Hechos 3:16 - Nuevo Testamento Toba Sombrero Negro

¹⁶ Da'me nepe'e 'me chiyaqayi da'me lañoqotaĝanaĝac ñe'me Jesús, nach'eda jo'ne yitaĝa ya'uo 'lañaĝac jenjo' jiyaĝaua jo'ne auañiya nataq'aen auatetoñi. Da'me dojo' nepe'e nach'eda jo'ne chiyaqayi da'me Jesús yataqachiñe en yemegue, nach'eda da'me jo'ne auañetelegue.

Nuevo Testamento Toba Sur

¹⁶ Qaq nachida dam l'enaxat se'eso Jesús, huo'otaq da qaipi'iÿa'a da l'enaxat somayi, dam chigoqchigui da l'añaxac de'eda shiÿaxaua mayi qauauañiichigui qataq qadauattonataqui. Qaq de'eda 'eetec da qaipi'iÿa'a so Jesús, nachida dam ÿataqta imauec da no'oita naq'en de'eda shiÿaxaua mayi 'enauac da qoñiita qauloito'ot.

La'aqtaqa Ñim Lo'onatac 'Enauacna 2013

¹⁶ Qomi' sepi'iỹaqa'a da la'añaxac So Jesús, qaq qami' mashe qauauañiichigui. Qaq chegoqchigui da qarpi'iỹaxac da huo'omshe imauec da no'oita de'era ỹale.

Hechos 3:16 Referans Kwoze

Hechos 14:9

naquiaĝatapega ga'me Pablo 'yaĝatetac, qama'le Pablo yec'ateja ñe'me nataq'aen yauana queda'me jalcote da'me lepe'e nalo'taguet ta'le qoyen yemegue q'aen.

Hechos 4:10

Chane'eja, ena'uaque ami jechoĝotaqateque nataq'aen ena'uaque ga'me israelpi, queda'me dojo' jiyaĝaua 'me ami dajo'tegueta, nach'eda da'me lañoqotaĝanaĝac ñe'me Jesucristo jo'ne en yemegue q'aen, nach'eñe ñe'me Jesús jo'ne Nazaret le'ec, ñe'me jo'ne auep'eñiyajeguem ca'li, qalaĝaja ñe'me Dios yitaĝa 'niyelaĝachijeguem joñe'me.

Hechos 3:6

Qalaĝaja Pedro enaac: —Qaga'te ñaicaua, qalaĝaja ga'me jo'ne jayem ue'tajop am janem. Ñe'me Jesucristo 'me Nazaret le'ec joote jayem yanem da'me lañoqotaĝanaĝac qaedi am jenapega nayi: ¡oñijeguem nataq'aen auapiyeñi!

Hechos 16:18

Qayoĝode' gaa'me noloqo'ote da'me ya'uo da'me dojo', chayovida'a Pablo male ja mayiñe q'aen, naqanateta da'me 'viyelaĝaguet qama'le enapega ñe'me nepaqal jo'ne uetaye: —Jaconeguet da'me lañoqotaĝanaĝac ñe'me Jesucristo qama'le am jamaĝalegue qaedi oca'e jana'me. Qanach'e ua'a da'me paja'a yenoĝonegue ñe'me nepaqal.

Mateo 9:22

Chane'eja Jesús 'ñemagañe da'me nejelec. Ca'li yauana jaga'me yauo qama'le enaac: —Am yaqayole, a'nañaĝatela't nayi, qa'a chiyaqayi da'me adepe'e da'me am yemegue q'aen. Qama'le nach'ega ua'a ca'li paja'a yemegue.

1 Corintios 13:2

Nataq'aen qom 'uo da'me yañoqotaĝanaĝac qaedi ja'aĝatetac da'me 'laqataĝanaĝac ñe'me Dios, nataq'aen qom jayate'n ena'uaque jogaa'me 'lonataĝanaĝaco ñe'me Dios, nataq'aen jayate'n ena'uaque gaa'me uo'oe, nataq'aen qom t'adaic da'me yepe'e qaedi jaqanatet ta'le jedaĝat ga'me qajoĝonaĝa, qalaĝaja qom qaya'te yoqopich'i, qama'le ja jayem 'te p'ajaye.

Juan 14:12

Eja da'me ami ja'aĝatema: ga'me jo'ne jayem p'iya'a nach'e ena'am yauo'oe naa'me 'nonataqa jo'ne joote jauo'oe, nataq'aen yitaĝa yauo'oe qomle gaa'me 'nonataqa laqaya' jo'ne yataqachiñe let'adayaqa, yajouaĝat da'me male jec'ata di'me neta'ña joñe'me Taĝadena'.

Hechos 4:7

Jogaa'me damaĝajoĝodelegue da'me qoyauedeuo ñe'me Pedro nataq'aen Juan, qama'le qoyachedañgui laeñi jogaa'me da'me qoyenate'tape: —¿Jach'e ga'me lañoqotaĝanaĝac da'me dojo', uotaĝa jach'e ga'me lenaĝat ga'me ami yamaĝalo'te ga'me a'vichetac?

Hechos 3:8

Joñe'me choĝolaĝaic nenodijeguem ca'li ñijeguem qama'le paja'a yeuotac; yem qama'le nach'e ena'am yenoĝoneuo ñe'me ja t'añegue da'me tadoue ga'me tamenaĝaiqui, yeuotapiye't, uenotetac nataq'aen 'nonaĝachigui ñe'me Dios.

Hechos 4:30

'Noota qom aualoĝon da'me adañoqotaĝanaĝac da'me jenaĝa yemedegue ga'me leuaĝaiquipi nataq'aen 'nanaqa jo'ne qoyoqochetapeguema queda'me joote qo'mi qoyanema da'me lañoqotaĝanaĝac ñe'me ja 'nalegue adalemaĝajet Jesús.”

Juan 7:23

Da'me ami jetaque auepaqachiñichiguelo naa'me 'laqataqa ñe'me Moisés, chane'eja da'me ami male auañoĝochi da'me a'vichi ga'me 'nanaĝajet ga'me notolec, da'me te'me uetoue ga'me nolo' jo'ne niyamaqatac, qama'te ¿teua'atoqo' da'me jayem aualemataitapega queda'me yajouaĝat da'me 'loyaĝac ga'me jiyaĝaua da'me male jen yemegue da'me ñataden jo'me nolo' jo'ne niyamaqatac?

Romanos 3:22

Chiyaqayi da'me jep'iyaqa ñe'me Jesucristo, Dios e'n yataqatelo'te ena'uaque jogaa'me p'iida'a. Chane'eja qaya'te yaguegue, uotaĝa judiopi uotaĝa ja judiopi.

Mateo 14:29

Jesús enaac: —Ayala. Chane'eja Pedro chiyaqañgui jaga'me licota da'me nenochiñe qama'le pelegue ga'me noĝop da'me yec'ata ñe'me Jesús.