Hechos 24:5 - Nuevo Testamento Toba Sombrero Negro

⁵ Jauanaĝa jena'me jenjo' jiyaĝaua queda'me yataqachiñe aĝanataĝanaĝaic, nataq'aen yemeda naa'me ale'u laqaya' en nelagaĝa joga'me judiopi, nataq'aen nach'ena jo'ne laqaic da'me lepe'e' joga'me nazarenopi.

Nuevo Testamento Toba Sur

⁵ Cha'ayi qomi' ÿataqta selaqlec ñi'iñi shiÿaxaua da ÿataqta sa dalemaqtaxan, qataq 'enauaque naua lÿa't 'ale'u i'otec da nÿodacachi naq'en na judiopi, qataq nachiñi ñim lataxala' nam lataxanatacpi so qaÿamata'ac Nazaret l'ec.

La'aqtaqa Ñim Lo'onatac 'Enauacna 2013

⁵ Cha'aye qomi' selaqalec ñi'iñi ỹale da ỹataqta sa qomi' ỹalemaxa't. Ỹataqta coleetac ivirapiguiñi, nache ỹo'ot da qomi' judiopi ñepa'aguenaxa't. Ñimaye nacheñi ñim lataxala' na ỹalleppi qataq 'alpi nam le'enaxat Nazarenos.

Hechos 24:5 Referans Kwoze

Hechos 28:22

Qama'le nayi jetaque jomachaĝa ga'me adelnataĝac, qa'a ena'uaque gaa'me ale'u lael jayatenaq ga'me qonautetapega dojo' dalaĝaic napaĝaguenataĝanaĝac.

Hechos 24:14

Qalaĝaja am jechoĝotem da'me dojo': ñe'me Dios jo'ne p'iida'a dia'me yet'al nach'eñe jo'onataĝaneuo'o, nach'e naq'aeta da'me dalaĝaic nadiquiyaĝac jo'ne qoyenaqatetapec nepe'e. Qa'a yema ga'me 'uaechiñe qoyediñe joca'li ja'amaqate'n: jogaa'me lamaĝajoĝonaĝaco ñe'me Dios nataq'aen daa'me ledii's gaa'me Dios 'laqataĝanaĝanaqa.

Hechos 26:5

Nach'e ena'am yayate'n, nataq'aen yaqanate't ta'le 'yaĝatetedac qom lelnataĝa'j, jo'ne nach'eda da'me jayem fariseo, nach'eda qadepe'e yataqatelegue.

Hechos 15:5

Qalaĝaja uo'oe gaa'me fariseopi jo'ne 'uo da'me lepe'e' ca'li, ñidijeguem qama'le enapega't: —Joga'me p'etaqadaiquipi jo'ne ja judiopi yataqachiñe youetedaque ta'le yacoteguet da'me nichaĝajoĝonaĝac, nataq'aen qoyamaĝalo'te da'me male yoqocha'alo daa'me Dios lamaĝajoĝonaĝaco jo'ne chiyoqodo'ot ñe'me Moisés.

1 Corintios 4:13

Mate mane'e qo'mi qoyejoue'tape qalaĝaja jenaĝa onaĝayaqa naa'me qat'aqataqa nale ja'ataĝagueta jogaa'me. Chayovida'a nayi jenaqa'am ga'me qoyeguem nale 'me paĝachigui, ga'me jo'ne aleua laje'pi yajaĝade'ga nale ga'me p'aye.

Hechos 21:28

niyaĝatedapejeguem: “¡Ami israelpi, qo'mi alecochiiyalo! Naqaena jena'me jenjo' jiyaĝaua jo'ne ja onolec ga'me ua'a dapaĝaguenataĝatapec ga'me jo'ne nautena ga'me qadayi, nautenalo gaa'me namaĝajoĝonaĝaco jo'ne chiyoqodo'ot ñe'me Moisés nataq'aen nautena jena'me jenjo' qanetamenaĝaiqui. Uoja'eda, nayi uo'oe ga'me griegopi jo'ne yenoĝonaqatede'uo na'me tamenaĝaiqui, en paĝachigui q'aen ga'me chalataqa' 'me ja 'nalegue.”

Hechos 5:17

Ñe'me tamenaĝaiqui lo'olpi lejaliaĝanec nataq'aen jogaa'me uetedaue da'me 'loyaĝa'j joga'me saduceopi jo'ne ueteda'ajop joñe'me yataqachiñe najaqachiguilo da'me lep'aguenataĝanaĝa'j,

Lucas 23:2

Da'me qodajoya'aguet joñe'me, paja'a qoyechoĝot ga'me jo'ne qoyen uajouem, enapega't: —Jejomaqalegue jenjo' jiyaĝaua jo'ne ja en 'te niyamaĝa jena'me mach'e qa'naleua. 'Yaĝatetac da'me 'noota ta'le ja jejetenaq ñe'me jaliaĝane'j ga'me Roma laje'. Nataq'aen ja yalajaĝa'ta da'me 'laqatac da'me eetapela't nach'ena Dios Liquiyac, jo'ne qodajolegue.

1 Pedro 2:19

Qa'a joñe'me Dios yataqata yichoĝoden ga'me jo'ne napogaĝadeneguet da'me lachoĝodec qoyen, yajouaĝat da'me jetaque yiyamaĝaden ñe'me Dios, mate mane'e da'me lachoĝodec ja chiyaqayi ga'me ja no'en ta'le ya'uo.

1 Corintios 11:19

Qa'a Dios ami yaje'tema da'me mach'e ami ja adaloi'ta't qaedi yataqate' di'yoqochiguilo gaa'me jo'ne 'nañaĝatela'ajalo uetedaue da'me yataqatelegue napaĝaguenataĝanaĝac.

Hechos 22:22

Chayovida'a da'me dojo' qonaquiaĝana; qalaĝaja male paja'a niyaĝatedapejeguem: —¡Dojo' jiyaĝaua 'noota ta'le ja nec'aletaye! ¡Auapalaĝat qaedi ja yitaĝa ue'ta jena'me aleua!

Hechos 6:13

Choqoda'me qoyauo'oe gaa'me choqotaĝanaĝayaqa jo'ne pecayaqa, jo'ne eetojo' ga'me 'laqata'j: —Jenjo' jiyaĝaua ja yaĝadiñi gaa'me 'laqataqa jo'ne nautetedapega ga'me ja 'nalegue tamenaĝaiqui nataq'aen nautenalo daa'me Dios lamaĝajoĝonaĝaco.

Lucas 23:25

male yejoye ñe'me jiyaĝaua jo'ne qoyequetelegue, ñe'me jo'ne netaue jaga'me coñetaĝanaĝaiqui jouaĝat da'me deloiquitapegue'to ga'me Roma laje' nataq'aen 'uo ga'me yalat, qama'le yanouelo ga'me jiyaĝadipi ñe'me Jesús qaedi 'yedetec ga'me jo'ne yepaquetedapega jogaa'me.

Lucas 23:19

Ñe'me Barrabás qoyanetaue jaga'me coñetaĝanaĝaiqui joca'li jouaĝat da'me deloiquitapegue'to ga'me Roma laje' jo'ne ueteda'a ga'me noic nataq'aen 'uo ga'me yalat.

Lucas 23:5

Qalaĝaja jogaa'me ma'ejama'le yauote 'lañaĝa'j da'me yepataĝadelegue: —Chiyaqayi da'me lapaĝaguenataĝanaĝaco ja en 'te niyamaĝatapela'ajalo gaa'me noyaqolqa. Yachiyoĝota'ña di'me Galilea, qama'le nayi maliaĝa que'tot da'me dojo' jena'me jenjo' Jerusalén.

Mateo 10:25

Chane'eja qaya'te yepaguejaque laqaya ga'me napaĝaguenatac qom joote ena'am ga'me napaĝaguenoqo't, nataq'aen ga'me nelatac qom joote ena'am ga'me ladipa. Qom qoyenapega Beelzebú ñe'me net'a, ¿jach'e jogamaĝa 'naqataqa jo'ne qoyachalo'te qomle gaa'me 'lachaqadiaĝa'u jo'ne mach'e c'oqo'tolqa?

Mateo 2:23

Ca'li yovi't, yec'ata di'me noicolec jo'ne Nazaret qaedi na'ña. Naq'aeta da'me dojo' 'uo ca'li qaedi yepaquichigui ga'me jo'ne joote 'yaĝatetedac ca'li gaa'me Dios 'laqataĝanaĝanaqa queda'me Jesús qoyiyaĝanaĝatapec Nazaret le'ec qomle.

Marcos 1:24

—Jega: ¿toqoch'e qo'mi aueloiquiaĝa'n, am Jesús jo'ne at'achaqa' di'me Nazaret? ¿Qo'li auanaequena qaedi qo'mi auapalaĝa't? ¡Am jateton: yataqachiñe jayaten da'me am Dios Lec'oĝot jo'ne ja 'nalegue!

Hechos 24:4

Qalaĝaja nayi da'me ja jetaque jalcote am jeloiquiaĝanaq, am ñachoĝodenot qaedi qo'mi avichoĝode'n nataq'aen cada'ac qo'mi anaquiaĝanalo.

Hechos 25:7

Ca'li Pablo yenoĝoneuo, joga'me judiopi jo'ne chiyoqoda'a di'me Jerusalén yec'atede'uo ca'li qama'le lama'aja da'me uo'oe qayoĝode' qoyen laviyaĝaco, mate mane'e jogaa'me ja yaqanate't ta'le yataqachiñe eja yachimaĝachichidiñe.