Hechos 4:2 - Nuevo Testamento Toba Sombrero Negro

² Dalemata'tape jogaa'me qa'a Pedro nataq'aen Juan 'yaĝate'tape ñe'me Jesús da'me yapaĝaguetapeque ga'me jiyaĝadipi da'me 'niyelaĝadijeguem jo' qomle dia'me joote yele'u.

Nuevo Testamento Toba Sur

² Qaq somayipi ÿataqta dalemata, souaxat so Pedro qataq so Juan da ÿapaxagueeta'pe na shiÿaxauapi, qataq i'axattrac da 'eetec da na shiÿaxauapi ishit da qaltaq qanca'alaxateec qome, cha'ayi so Jesús mashi qaltaq qanca'alaxateec.

La'aqtaqa Ñim Lo'onatac 'Enauacna 2013

² Qaq soomaye ỹataqta dalematai', souaxat so Pedro qataq so Juan da ỹapaxagueetrac na shiỹaxauapi, qataq ỹa'axattrac da na leuaxaicpi ishet da qaltaq qanca'alaxatec qome, 'eeta'am So Jesús da qaltaq nca'alec.

Hechos 4:2 Referans Kwoze

Hechos 17:18

Nach'e ena'am uo'oe gaa'me yatenaĝanaĝayaqa jo'ne epicureopi choqogaa'me estoicopi, paja'a necotedapegue' ñe'me. Uo'oe gaa'me enapega't: —¿Jach'e ga'me 'yaĝatetac dojo' jaĝaic? Nataq'aen laqaya' enapega't: —Ena'am ta'le aqataĝanaĝaic gaa'me qop'iyapegalo jo'ne chiyoqodayi. Naq'aeta da'me 'laqata'j qa'a Pablo 'yaĝatetac da'me onaĝaic 'naqataĝanaĝac 'me 'yaĝatetac ñe'me Jesús nataq'aen queda'me 'niyelaĝajeguem ca'li.

Romanos 8:11

Nataq'aen qom ñe'me Dios Lepaqal 'me 'niyelaĝachijeguem ca'li ñe'me Jesús qom eja ami uetauelo, nach'eñe joñe'me 'me 'niyelaĝachijeguem ca'li ñe'me Cristo ami yanema naa'me adoje'edi' da'me ladalaĝa'j 'me netayelo da'me leleuaqa't qa'a chiyaqayi ñe'me Dios Lepaqal 'me ami netayelo.

Hechos 13:45

Qalaĝaja joga'me judiopi, ca'li yauata ga'me jiyaĝadipi, qama'le yataqachiñe nejaĝayelo da'me lep'aguenataĝanaĝa'j. Chane'eja paja'a en ja 'noe'n q'ae'n gaa'me 'laqataqa da'me yejouetedac ñe'me Pablo.

1 Corintios 15:23

Qalaĝaja onolqa'tape qo'niyelaĝachijeguem qomle ga'me jo'ne Dios yepaquetapega: 'uaeñe 'niyelaĝajeguem ñe'me Cristo; qama'le qom yitaĝa 'niyelaq ñe'me Cristo male qo'niyelaĝachidijeguem gaa'me jo'ne quetedapegue' ca'li ñe'me.

Hechos 26:23

queda'me youetaque da'me yeleu ñe'me Dios Liquiyac, qama'le mane'e qom joote yeleu nach'eñe jo'ne 'uaechiñe da'me 'niyelaĝajeguem, nataq'aen jo'ne 'yaĝatetac da'me 'yoqochiñe 'me nec'alaqataĝanaĝac jena'me qadayi nataq'aen ga'me jiyaĝadipi jo'ne na'ñalo gaa'me ale'u laqaya'.”

Hechos 26:8

Chane'eja ami judiopi, ¿toqoch'e ja auep'iiya'a ñe'me Dios queda'me 'niyelaĝachidijeguem jogaa'me jo'ne joote yele'u?

Hechos 24:21

Nach'edata da'me ñenaĝategue ca'li jouetauelo gaa'me, qama'le ñetenec ga'me 'yaqatac ca'li jenaac: «Nayi anemichitaque ga'me yaviyaĝajet qa'a ja'amaqaten da'me yitaĝa 'niyelaĝadijeguem gaa'me jo'ne te'me joote yele'u.»”

Hechos 19:23

Jaa'me jaajo' noloqo'ote 'uo ga'me cotaĝac di'me Éfeso yajouaĝat da'me dojo' dalaĝaic nadiquiyaĝac.

Hechos 5:17

Ñe'me tamenaĝaiqui lo'olpi lejaliaĝanec nataq'aen jogaa'me uetedaue da'me 'loyaĝa'j joga'me saduceopi jo'ne ueteda'ajop joñe'me yataqachiñe najaqachiguilo da'me lep'aguenataĝanaĝa'j,

Hechos 3:15

Qama'le naqaeda da'me aualachi ñe'me jo'ne chiyaqayi da'me yataqachiñe qat'oyaĝac. Qalaĝaja Dios chiyoĝotauelo ga'me napa'lpi, qama'le nach'eda dojo' jechoĝotaqatac.