Hechos 3:1 - Nuevo Testamento Toba Sombrero Negro

¹ 'Uo jo'me nolo', Pedro nataq'aen Juan yec'adeta ga'me tamenaĝaiqui let'adaic da'me yovita da'me laloqo' nale gaa'me tamenaĝaco nale javit.

Nuevo Testamento Toba Sur

¹ Qaq huo'o so na'a'q nachi so Pedro qataq so Juan tayishiguema aso n'onaxanaxaqui late'edai co'ollaq mashi dashita aso nala', cha'ayi nachi laloxoqui da qai'ot da qouagaxaunaxac.

La'aqtaqa Ñim Lo'onatac 'Enauacna 2013

¹ Qaq huo'o so na'a'q, nache so Pedro qataq so Juan taresheguema aso no'onaxanaxaqui late'erai co'ollaq mashe dasheta aso nala', cha'aye nache laloxoqui da qaỹo'ot da qouagaxaunaxac.

Hechos 3:1 Referans Kwoze

Hechos 10:3

'Uo joga'me nolo' ca'li, qalaqach'ele dajeñe jañe'me ajeua, qama'le 'uo ga'me lauanaĝanaĝac: yataqachiñe di'yoqochigui da'me yauana ñe'me piyem le'ec jo'ne lamaĝajec ñe'me Dios da'me yec'ata ga'me jo'ne ue'ta ñe'me qama'le enaac: —¡Cornelio!

Hechos 4:13

Ca'li gaa'me jaliaĝanaqa yauata da'me 'lañaĝa'j ñe'me Pedro nataq'aen Juan da'me doje'y qama'le yetade'n queda'me ja ch'e yatenaĝanaĝayaqa jogaa'me, qama'le qoyoqoche'ema nataq'aen male qoyateto'n da'me nach'egaua lapaĝaguenataqa ñe'me Jesús.

Lucas 1:10

Mane'e ca'li qoyigoue ga'me jama ga'me laeta, qama'le ena'uaque joga'me jiyaĝadipi jo'ne cha'li ue'ta ga'me p'aye, da'me netame'tape ca'li.

Hechos 5:25

Qanach'ega ua'a ca'li 'uo ga'me yovidauo, jo'ne eet'oi: —Jogaa'me jo'ne auañetedaue jaga'me coñetaĝanaĝaiqui, uetedaue nayi ga'me tamenaĝaiqui yapaĝague'tape ga'me jiyaĝadipi.

Lucas 24:53

Qama'le nach'e eta't uetedaue ga'me tamenaĝaiqui, 'nonaĝachidegue joñe'me Dios.

Hechos 8:14

Ca'li gaa'me namaĝa's jo'ne ueteda'a di'me Jerusalén yanoma'alo jogaa'me Samaria laje' queda'me yacoteguet da'me 'naqataĝanaĝac 'me chiyoĝogue ñe'me Dios, qama'le yamaĝategue da'me daja' ñe'me Pedro nataq'aen Juan.

Hechos 2:46

Yemeda gaa'me noloqo'ote yec'adeta ga'me tamenaĝaiqui let'adaic qaedi yema'a't, nataq'aen onolec ga'me 'nachaqa' ueda'a nale neuachidigui ga'me pan, 'uo da'me lamai'j nale dajotedaye ga'me yali'j nataq'aen ja diyachiyaqayaqa naa'me lai'li.

Juan 21:7

Chane'eja ñe'me napaĝaguenatac jo'ne yataqata nauotaĝaua joñe'me Jesús t'aqataĝanem joñe'me Pedro, enaac: —¡Naqaeñe ñe'me Qadejaliaĝanec! Mane'e da'me domachiya ñe'me Simón Pedro da'me naqaeñe joñe'me Jaliaĝanec, qampaja'a da'me nejachegue jaga'me lapoto, da'me qaya'te louo laqaya ta'le yatañe, qama'le tañgui joga'me noĝop.

Lucas 22:8

Jesús ye'uauaĝata ñe'me Pedro nataq'aen Juan, enaac: —Jamoyi auaqataĝañeta't ga'me qadiqui'yaĝac jo'ne yelo'teguet da'me qouenata nolo' jo'ne maqachaĝa Pascua.

Mateo 26:37

Qama'le lequiaĝaua ñe'me Pedro nataq'aen jogaa'me dojolqa c'oqo'te ñe'me Zebedeo, qama'le paja'a Jesús nomeguet da'me totelegue nataq'aen 'uo da'me lachitataic jena'me lauel.

Mateo 17:1

Ca'li yenoĝodegue gaa'me seis noloqo'ote, qama'le Jesús yiyaĝana ñe'me Pedro, ñe'me Santiago nataq'aen Juan mach'e laqayeja ñe'me Santiago, qama'le niyotedaye ca'li da'me yec'adije'ma ga'me qajoĝonaĝa 'me qayaje'mec.

Hechos 10:30

Cornelio 'yateguet: —Yenoĝodegue jaajo' cuatro noloqo'ote, qalaqach'ele naq'aeta jañe'me ajeua, joue'ta jenjo' 'yachaqa', tachi'ña tres ga'me javit jo'ne laloqoedi nale jauo'oe gaa'me ñetamenaĝaco, ca'li 'uo ñe'me jiyaĝaua jo'ne jayem naloĝoneguet yatedañe ga'me louo jo'ne 'uo da'me lauaqayaĝa'j.

Gálatas 2:9

Santiago, Pedro nataq'aen Juan jo'ne nach'egaua qoyenapegalo lajel yema gaa'me p'etaqadaiquipi, yayate'n queda'me dojo' mach'e Dios jayem yeyala'ac. Chane'eja da'me yaloĝo'n da'me 'lamaqatenataĝanaĝa'j, qama'le jayem nataq'aen Bernabé qo'mi uajelegueta jogaa'me, qaedi ja'aqataĝanaĝama gaa'me ja judiopi da'me onaĝaic 'naqataĝanaĝac, qama'le jogaa'me qamqa'me t'aqataĝanema gaa'me judiopi.

Mateo 27:45

Chiyoqo'teguet ca'li ga'me nolo' laeñi chayovida'a javit, yema jena'me aleua 'uo ga'me 'lalaĝa.

Lucas 18:10

“Uo'oe gaa'me jiyaĝa'u jo'ne dojolqa yec'adeta ca'li ga'me tamenaĝaiqui qaedi netame'n: onolec ñe'me fariseo, qama'le ñe'me laqaya lo'o da'me nejetenaguec ga'me Roma.

Hechos 3:3

Ca'li ñe'me choĝolaĝaic yauana ñe'me Pedro nataq'aen Juan da'me yamta'le tadoue ga'me tamenaĝaiqui, qama'le yajela'y ñe'me.

Hechos 3:4

Chane'eja Pedro nataq'aen Juan yelochidegue ca'li ga'me qama'le Pedro enaac: —Qo'mi auec'ate'n.