Hechos 4:21 - Nuevo Testamento Toba Sombrero Negro

²¹ Gaa'me jaliaĝanaqa yauote lachoĝode'j jogaa'me, qalaĝaja yitaĝa yaje'tema da'me eque'. Ja yauata da'me chiyaqayi ta'le qoya'uo da'me ne'uaĝanague'j, qa'a ena'uaque ga'me jiyaĝadipi 'nonaĝachigui joñe'me Dios jouaĝat ga'me 'uo ca'li qoyauana.

Nuevo Testamento Toba Sur

²¹ Nachi so nta'alpi ÿataqta ÿadeetegalo soomayi, qalaxayi ÿachaxaadeec. Cha'ayi sa ishit da qaÿanata cam qaÿachigoxotchigui da yaqto' qaiuaxa'n, cha'ayi 'enauac na shiÿaxauapi ÿataqta ÿi'oxodeetac ñi Dios, souaxat de'eda qanayiuaigui.

La'aqtaqa Ñim Lo'onatac 'Enauacna 2013

²¹ Nache so nta'alpi maye nmit da huo'o ye nasouaxashet ỹataqta ỹareetegalo soomaye, qalaxaye ỹachaxaare'c. Cha'aye saishet da ỹanata cam qaỹachegoxotchigui da yaqto' qaiuaxa'n, cha'aye 'enauac na shiỹaxauapi ỹataqta ỹo'oxoreetac Ñim Lo'onatac 'Enauacna, souaxat de'era qanayeuaigui.

Hechos 4:21 Referans Kwoze

Hechos 5:26

Joñe'me lejaliaĝane'j ga'me vitaĝaiquipi, nach'e ena'am gaa'me vitaĝayaqa, yitaĝa dajoyilo ca'li qaedi nauedeuo; qalaĝaja ja yauaĝalo'te jogaa'me, qa'a t'oidapega ga'me jiyaĝadipi ta'le qoyijaĝaque ga'me qadipi.

Lucas 22:2

Qama'le jogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi yelotedaque ga'me lajoĝoc ta'le yala't ñe'me Jesús, qalaĝaja t'oitedapega ga'me jiyaĝadipi.

Lucas 20:19

Qama'le jogaa'me lejaliaĝanaqa ga'me tamenaĝaiqui lo'olpi nataq'aen joga'me judiopi napaĝaguenoqo'tpi jetaque yecoñe't ñe'me Jesús, qa'a yayate'n queda'me en tachiguilo da'me laloqotenaĝanaĝaiqui, qama'le t'oidapega ga'me jiyaĝadipi.

Lucas 20:6

Nataq'aen ja jaqanatetaq ta'le jenaqaac nach'egaua gaa'me jiyaĝa'u, qa'a ga'me jiyaĝadipi qo'mi qoyajaĝaque qomle ga'me qadipi da'me qo'mi qoyala't, qa'a ena'uaque jogaa'me 'yamaqate'n queda'me Juan yataqachiñe Dios 'laqataĝanaĝanec.”

Mateo 21:46

Chane'eja jetaque yecoñe't ca'li jogaa'me, qalaĝaja t'oidapega ga'me jiyaĝadipi, qa'a ga'me jiyaĝadipi p'iida'a ñe'me Jesús da'me nach'eñe Dios 'laqataĝanaĝanec.

Mateo 9:8

Ca'li yauata da'me dojo', yataqachiñe t'oi'y ga'me jiyaĝadipi, qama'le 'nonaĝachidegue joñe'me Dios queda'me yaloĝonouelo da'me lañoqotaĝanaĝac joga'me jiyaĝadipi.

Hechos 5:40

Chane'eja qoyiyaĝane'galo gaa'me namaĝa's, qoye'uaĝa'n nataq'aen qoyecochaĝateque ta'le quetedalegue da'me lañoqotaĝanaĝac ñe'me Jesús; yem qama'le qoyejodegue.

Hechos 4:17

Qalaĝaja da'me qaedi jenjo' jo'ne qo'yaĝatetac ja nach'e ta'taqueda da'me qo'yaĝatetapi'ñgui, qama'le cha'li jauoqo lachoĝode'j jogaa'me, qaedi chiyoqotelegue nayi da'me ja yitaĝa 'yaĝatetedac da'me lenaĝat ñe'me Jesús.

Lucas 13:17

Ca'li Jesús nenaĝategue da'me dojo', gaa'me laute'upi 'uo da'me lepocoqo't; qalaĝaja yema ga'me jiyaĝadipi male made'tapolqa ca'li yauata gaa'me t'adayaqa uo'oe jo'ne 'lonataqa joñe'me.

Lucas 5:26

Ena'uaque jogaa'me jalcote da'me yoqochetem, qama'le 'nonaĝachidegue joñe'me Dios, choqoda'me 'uo da'me lauategaĝa'j, qama'le enapega't: —¡Nayi jauanaĝalo gaa'me uo'oe jo'ne yataqachiñe joqochaqatapema!

Mateo 26:5

Qalaĝaja enapega't: —'Noota qom ja naqaega ga'me nolo' jo'ne Pascua, qaedi ga'me jiyaĝadipi ja qo'mi 'te yeloiquiaĝa'n da'me jalilegue.

Mateo 15:31

Ga'me jiyaĝadipi yataqachiñe yoqochetem queda'me qoyauana da'me doje'y gaa'me qayaua'te 'laqataqa, gaa'me uayodaĝayaqa male yemedegue, gaa'me choĝolaĝayaqa yeuo'tape, nataq'aen jogaa'me qana'mi male yauana'ape. Qama'le paja'a 'nonaĝachidegue joñe'me Nedios joga'me Israel c'oqo'tepi.

Mateo 9:33

Mane'e ca'li Jesús yamaĝaye ga'me payac lepaqal qanach'e ñe'me chiyoĝojec paja'a yaqanatet ta'le 'uo ga'me 'laqatac. Ga'me jiyaĝadipi jalcote da'me yoqoch'em, enapega't: —¡Jena'me Israel c'oqo'tepi, qaya'te ua'a ta'le naq'aeta ga'me qoyauana ena'am da'me dojo'!

Hechos 4:22

Ñe'me jiyaĝaua jo'ne en yemegue da'me nañoqotaĝanaĝac joote yauanalo cuarenta ga'me ne'uoidi.

Hechos 5:13

Qalaĝaja gaa'me jiyaĝa'u laqaya' qaya'te gamachaqaega ta'le ch'e lichiquetelegue da'me davitapegueta, mate mane'e yema ga'me noic jalcote da'me qoyen p'ajodaye.