Hechos 5:11 - Nuevo Testamento Toba Sombrero Negro

¹¹ Qama'le ena'uaque ga'me nepi'iyaĝa'upi, nataq'aen ena'uaque gaa'me jo'ne nometedelegue da'me dojo', yataqachiñe najaqachiguilo da'me loqolanaqa't ca'li.

Nuevo Testamento Toba Sur

¹¹ Nachi 'enauac nam shiÿaxauapi 'amqajnataxanaxaicpi qataq 'enauac na laÿipi co'ollaq ÿaÿaten de'eda, nachi ÿataqta qalota da lcolanaxa.

La'aqtaqa Ñim Lo'onatac 'Enauacna 2013

¹¹ Nache 'enauac nam shiỹaxauapi maye ỹa'amaqten So Jesús qataq 'enauac na laỹepi shiỹaxauapi co'ollaq ỹaỹaten de'era, nache ỹataqta qalota da lcolanaxa.

Hechos 5:11 Referans Kwoze

Hechos 5:5

Ca'li domachiya dojo', Ananías 'naqañe qama'le yeleu. Qama'le ena'uaque gaa'me jo'ne yauachigui yataqachiñe najaqachiguilo da'me loqolanaqa't.

Hebreos 4:1

Qama'le nayi, da'me qo'mi maliaĝa qo'mi qoyiyaĝanalo qaedi jenoĝonaĝaue di'me 'nomataqa' joñe'me Dios. Chane'eja, 'noota qom qadetelapega't qaedi qaya'te onolec da'me ami jo'ne qoyauana da'me ja nalo'oguet ta'le yenoĝoneuo.

Hechos 19:17

Ena'uaque gaa'me jo'ne neda'ña di'me Éfeso, judiopi choqoga'me ja judiopi nomeda'a, qama'le jalcote da'me loqolanaqa't. Nach'eda eeta da'me nichiquetaye da'me natetonaguec da'me lenaĝat ñe'me Jaliaĝanec Jesús.

Filipenses 2:12

Ami yaqaya'olqa, ca'li maliaĝa ami jouetauelo, yataqata jayem auoqochiiya nale 'uo ga'me ami jamaĝalo'te. Qama'le nayi da'me jayem qaya'a, jetaque nach'e ena'am auauoyi nale ga'me ami jamaĝalo'te. Chane'eja nach'e eta't a'nañaĝachi da'me a'nonaĝachiyegui joñe'me Dios qaedi yataqata ami 'noote', qaya'te auoviñetaque.

Hebreos 12:15

Nach'e eta't da'me adechilela't qaedi qaya'te 'uo joga'me jetaque yeguem da'me loqopich'i joñe'me Dios, uotaĝa ta'le 'uo joga'me jetaque ami 'naĝa't, qa'a dojo' yelagaĝa'j jena'me qadayi qama'le ena'am jaga'me nana jo'ne 'uo ga'me pata' jo'ne chem, da'me t'aĝanataĝanac da'me yedo'n jogaa'me.

Hebreos 12:28

Joñe'me Dios male qo'mi yanema da'me lejaliaĝa jo'ne ja qoyaqanatet ta'le yitaĝa qonichiyaĝat. Chane'eja 'noota qom janemaĝam da'me qadamaic nataq'aen da'me 'ñonaĝataĝaye joñe'me, nach'e ena'am da'me jauoqo da'me chimaqachiñe jo'ne yataqata yiyamaĝaden.

Apocalipsis 15:4

Am Jaliaĝanec, ¿jach'e jogamaĝa yaqanatet ta'le ja am 'te t'oiya? ¿Jach'e jogamaĝa ja am 'te 'nonaĝachichigui? Qa'a naqa'am jo'ne am Onolec da'me ja am 'te 'nalegue; Ena'uaque naa'me noyaqa let'adayaqa na'taquena qomle, Qama'le am 'nonaĝachidegue, Qa'a da'me adec'atenaĝanaĝac joote aualoĝon Nataq'aen da'me qonauachigui yema.”

1 Pedro 1:17

Nale anetameñiyot joñe'me Dios qama'le aueñiyaac: “Am Qadet'a.” Qalaĝaja joñe'me qayaua'te liquiyaqa da'me yec'ate'n onolqa'tape joga'me jiyaĝadipi, da'me naloqote'n qom maliaĝa uo'oe gaa'me loeco. Chane'eja 'noota qom nach'e eta't da'me ademiya'a da'me a'nonaĝachiyegui joñe'me, yemeda naa'me noloqo'ote da'me cha'li oñeta'ña jena'me aleua.

Hebreos 11:7

Ñe'me Noé yataqata p'iya'a ñe'me Dios joca'li 'uo da'me 'yaĝatem, queda'me uo'oe qomle jogaa'me jo'ne maliaĝa ja qoyauanalo. Qama'le Noé paja'a da'me yoqo'cha joca'li, ye'et jaga'me nelicota lat'edai, qaedi nec'alaĝatedegue gaa'me 'lachaqadiaĝa'u. Chane'eja da'me lepe'e ñe'me Noé, nach'eda jo'ne yaloĝon da'me qoya'uo ga'me ne'uaĝanague'j jogaa'me jiyaĝa'u jo'ne neteda'ña jena'me aleua. Qama'le chiyaqayi da'me lepe'e ñe'me Noé, nach'eñe yataqata qoyiyamaĝaden.

Hechos 2:43

Ena'uaque jalcote da'me qoyoqoch'em jouaĝa't gaa'me p'ajodaye lañoqotaĝanaĝaco 'me qoyauanalo nataq'aen 'nanaqa jo'ne Dios yauo'oe 'me en na'yalo gaa'me namaĝa's.

Hechos 9:31

Chane'eja gaa'me uetedaue ga'me 'naqataĝanaĝac 'me dalaĝaic, yema di'me aleua Judea, Galilea nataq'aen Samaria, 'uo da'me 'lamaĝa'j nataq'aen naqaloĝodetajeguem da'me lepe'e. Yataqatelo'te t'onataĝade'uo ñe'me Jaliaĝanec, nataq'aen queda'me qolecochaĝanaĝanegueta ñe'me Dios Lepaqal jo'ne ja 'nalegue nach'e eta't nichiquetaye ga'me p'etaqadaiquipi.