Hechos 26:6 - Nuevo Testamento Toba Sombrero Negro

⁶ Qama'le nayi jayem qonauequena qaedi qonemitaque ga'me yaviyaĝajet qa'a nach'eda dojo' yeuataqataĝanaĝac jo'ne jayem ue'tajop, da'me 'laqatac ñe'me Dios jo'ne yaqataĝaneque dia'me jachiyojoĝogueta 'me qadet'al.

Nuevo Testamento Toba Sur

⁶ Qaq nagui aÿim qanauegueuo, da yaqto' aÿim qanmit souaxat de'eda ñaquitaxac, da ñi Dios ishit qome da qaltaq nca'aleec naq'en na leuaxaicpi, cha'ayi nachida dam ÿachaxanapecot co'olloxochiyi som hua'au qadta'alpi.

La'aqtaqa Ñim Lo'onatac 'Enauacna 2013

⁶ Qaq nagui aỹem qanauegueuo da yaqto' aỹem qanmit souaxat de'era ñaquitaxac dam ỹachaxanapecot Ñim Lo'onatac 'Enauacna so hua'au qarta'alpi.

Hechos 26:6 Referans Kwoze

Hechos 24:15

'Uo da'me yeuataqataĝanaĝac ñe'me Dios jo'ne nach'e jena'ama jogaa'me, queda'me 'niyelaĝadijeguem qomle gaa'me joote yele'u, jogaa'me 'noote' nataq'aen jogaa'me qaleuaĝayaqa.

Tito 2:13

'Noota qom naq'aeta da'me jauoqo qa'a 'uo da'me qadajoĝonataĝanaĝac ga'me 'uo qomle jo'ne qo'mi e'n made'tapolqa: qom male qoyaloĝon da'me 'lonaĝac joñe'me Jesucristo qom 'niyelaq, nach'eñe jo'ne mach'e Qanedios p'ajaye nataq'aen mach'e Qadec'alaĝaiqui.

Hechos 28:20

Chane'eja nach'eda dojo' jouaĝat da'me ami jiyaĝanalo, qaedi ami jauanalo nataq'aen ami jojapegue'to; qa'a nach'eda da'me qadeuataqataĝanaĝac, da'me qo'mi israelpi, jo'ne chiyaqayi da'me jayem qoyecoñedeta't nayi.

Romanos 15:8

Qama'le ami ja'aqataĝanema ñe'me Cristo da'me naequena joca'li qaedi lecochiyalo joga'me judiopi qaedi yepaque'teguelo gaa'me jo'ne joote qo'yaĝatema dia'me qadet'al 'me jachiyojoĝogueta nataq'aen naq'aeta da'me yaloĝon queda'me Dios yepagaqate'tegue ga'me jo'ne yaqataĝañi 'laqatac.

Hechos 23:6

Ua'edi Pablo yetaden queda'me uo'oe gaa'me saduceopi nataq'aen uo'oe gaa'me fariseopi. Chane'eja netenec ga'me 'laqatac da'me enaac: —Ami yaqaya'olqa, jayem fariseo jo'ne jayem amaqatenataĝanaĝaic da'me 'niyelaĝadijeguem gaa'me joote yele'u; nach'e ena'ama ñaa'me yet'al amaqatenataĝanaĝayaqa; qama'le nayi qonemitetaque ga'me yaviyaĝajet qa'a 'uo da'me yeuataqataĝanaĝac da'me 'niyelaĝadijeguem gaa'me te'me joote yele'u.

Gálatas 4:4

Qalaĝaja ca'li yovita ga'me nolo' 'me laloqo' q'aen ñe'me Dios, ñe'me namaĝaquena ca'li ñe'me C'oĝot, jo'ne na'ya q'aen jaga'me yauo da'me niyiñe qama'le yaconegueta nataq'aen que'teguelo jogaa'me namaĝajoĝonaĝaco jo'ne qoyanema gaa'me judiopi.

Hechos 26:8

Chane'eja ami judiopi, ¿toqoch'e ja auep'iiya'a ñe'me Dios queda'me 'niyelaĝachidijeguem jogaa'me jo'ne joote yele'u?

Hechos 24:21

Nach'edata da'me ñenaĝategue ca'li jouetauelo gaa'me, qama'le ñetenec ga'me 'yaqatac ca'li jenaac: «Nayi anemichitaque ga'me yaviyaĝajet qa'a ja'amaqaten da'me yitaĝa 'niyelaĝadijeguem gaa'me jo'ne te'me joote yele'u.»”

Hechos 3:24

Qama'le ena'uaque dia'me Dios 'laqataĝanaĝanaqa chiyoqotedelegue di'me Samuel nach'e dajo'tague, nach'e ena'am 'yaĝate'tape gaa'me uo'oe naa'me naajo' noloqo'ote.