Hechos 5:16 - Nuevo Testamento Toba Sombrero Negro

¹⁶ Choqogaa'me noyaqolqa jo'ne ñeje'gue di'me Jerusalén qayoĝode' gaa'me jiyaĝa'u jo'ne yec'adeta yache'tape gaa'me leuaĝayaqa nataq'aen jiyaĝa'u jo'ne yeloiquiaĝa'tape ñe'me payac lepaqal jo'ne ja no'en; qama'le ena'uaque jogaa'me qoye'n yemedegue.

Nuevo Testamento Toba Sur

¹⁶ Nataq'en nam sa qaÿapeque pueblopiolec ÿataqta qalota na anac shiÿaxauapi da anaÿa yi Jerusalén da ndoi' nam dalolaxaicpi, qataq nam huo'o na l'ec leguemaxaic, nachi 'enauac namayipi qanataden.

La'aqtaqa Ñim Lo'onatac 'Enauacna 2013

¹⁶ Nataqa'en nam saqaỹapeque nỹecpiolec ye nỹecpi ye Jerusalén irouec na dalolaxaicpi qataq na shiỹaxauapi maye huo'o na netaigui saqcha'a na'añaxac leguemaxaic, nache 'enauac da no'oita.

Hechos 5:16 Referans Kwoze

Santiago 5:16

Qo'che' 'noota qom auechoĝochiyema gaa'me adaqayadi' ga'me adoequi, nataq'aen da'me anetameñilo'te onolqa'tape jogaa'me adaqayadi' qaedi en yemedegue q'ae'n. Qa'a da'me netamenaĝac joga'me jiyaĝaua jo'ne yataqatelegue, nach'eda jo'ne 'uo da'me lañoqotaĝanaĝac da'me lepe'e.

Hechos 4:30

'Noota qom aualoĝon da'me adañoqotaĝanaĝac da'me jenaĝa yemedegue ga'me leuaĝaiquipi nataq'aen 'nanaqa jo'ne qoyoqochetapeguema queda'me joote qo'mi qoyanema da'me lañoqotaĝanaĝac ñe'me ja 'nalegue adalemaĝajet Jesús.”

Juan 14:12

Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Lucas 9:11

Qalaĝaja ca'li ga'me jiyaĝadipi yauat'elo, qama'le qodilo'te; qama'le Jesús yelo'ogueta jogaa'me, 'yaĝatetapema joda'me lejaliaĝa joñe'me Dios nataq'aen en yemedegue ga'me leuaĝaiquipi.

Lucas 5:17

'Uo jo'me nolo' da'me Jesús dapaĝaguenataĝatac qama'le uo'oe gaa'me fariseopi choqogaa'me paĝaguenataĝanaĝayaqa daa'me Dios lamaĝajoĝonaĝaco jo'ne yovidedauo, ñichidiñe, jo'ne chiyoqoda'aguelo gaa'me noyaqolqa di'me Galilea, nataq'aen Judea choqodi'me Jerusalén. Qama'le da'me 'lañaĝac joñe'me Jaliaĝanec ue'tajop ñe'me Jesús qaedi e'n yemedegue ga'me leuaĝaiquipi.

Mateo 8:16

Mane'e ca'li joote yenoĝoñi jañe'me ajeua, qama'le qoyeda'alo ñe'me Jesús gaa'me uetayelo payac lepaqalpi; qama'le ya'uo ga'me 'laqatac da'me 'yodedegue gaa'me nepaqa'li jo'ne ja 'noe'n, nataq'aen jalcote ga'me en yemedegue 'me leuaĝaiquipi.

Mateo 4:24

Yema di'me aleua jo'ne Siria qo'yaĝatetac ñe'me Jesús, qama'le qoyeda'alo gaa'me yodapecache lachoĝodeco 'me ja 'noe'n, napite'nadi nataq'aen layaliaĝaco, nataq'aen jogaa'me uetayelo gaa'me payac lepaqa'li, nataq'aen jogaa'me copechaĝayaqa choqogaa'me choĝolaĝayaqa. Qama'le ena'uaque e'n yemedegue ñe'me Jesús.

1 Corintios 12:9

Uo'oe gaa'me yataqata p'iida'a joñe'me Dios, nataq'aen uo'oe gaa'me qoyanema da'me lañoqotaĝanaĝac da'me e'n yemedegue jogaa'me leuaĝayaqa.

Mateo 2:16

Mane'e ca'li ñe'me Herodes yetaden queda'me jaajo' yatenaĝanaĝayaqa ja yoqochideta ca'li da'me 'laqatac, qama'le yataqachiñe dalemata. Chane'eja damaĝajoĝolegue da'me qoyala't gaa'me ñoqolqapi jo'ne 'lachaqa't di'me Belén choqogaa'me dajoedauo, qoyachiyoĝotetelegue gaa'me dojolqa ne'uoidi chayovida'a ga'me 'najode', naq'aeta da'me naloqotenaĝa'tegueta gaa'me noloqo'ote jo'ne 'laqataĝanaĝa'j jogaa'me yatenaĝanaĝayaqa.

Hechos 5:15

Qoyedode'ga ga'me leuaĝaiquipi da'me loqoeyaĝac, qoyachetalo'te ga'me lela'te nataq'aen 'lochaĝala'te qaedi da'me Pedro tae'di qama'le uotaĝa ch'e lepaqal ga'me tatelo'te jogaa'me.

Hechos 5:17

Ñe'me tamenaĝaiqui lo'olpi lejaliaĝanec nataq'aen jogaa'me uetedaue da'me 'loyaĝa'j joga'me saduceopi jo'ne ueteda'ajop joñe'me yataqachiñe najaqachiguilo da'me lep'aguenataĝanaĝa'j,

Lucas 6:18

Yovideda'a ca'li ñe'me Jesús qaedi naquiaĝata nataq'aen qaedi yemedegue q'aen jogaa'me lapite'nadi. Jogaa'me jo'ne uo'oe daa'me lachoĝodeco jouaĝat jogaa'me nepaqa'li jo'ne ja 'noe'n, nach'e ena'am yemedegue,