe najaqachiguilo ñe'me Dios Lepaqal, nataq'aen paja'a yadenaĝa't gaa'me 'naqataqa laqaya', nach'e naq'aeta ga'me Dios Lepaqal yamaĝalo'te ta'le 'yaĝatetedac.

Hechos 11:20

Taqaeue'ta, uo'oe gaa'me p'etaqadayaqa Chipre laje' nataq'aen Cirene yovideta di'me noic jo'ne Antioquía qama'le nach'e ena'ama t'aqataĝatapema ga'me jo'ne ja judiopi, yapaĝaguetapeque daa'me onaĝayaqa 'me 'yaĝatetedac ñe'me Jesús, mach'e Jaliaĝanec.

Hechos 11:22

Joga'me p'etaqadaiquipi jo'ne maliaĝa ueteda'a di'me Jerusalén, ca'li yayatetedelegue da'me dojo' nep'iquinataĝanaĝac, qama'le yamaĝategue di'me Antioquía ñe'me Bernabé.

Hechos 11:26

qama'le ca'li yauana, yauega di'me Antioquía. Nach'edi ueda'a da'me uetauelo joga'me p'etaqadaiquipi, nalo'taguet onolec uo'e, yapaĝague'tape ga'me jiyaĝadipi. Nach'edi Antioquía ua'a da'me 'uaechiñe qoyenaqateneque «Cristo laje'» jogaa'me jo'ne quetegue ñe'me Cristo.

Hechos 11:27

Jaa'me jaajo' noloqo'ote, uo'oe gaa'me Dios 'laqataĝanaĝanaqa jo'ne chiyoqoda'ña di'me Jerusalén da'me yec'adeta di'me Antioquía.

Hechos 22:20

nataq'aen queda'me ca'li qoyala't di'me adalemaĝajet Esteban, jo'ne am 'yaĝatetac, mach'e jayem joue'ta ga'me ua'a nataq'aen 'uo da'me yiyamaĝadenataĝanaĝac queda'me qoyalat, choqoda'me jetelalo ga'me leuo gaa'me jo'ne yala't ca'li.»