Biblia Todo Logo
Bib sou entènèt

- Piblisite -




Hechos 26:5 - Nuevo Testamento Toba Sombrero Negro

5 Nach'e ena'am yayate'n, nataq'aen yaqanate't ta'le 'yaĝatetedac qom lelnataĝa'j, jo'ne nach'eda da'me jayem fariseo, nach'eda qadepe'e yataqatelegue.

Gade chapit la Kopi

Nuevo Testamento Toba Sur

5 Namayipi nataq'en ÿaÿateeta, qataq ishit da maichi i'axat, da co'ollaq ñaq aÿim nogotolec qalaq ñanacte' da shictaigui na fariseopi, nam ÿataqta quetegue da l'amqajnataxanaxac na judiopi, saq 'en'am na laÿipi.

Gade chapit la Kopi

La'aqtaqa Ñim Lo'onatac 'Enauacna 2013

5 Namayepi nataqa'en ỹaỹateeta, da nache 'eetai' da aỹem fariseo, qataq ỹaỹateeta da ỹataqta shectegue dam ỹoqta llec dam la'amqaanataxanaxac nam fariseopi.

Gade chapit la Kopi




Hechos 26:5
7 Referans Kwoze  

Ua'edi Pablo yetaden queda'me uo'oe gaa'me saduceopi nataq'aen uo'oe gaa'me fariseopi. Chane'eja netenec ga'me 'laqatac da'me enaac: —Ami yaqaya'olqa, jayem fariseo jo'ne jayem amaqatenataĝanaĝaic da'me 'niyelaĝadijeguem gaa'me joote yele'u; nach'e ena'ama ñaa'me yet'al amaqatenataĝanaĝayaqa; qama'le nayi qonemitetaque ga'me yaviyaĝajet qa'a 'uo da'me yeuataqataĝanaĝac da'me 'niyelaĝadijeguem gaa'me te'me joote yele'u.


“Jayem judío. Ñiyi'ña di'me Tarso jo'ne Cilicia, qalaĝaja joue'ta ca'li jayem jaqayi jena'me jenjo' Jerusalén, ñapaĝaguetapecot ñe'me Gamaliel, jo'ne yataqachiñe que'teguelo daa'me namaĝajoĝonaĝaco 'me chiyoqo'oto dia'me qadet'al. Nach'e eta't jetaque jemata' jena'me yeuel da'me jo'onataĝaneuo'o ñe'me Dios, nach'e naq'aeta da'me ena'uaque ami auauoyi nayi jenjo' nolo'.


Jauanaĝa jena'me jenjo' jiyaĝaua queda'me yataqachiñe aĝanataĝanaĝaic, nataq'aen yemeda naa'me ale'u laqaya' en nelagaĝa joga'me judiopi, nataq'aen nach'ena jo'ne laqaic da'me lepe'e' joga'me nazarenopi.


Ñe'me lejaliaĝane'j joga'me tamenaĝaiqui lo'olpi nataq'aen ena'uaque joga'me 'yaĝaicachidipi nach'egaua yechoĝo't da'me dojo'. Nach'egaua jayem yate'm jaga'me lediije' qaedi jec'atalo jogaa'me qadaqaya'olqa jo'ne Damasco laje', qama'le jajoyi da'me daja' da'me jecaa'tape joga'me p'etaqadaiquipi, qaedi ñauegalo jenjo' Jerusalén nataq'aen qaedi qoyalate'tape.


Qalaĝaja am jechoĝotem da'me dojo': ñe'me Dios jo'ne p'iida'a dia'me yet'al nach'eñe jo'onataĝaneuo'o, nach'e naq'aeta da'me dalaĝaic nadiquiyaĝac jo'ne qoyenaqatetapec nepe'e. Qa'a yema ga'me 'uaechiñe qoyediñe joca'li ja'amaqate'n: jogaa'me lamaĝajoĝonaĝaco ñe'me Dios nataq'aen daa'me ledii's gaa'me Dios 'laqataĝanaĝanaqa.


Qalaĝaja uo'oe gaa'me fariseopi jo'ne 'uo da'me lepe'e' ca'li, ñidijeguem qama'le enapega't: —Joga'me p'etaqadaiquipi jo'ne ja judiopi yataqachiñe youetedaque ta'le yacoteguet da'me nichaĝajoĝonaĝac, nataq'aen qoyamaĝalo'te da'me male yoqocha'alo daa'me Dios lamaĝajoĝonaĝaco jo'ne chiyoqodo'ot ñe'me Moisés.


Swiv nou:

Piblisite


Piblisite