Hechos 4:5 - Nuevo Testamento Toba Sombrero Negro

⁵ Ca'li male yovidaue ga'me nolo', di'me Jerusalén yema'a't jogaa'me judiopi lejaliaĝanaqa, joga'me 'yaĝaicachidipi nataq'aen joga'me judiopi napaĝaguenoqo'tpi.

Nuevo Testamento Toba Sur

⁵ Qaq so yi'oxoñi, nachi huo'o so laponaxac yi Jerusalén nam lta'alpi na judiopi, dataÿa't nam nquedoxonecpi qataq nam dapaxaguenataxaatapeguec na nqataxacpi.

La'aqtaqa Ñim Lo'onatac 'Enauacna 2013

⁵ Qaq so lỹa na'a'q, nache na lta'alpi na judiopi qataq na nqueroxonecpi maye nataxala'pi qataq na dapaxaguenataxaatapeguec na namaxasoxonaxacpi dataỹa't, huaña ye Jerusalén.

Hechos 4:5 Referans Kwoze

Hechos 4:8

Chane'eja Pedro 'yategueta jogaa'me, najaqachigui ñe'me Dios Lepaqal, enaac: —Ami lejaliaĝanaqa ga'me noic nataq'aen 'yaĝaicachidipi:

Hechos 6:12

Qama'le naq'aeta da'me dojo' yauote da'me ja en 'te niyamaĝa q'ae'n ga'me jiyaĝadipi, joga'me 'yaĝaicachidipi nataq'aen ga'me judiopi napaĝaguenoqo'tpi; qama'le necodidiye ñe'me Esteban, da'me yaue'j da'me qoyen yec'ata ga'me lemaĝaiqui gaa'me p'ajodaye.

Hechos 5:34

Qalaĝaja 'uo ñe'me jiyaĝaua jo'ne uetauelo ga'me p'ajodaye jo'ne fariseo, lenaĝat Gamaliel, jo'ne nach'e ena'am uetauelo ga'me judiopi napaĝaguenoqo'tpi, jenjo' jo'ne yema ga'me noic yataqachiñe qouatec'a. Jenjo' jiyaĝaua ñechachiñe ca'li qama'le damaĝajoĝolegue da'me cha'li qoyen p'adegue gaa'me namaĝa's.

Lucas 24:20

Qalaĝaja gaa'me lejaliaĝanaqa ga'me tamenaĝaiqui lo'olpi nataq'aen gaa'me qadejaliaĝanaqa yadeuo ca'li qaedi qoyalat nataq'aen qoyep'enajeguem.

Lucas 23:13

Pilato yemata'a't ga'me lejaliaĝanaqa' ga'me tamenaĝaiqui lo'olpi, gaa'me p'ajodaye nataq'aen yema ga'me jiyaĝadipi,

Lucas 22:66

Mane'e ca'li nete', qama'le yema'a't ga'me 'yaĝaicachidipi, jogaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi, qama'le yaueta ñe'me Jesús ga'me ua'a da'me yema'a't gaa'me p'ajodaye, ua'a da'me qoyenatetalegue:

Lucas 20:1

'Uo jo'me nolo' ca'li Jesús cha'li uetaue ga'me tamenaĝaiqui, yapaĝague'tape ga'me jiyaĝadipi nataq'aen 'yaĝatetapema da'me onaĝaic 'naqataĝanaĝac, qama'le yovi't gaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi nataq'aen ga'me 'yaĝaicachidipi,

Marcos 15:1

Mane'e ca'li 'yoĝojañi, jogaa'me tamenaĝaiqui lo'olpi lejaliaĝanaqa, joga'me 'yaĝaicachidipi choqoga'me judiopi napaĝaguenoqo'tpi yema'a't, gaa'me jiyaĝa'u jo'ne yataqachiñe p'ajodaye. Qama'le qoyanetayelo ga'me lequet ñe'me Jesús da'me yaue'j, qaedi qoyajoĝona'aguet joñe'me Pilato.