Hechos 5:3 - Nuevo Testamento Toba Sombrero Negro

³ Pedro enaac: —Ananías, ¿toqoch'e auajeta ta'le Satanás am nomat nataq'aen am 'yetec da'me auoqovin ñe'me Dios Lepaqal jo'ne ja 'nalegue, da'me auen colaĝaye jaga'me lajo'vi ga'me a'naleua?

Nuevo Testamento Toba Sur

³ Nachi so Pedro 'enapego' somayi, 'eeta': –Ananías, ¿tá'ainec yi 'aunoxonaqchitoigui añi 'adquiyaqte so Satanás da yaqto' 'auatenachit naq'en so Espíritu Santo, nachi 'an'onaxatañi aso laÿi aso lashiue so 'adma'?

La'aqtaqa Ñim Lo'onatac 'Enauacna 2013

³ Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

Hechos 5:3 Referans Kwoze

1 Pedro 5:8

Ena'te a'uochiitac, dite da'me a'nañaĝachela't, qa'a ñe'me adauteuai jo'ne payac ena'am ga'me jauaĝaic da'me 'loĝoyaĝac qama'le nomitetaque ga'me jetaque nolaĝachiñe.

Hechos 5:9

Pedro enaac: —¿Toqoch'e mach'e ami da'me anayachiñeya't qaedi auapiyeñi ñe'me Jaliaĝanec Lepaqal? Na'cha'aeta na'me yedodegue di'me adoua qaedi yijediñi qama'le nayi da'me am, nach'e ena'am yedodegue qomle.

Juan 13:27

Copa'ta taĝa joda'me yaconeguet jo'me pan lae ñe'me Judas, qama'le joñe'me Satanás taue na'me lauel. Jesús enapega joñe'me, enaac: —Joga'me jetaque aua'uo, 'noota qom paja'a aua'uo nayi.

Juan 13:2

Ca'li pi'yaq, da'me te'me maliaĝa deque'tape, ñe'me payac male taue na'me lauel ñe'me Judas, c'oĝot ñe'me Simón Iscariote, qama'le en lelnataĝac da'me yanegue joñe'me Jesús.

Santiago 4:7

Auoqochiiya joñe'me Dios, nataq'aen da'me a'nañaĝachiyeguet ñe'me payac, qama'le ñe'me ami dajoo'yema qomle.

Hechos 5:4

¿Jeele ja adoĝot joona jogamaĝa aleua? Nataq'aen queda'me auemen, ¿qo'li ja adoqote jagamaĝa laicaua? ¿Toqoch'e naq'aeta ga'me adelnataĝac qama'le aua'uo dojo'? Ja auoqovi'n gaa'me ch'e jiyaĝa'u dite ñe'me Dios.

Hechos 5:2

Jenjo' jiyaĝaua, jo'ne naloteguet ga'me lelnataĝac jaga'me loua, navidiñe jaga'me lae 'uo nauedela't jaga'me laicaua qama'le jaga'me lae yanema joga'me Jesús lamaĝa's.

Lucas 22:3

Qama'le Satanás taue ñe'me Judas jo'ne qoyiyanaĝatapec Iscariote, nach'eñe chiyaqauelo gaa'me doce lapaĝaguenataqa ñe'me Jesús.

Mateo 13:19

jogaa'me jo'ne domachita da'me qo'yaĝatetac joda'me nejaliaĝa qama'te ja yayate'n, eda'am jaga'me nepeta jo'ne tachi'ñgui ga'me naq'aec; novi' ñe'me payac qama'le doĝotaĝanec da'me 'naqataĝanaĝac jo'ne qoyanoue ga'me lauel.