Hechos 3:13 - Nuevo Testamento Toba Sombrero Negro

¹³ “Ñe'me Nedios di'me Abraham, di'me Isaac, di'me Jacob, ñe'me Nedios dia'me jachiyojoĝogueta 'me qadet'al, nach'eñe yanem da'me yataqachiñe p'ajaye li'yoĝodic ñe'me lalemaĝajet Jesús. Nach'eñe jo'ne auemiñeyouelo gaa'me jaliaĝanaqa nataq'aen nach'eñe jo'ne a'uotañetac nataq'aen anemañetapec ca'li jetaque yejoye ñe'me Pilato.

Nuevo Testamento Toba Sur

¹³ Qalaxayi ñim nDios so hua'au qadta'a Abraham, qataq so Isaac, qataq so Jacob, ñimayi nachiñi ñi ÿanem da lta'adaic l'amaqchic so llalec Jesús, som qami' qai'añiu'a co'ollaxa na nta'alpi. Nachi so nta'a Pilato co'ollaq nshitaique da ÿaxaneec, qalaq qami' sa qauaÿamaxayiñi.

La'aqtaqa Ñim Lo'onatac 'Enauacna 2013

¹³ Qalaxaye Ñim Lo'onatac 'Enauacna maye ỹo'oxoreetrac co'ollaxa soua hua'au' qarta'al Abraham, qataq so Isaac, qataq so Jacob, Ñimaye nacheñi Ñim ỹanem da lta'araic la'amaqchec So Llalec Jesús, Som qami' qaỹa'añiiua'a co'ollaxa na lta'alpi na Roma le'ecpi. Nache so nta'a Pilato co'ollaq huotaique da ỹaxanec, qalaq qami' saishet da qauaỹamaxayiñi.

Hechos 3:13 Referans Kwoze

Hechos 7:32

«Mach'e jayem Nedios jodia'me adet'aldi' 'me auachiyoĝoguet. Jayem Abraham Nedios, nataq'aen Isaac nataq'aen Jacob.» Moisés paja'a yeviloĝolaqatet da'me loqolanaĝa, qama'le ja lichiquetelegue da'me ta'le ch'e yec'aten.

Mateo 22:32

«Mach'e jayem Nedios di'me Abraham, nataq'aen jayem Nedios di'me Isaac, nataq'aen jayem Nedios di'me Jacob»? ¡Qama'le ñe'me ja Nedios gaa'me joote yele'u, dite gaa'me nec'aletedaye!

Hebreos 2:9

Qalaĝaja jauanaĝa ñe'me Jesús, jo'ne cada'ac da'me qoyen ja napacalo'te joga'me piyem laje'pi jaa'me noloqo'ote ja lama'y, qaedi yeleualegue yema jena'me jiyaĝadipi, yajouaĝat da'me loequenataĝanaĝac joñe'me Dios jo'ne yataqata qo'mi noqopitalo. Chane'eja ca'li yem da'me lachoĝodec joñe'me Jesús, qama'le yataqachiñe qo'nonaĝachigui nataq'aen da'me yaconeguet da'me 'lonaĝac jo'ne chiyaqayi joñe'me Dios.

Juan 19:15

Qalaĝaja joga'me jiyaĝadipi yitaĝa nalaĝadijeguem, enapega'ajalo: —¡Aualachi! ¡¡Aualachi!! ¡¡Auep'eñiyajeguem!! Pilato yitaĝa denataĝan: —¿Qo'li naq'aeta da'me ami jetaque jep'enajeguem jenjo' adejaliaĝanequi? Qama'le jogaa'me lajoĝola'te jogaa'me tamenaĝaiqui lo'ol 'yadeteguet joñe'me: —¡Qo'mi qaya'te qadejaliaĝanec laqaya, nach'eñeta ñe'me César!

Juan 19:12

Ua'a qanach'e ñe'me Pilato te'me yelaque ga'me ladic da'me yejoye ñe'me Jesús, qalaĝaja joga'me judiopi yitaĝa nalaĝadijeguem, enapega'ajalo: —¡Qom auejoye da'me qama'le ja am 'te nauotaĝaua ñe'me Roma laje' lejaliaĝane'j jo'ne César, qa'a gamachaqaega jo'ne eetapela't nejaliaĝanec, nach'ega jo'ne lauteua ñe'me César!

Juan 18:40

Qalaĝaja joga'me jiyaĝadipi yitaĝa ena'uac da'me 'nalaĝajeguem: —¡Ena'te na'me nojo' judiopi lejaliaĝane'j, dite ga'me Barrabás 'me auejoye! Qama'le ñe'me Barrabás nach'eñe jo'ne lataĝanaĝaic joca'li.

Apocalipsis 1:18

nataq'aen da'me naqayem jo'ne nach'e eta't da'me jec'aletaye: naqayem jo'ne jeleu ca'li, qalaĝaja nayi male nach'e eta't da'me jec'aletaye, qama'le jayem ue'tajop da'me yañoqotaĝanaĝac qaedi 'ñiyelaĝachidijeguem gaa'me joote yele'u, da'me jachiyoĝotedaue di'me napa'lpi necoñetaĝaiqui'.

Apocalipsis 1:5

qama'le nach'e ena'am chiyoqo'ot joñe'me Jesucristo, nach'eñe jo'ne choqotaĝanaĝaic 'me yataqatelegue, joñe'me jo'ne 'uaechiñe da'me 'niyelaĝajeguem da'me chiyaqauelo gaa'me napa'lpi, qama'le yataqata nejaliaĝatelo'te yema jogaa'me nejaliaĝanaqa jena'me aleua. Nach'eñe jo'ne jalcote da'me qo'mi noqopitalo, Qama'le qo'mi doĝotaĝaneque gaa'me qadoeco Ca'li naliñi jaga'me letauo' da'me qoyalat.

Hechos 22:14

Yem qama'le yitaĝa enaac: «Joñe'me Nedios dia'me qadet'al am 'yatetelegue qaedi auateton da'me loequenataĝanaĝac, nataq'aen qaedi auana ñe'me jo'ne yataqachiñe chimaqachiñe nataq'aen auomachiya da'me lejamaĝa jo'ne chiyoqotoue ga'me mach'e nedegaĝat.

Juan 12:16

Gaa'me lapaĝaguenataqa ñe'me Jesús maliaĝa ja yayate'n naa'me naajo' jo'ne uo'oe, qalaĝaja ca'li eque' jaa'me noloqo'ote da'me ua'a male yem da'me qo'nonaĝachigui ñe'me Jesús qama'le yemta qouenate'talo da'me yemeda naa'me naajo' jo'ne uo'oe, nach'enaua joote 'yaĝatetedac naa'me nedii's jo'ne Dios 'laqatac lae't.

Juan 7:39

Qama'le ñe'me Jesús 'yaĝatema gaa'me jo'ne p'iida'a joñe'me da'me yacoteguet qomle ñe'me Dios Lepaqal, qalaĝaja ñe'me Dios Lepaqal maliaĝa jona'li 'uo, qa'a ñe'me Jesús maliaĝa ja yovita ga'me nolo' da'me ni'yoĝodenataguec.

Lucas 23:4

Chane'eja Pilato 'yaĝatema jogaa'me lejaliaĝanaqa gaa'me tamenaĝaiqui lo'olpi nataq'aen ga'me jiyaĝadipi: —Ja jauana ga'me chiyaqayi ta'le jen laviyaĝajet jenjo' jiyaĝaua.

Marcos 15:11

Qalaĝaja jogaa'me lejaliaĝanaqa joga'me tamenaĝaiqui lo'olpi yapaĝague'n joga'me jiyaĝadipi qaedi qoyiyaĝane'uo da'me qoyejoye ñe'me Barrabás.

Mateo 28:18

Jesús nichiidi'uo jogaa'me qama'le yanema da'me laqataĝac, enaac: —Dios joote jayem yachalegue da'me yañoqotaĝanaĝac let'adaic, qaedi ñejaliaĝatelo'te yemeda gaa'me ueteda'ague di'me piyem nataq'aen gaa'me uetedalegue jena'me aleua.

Mateo 27:2

Qoyecoñe' da'me qoyauec, qama'le qoyajoĝona'aguet ñe'me Pilato, jaliaĝanec jo'ne Roma le'ec.

Mateo 20:19

Chane'eja jayem qoyanouelo qomle jogaa'me ja 'lachaqa'tena, qaedi jayem qoye'uetac, jayem qoye'uaĝan chayovida'a jayem qoyep'enajeguem; qalaĝaja qom yenoĝodegue gaa'me tres noloqo'ote qama'le yitaĝa 'ñiyelaĝajeguem.

Mateo 11:27

“Joñe'me Taĝadena' jayem yanema ena'uaque jogaa'me jo'ne uo'oe. Qaya'te eja yataqachiñe eja yateton joñe'me Nec'oĝot, dite ñe'me Let'a; nataq'aen qaya'te yataqachiñe eja yateton joñe'me Net'a, dite ñe'me C'oĝot choqogaa'me jo'ne jetaque yatetonaĝa'n.

Lucas 6:37

“Ena'te ami loqotenaĝanaĝayaqa jogaa'me adaqayadi', qama'le Dios ja ami 'te yachalo'te da'me laloqotenaĝanaĝac. Ena'te auamaqayoue da'me ne'uaĝanague'j jogaa'me adaqayadi', qama'le Dios ja ya'uo 'te ane'uaĝanaguequi. Ena'te auenachi'ta ga'me anaviyaqataguequi, qama'le Dios yapalaĝa't gaa'me adaviyaĝacodi'.

Juan 19:11

Qama'le Jesús male 'yateguet joñe'me Pilato: —Ñe'me Dios jo'ne na'ague di'me piyem, nach'eñe jo'ne am yanem da'me adañoqotaĝanaĝac qaedi jayem anejaliaĝatelegue. Chane'eja ga'me jo'ne jayem yaneuo, nach'ega jo'ne yaguegue da'me laviyaĝajet jo'ne yajouaĝat, ja ena'am da'me am.

Hechos 3:12

Pedro ca'li yauana da'me dojo' qama'le enaac: “Ami Israel c'oqo'tepi, ¿toqoch'e auoqochetapeguem da'me dojo'? ¿Toqoch'e qo'mi auelochiguilo? Qa'a ja mach'e qo'mi da'me jenaĝa yemegue jenjo' jiyaĝaua; ja jaqanatetaq ta'le je'etaĝac da'me male yeuotac da'me jedoĝolegue ga'me mach'e qadañoqotaĝanaĝac uotaĝa ga'me qadepi'iyaĝac.

Hechos 3:26

Qama'le ca'li Dios chiyoĝotauelo dia'me napa'lpi ñe'me C'oĝot, 'uaeñe da'me ami namaĝalo qaedi ami netamelo'te, da'me male onolqa'tape aĝañidiñi da'me at'onataqadi' jo'ne ja 'noe'n.”

Hechos 4:27

“Qa'a yataqata eja ñe'me Herodes choqoñe'me Poncio Pilato nataq'aen ga'me israelpi nataq'aen ga'me jiyaĝadipi jo'ne ja 'lachaqa'tena da'me yema nauteta ñe'me ja 'nalegue adalemaĝajet mach'e Jesús, nach'eñe jo'ne a'uatetelegue da'me auen Adiquiyac.

Hechos 4:30

'Noota qom aualoĝon da'me adañoqotaĝanaĝac da'me jenaĝa yemedegue ga'me leuaĝaiquipi nataq'aen 'nanaqa jo'ne qoyoqochetapeguema queda'me joote qo'mi qoyanema da'me lañoqotaĝanaĝac ñe'me ja 'nalegue adalemaĝajet Jesús.”

Hechos 24:14

Qalaĝaja am jechoĝotem da'me dojo': ñe'me Dios jo'ne p'iida'a dia'me yet'al nach'eñe jo'onataĝaneuo'o, nach'e naq'aeta da'me dalaĝaic nadiquiyaĝac jo'ne qoyenaqatetapec nepe'e. Qa'a yema ga'me 'uaechiñe qoyediñe joca'li ja'amaqate'n: jogaa'me lamaĝajoĝonaĝaco ñe'me Dios nataq'aen daa'me ledii's gaa'me Dios 'laqataĝanaĝanaqa.

Romanos 9:5

Nach'egaua lec'oqo'tepi dia'me jachiyojoĝogueta 'me qadet'al; nataq'aen qadaqachidiaĝa'u, qama'le chiyaqayi da'me mach'e nejiyaĝauayaĝa'j novidetaquena ñe'me Dios liquiyac, mach'e Dios 'me napacalo'te ena'uaque gaa'me uo'oe, 'noota qom nach'e eta't qo'nonaĝachigui. Jaja'a, nach'e naq'aeta da'me dojo'.

Lucas 22:57

Qalaĝaja Pedro nematapec, enaac: —Am yaqayole, ja jateton joñe'me.