Hechos 3:6 - Nuevo Testamento Toba Sombrero Negro

⁶ Qalaĝaja Pedro enaac: —Qaga'te ñaicaua, qalaĝaja ga'me jo'ne jayem ue'tajop am janem. Ñe'me Jesucristo 'me Nazaret le'ec joote jayem yanem da'me lañoqotaĝanaĝac qaedi am jenapega nayi: ¡oñijeguem nataq'aen auapiyeñi!

Nuevo Testamento Toba Sur

⁶ Qalaxayi so Pedro 'enapego' somayi, 'eeta': –Aÿim qaca aca aÿom plata, huo'otaq oro. Qalaxayi da aÿim hueto'ot 'am sanem, 'eeta': 'Am sedolec da l'enaxat so Jesucristo mayi Nazaret l'ec da 'am shinapega da qoñishiguem, nachi 'auqueuoÿapigui'.

La'aqtaqa Ñim Lo'onatac 'Enauacna 2013

⁶ Qalaxaye so Pedro 'enapego' somaye, 'eeta': –Aỹem qaca aca aỹom plata, huo'otaq aca oro. Qalaxaye 'am sanem da aỹem hueto'ot: 'am serolec da le'enaxat So Jesucristo maye Nazaret le'ec qataq 'am shenapega: «qoñisheguem, 'auqueuoỹapigui'.»

Hechos 3:6 Referans Kwoze

Hechos 3:16

Da'me nepe'e 'me chiyaqayi da'me lañoqotaĝanaĝac ñe'me Jesús, nach'eda jo'ne yitaĝa ya'uo 'lañaĝac jenjo' jiyaĝaua jo'ne auañiya nataq'aen auatetoñi. Da'me dojo' nepe'e nach'eda jo'ne chiyaqayi da'me Jesús yataqachiñe en yemegue, nach'eda da'me jo'ne auañetelegue.

Hechos 10:38

Auayachiñe queda'me Dios en nejaqachigui da'me lañoqotaĝanaĝac nataq'aen ñe'me Lepaqal 'me yanem ñe'me Jesús jo'ne Nazaret le'ec, nataq'aen queda'me Jesús ya'uo da'me 'noota ca'li, nataq'aen en yemedegue ga'me jiyaĝadipi ena'uaque ga'me jo'ne 'uo da'me lachoĝode'j 'me yepataqatedañe da'me lañoqotaĝanaĝac ñe'me payac. Dojo' yaqanatet da'me ya'uo qa'a ue'tajop joñe'me Dios.

Hechos 4:10

Chane'eja, ena'uaque ami jechoĝotaqateque nataq'aen ena'uaque ga'me israelpi, queda'me dojo' jiyaĝaua 'me ami dajo'tegueta, nach'eda da'me lañoqotaĝanaĝac ñe'me Jesucristo jo'ne en yemegue q'aen, nach'eñe ñe'me Jesús jo'ne Nazaret le'ec, ñe'me jo'ne auep'eñiyajeguem ca'li, qalaĝaja ñe'me Dios yitaĝa 'niyelaĝachijeguem joñe'me.

Hechos 9:34

Pedro enaac: —Eneas, ¡Jesucristo en am yemegue q'aen! ¡Oñijeguem qama'le aue'et na'me at'ochaĝala'! Eneas paja'a ñijeguem ca'li.

2 Corintios 8:9

Ami auayachiñe ñe'me Qadejaliaĝanec Jesucristo yataqachiñe neuoyaq ca'li, qalaĝaja queda'me ami noqopitalo qama'le nec'ata jena'me aleua, yaconeguet da'me lachoĝodec qaedi ami auovidiya'a da'me ami neuoyaĝadi.

Hechos 16:18

Qayoĝode' gaa'me noloqo'ote da'me ya'uo da'me dojo', chayovida'a Pablo male ja mayiñe q'aen, naqanateta da'me 'viyelaĝaguet qama'le enapega ñe'me nepaqal jo'ne uetaye: —Jaconeguet da'me lañoqotaĝanaĝac ñe'me Jesucristo qama'le am jamaĝalegue qaedi oca'e jana'me. Qanach'e ua'a da'me paja'a yenoĝonegue ñe'me nepaqal.

Marcos 16:17

Nataq'aen naajo' nañoqotaĝanaĝaco ami naequetapegue'to nataq'aen yema gaa'me jo'ne p'iida'a, qaedi ami lecochigueta: queda'me yenaĝat auamaqayigui jogaa'me payagodipi lepaqa'li; auadenaĝachi' da'me dalaĝayaqa 'naqataqa;

Santiago 2:5

Ami yaqaya'olqa jo'ne ñauotaĝa'u, anaquiaĝañiya da'me dojo': Dios en liquiyac ga'me jiyaĝaua jo'ne qaya'te leuoyaĝac, qama'le en neuoyac da'me nepe'e, qama'le nach'e ena'am da'me en yaconeguet da'me jo'ne mach'e en loĝot jo'ne nejaliaĝa, da'me jo'ne joote 'yaĝatema gaa'me jo'ne eja da'me yataqachiñe noqopideta joñe'me.

1 Pedro 4:10

Nataq'aen joote auacoñiyegueta gaa'me leyalaqataĝanaĝaco joñe'me Dios, onolqa'tape da'me ami. Chane'eja 'noota qom a'uonataĝañiya qaedi yataqata alecochiiyalo gaa'me adaqayadi', qa'a yataqata auayachiñe da'me aueloyiye jena'me yodapecache jo'ne lichoĝodenataĝanaĝaco joñe'me Dios.

Hechos 4:7

Jogaa'me damaĝajoĝodelegue da'me qoyauedeuo ñe'me Pedro nataq'aen Juan, qama'le qoyachedañgui laeñi jogaa'me da'me qoyenate'tape: —¿Jach'e ga'me lañoqotaĝanaĝac da'me dojo', uotaĝa jach'e ga'me lenaĝat ga'me ami yamaĝalo'te ga'me a'vichetac?

Hechos 2:22

“Chane'eja, ami jo'ne israelpi, yataqachiñe anaquiaĝañiya da'me ami ja'aĝatema: queda'me joote auayachiñe jo'ne Dios ami yaloĝonalo ca'li da'me lañoqotaĝanaĝac ñe'me Jesús jo'ne Nazaret le'ec, nach'eñe en na'yalo da'me yaloĝo'n gaa'me p'ajodaye li'yoĝodico, gaa'me lañoqotaĝanaĝaco nataq'aen 'nanaqa jo'ne yauo'oe.

Hechos 2:36

“Chane'eja auayachiñe jo' da'me dojo', ami Israel c'oqo'tepi, queda'me nach'eñe Jesús jo'ne auep'eñiyajeguem, Dios yejaliaĝat nataq'aen en Liquiyac.”

Mateo 10:9

“Ena'te auachiyi ga'me anaicauai jo'ne oro uotaĝa plata uotaĝa cobre qom anejachii'ña da'me oquiyi,

Mateo 7:22

Qom yovita ga'me nolo' da'me 'uo da'me nec'atenaĝanaĝac qama'le qayoĝode' gaa'me jayem yiyaĝatedapecot, enapega't: «Am Jaliaĝanec, ¿qo'li ja eja da'me ja'aĝataqatac da'me adenaĝat ca'li japaĝaguenataĝanaq, nataq'aen ca'li jamaĝajoĝodegue ga'me payagodipi choqoda'me jalcote jenaĝa di'yoq da'me lañoqotaĝanaĝac joñe'me Dios?»

2 Corintios 6:10

Ena'am ta'le qo'mi totelo'te, qalaĝaja nach'e eta't qo'mi made'tape. Ena'am ta'le qo'mi choĝodache, qalaĝaja qayoĝode' gaa'me jenaĝa neuoyaĝadi. Ena'am ta'le qaya'te jauanaĝa, qalaĝaja joote yema jauanaĝa.

Juan 19:19

Pilato ya'uo ga'me ledaĝanaĝala' jo'ne yachalegue ga'me lediijec jo'ne eetac: «Jesús Nazaret le'ec, Lejaliaĝane'j joga'me judiopi», nataq'aen da'me damaĝajoĝolegue qaedi qoyanaye jaga'me sodoso.

2 Corintios 8:12

Qa'a qom 'uo ga'me ami yataqachiñe eja 'uo ga'me yanegue, Dios matac q'aen qom auauoyi jaga'me adajaqajai, qa'a ñe'me ja yeuate'ta ta'le janaĝaye ga'me ja jauanaĝa.

Marcos 14:8

Qama'le jana'me male ya'uo ga'me jo'ne maqachaĝa yaqanatet: joote yiyoĝolegue jena'me yo'oc ga'me lata' qom maliaĝa cha'li jona'li jayem qoyijeñi.

1 Corintios 4:11

Chayovida'a nayi 'uo da'me qadachoĝodec da'me qaya'te jaliguinaq, 'uo ga'me ua'a qadeliñiquip nataq'aen qaya'te qadoĝot 'me janaĝaiñe nataq'aen qo'mi qoyalate'tape nale, choqoda'me qaya ga'me mach'e yataqachiñe qat'achaqa'.

Hechos 3:5

Qama'le ñe'me jiyaĝaua yataqachiñe naquiaĝañi, yepetapega da'me 'uo ga'me yate'm.

Hechos 3:7

Nenaĝategue dojo', Pedro yacona ga'me louaq yayaten qama'le yañijeguem, chane'eja paja'a yachimadidiñe gaa'me lapia'te nataq'aen gaa'me liquiyoquenal.