Hechos 24:16 - Nuevo Testamento Toba Sombrero Negro

¹⁶ Qama'le jouaĝat da'me dojo' nach'e eta't 'ñañaĝat qaedi yoqovita jena'me yeuel qama'le ja jepocoĝoguet ñe'me Dios nataq'aen gaa'me jiyaĝa'u.

Nuevo Testamento Toba Sur

¹⁶ Qaq ÿoqo'oyi aÿim ÿataqta ñipogoxoueetapegue' da ÿataqta saqca ca da da ivilÿaxac, da yaqto' qaica ca hueto'ot ÿasouaxashit ñi Dios, nataq'en 'enauac na shiÿaxauapi.

La'aqtaqa Ñim Lo'onatac 'Enauacna 2013

¹⁶ Qaq ỹoqo'oye aỹem ỹataqta ñepogoxoueetapegue' da salaxaguet Ñim Lo'onatac 'Enauacna, qaltaq da huo'o ca ilagaxayec da sootaigui na laỹepi shiỹaxauapi, qaq ỹoqo'oye da ivilỹaxac ỹataqta qaica ca tatapigui iuel.

Hechos 24:16 Referans Kwoze

Hechos 23:1

Pablo yelapegouelo joga'me jiyaĝadipi 'me p'ajodaye jo'ne netedaue ga'me nojaĝaiqui qama'le enaac: —Ami yaqaya'olqa, chayovida'a nayi da'me yiyamaqachiñe da'me yetadenataĝanaĝac jo'ne mach'e Dios yayaten.

1 Timoteo 1:5

Nataq'aen joga'me paquetapega jenjo' 'yelopaĝac: 'noota ta'le noqopitetapega't onolqa'tape jogaa'me, qa'a yataqata eja 'uo da'me loqopich'i jo'ne chiyaqayi ga'me mach'e lai'li jo'ne yataqata onaĝaic, chayovida'a da'me 'uo joga'me lepe'e' jo'ne yataqata eja.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

Hebreos 10:22

Chane'eja 'noota qom ñichiyaĝa'uo joñe'me Dios, da'me yoqovichiguilo naa'me qadai'li nataq'aen qaya'te 'uo ga'me qadoqoleguetaĝanaĝac da'me yataqata jep'iyaqa joñe'me, da'me joote qoye'n yoqovite' naa'me mach'e qadelnataĝaco, nach'e ena'am da'me joote qoyiyodingui naa'me mach'e qadoje' ga'me noĝop jo'ne qaya'te lale'gue.

Romanos 2:15

Qa'a da'me lajoĝo'j jogaa'me yaloĝo'n da'me yachitedac ga'me naqataĝacpi 'me qoyedelo'te naa'me lai'li. Da'me yotaua'n da'me mach'e letadenataĝanaĝa'j, naqaenaua mach'e lelnataĝaco yequemaqate't uotaĝa lelnataĝaco de'uolo'te jogaa'me.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

1 Pedro 3:21

Qama'le nach'ega ga'me noĝop male yelo'teguet da'me chilaĝanataĝanaĝac, jo'ne nach'e ena'am male chiyaqayi da'me ami qonec'alaĝatedegue. Qalaĝaja da'me chilaĝanataĝanaĝac ja naqaega ta'le yiyo na'me qado'oc, dite da'me qoyiyaĝanot ñe'me Dios qaedi en yoqovita na'me qadauel, yajouaĝat da'me qo'mi nec'alaĝatedegue joñe'me Jesucristo jo'ne 'niyelaĝajeguem joca'li.

Tito 1:15

Qom yataqachiñe qanedo'ta't naa'me qadai'li, qama'le yema nedo'ta't ga'me jo'ne jauanaĝa; qalaĝaja gaa'me jo'ne ja yataqachiñe nedo'ta'ajalo nataq'aen ja yacoteguet da'me lepe'e' qamqa'me qaya'te uetauelo jo'ne nedo'ta'ajalo, qa'a paĝachiguilo naa'me lai'li choqodaa'me lelnataĝaco nataq'aen ja nometeguet ta'le 'uo da'me lepocoĝo'j.

1 Corintios 4:4

qa'a da'me yelnataĝac queda'me qaya'te ja no'en ta'le ja'uo. Qalaĝaja ja naqaeda ta'le male chiyaqayi da'me jayem qoyen yataqatelegue, dite ñe'me Jaliaĝanec nach'eñe 'me jayem naloqoten.

1 Pedro 3:16

Qalaĝaja 'noota qom aueñe'tem ta'le qaya'te adi'yoĝodiqui nataq'aen da'me ami machidiñe. Nataq'aen da'me aueñi da'me adelnataĝaqui jo'ne 'uo da'me 'nemaĝac, qaedi gaa'me jo'ne ami ye'ue'tape yajouaĝat da'me auep'iiya'a joñe'me Cristo, mach'e nepocoĝolo'te jo' qomle naa'me mach'e 'laqataqa.

1 Pedro 2:19

Qa'a joñe'me Dios yataqata yichoĝoden ga'me jo'ne napogaĝadeneguet da'me lachoĝodec qoyen, yajouaĝat da'me jetaque yiyamaĝaden ñe'me Dios, mate mane'e da'me lachoĝodec ja chiyaqayi ga'me ja no'en ta'le ya'uo.

Hebreos 13:18

Ena'te aĝañiñi da'me qo'mi auajelaĝañilo'te, qa'a jayatenaq da'me qo'mi uetauelo da'me qadelnataĝac jo'ne onaĝaic, qama'le jetaque ñiyamaĝataqatapeguet yema.

Hebreos 9:14

Chane'eja qom naq'aeta da'me dojo', qama'le jalcote da'me yaguegue da'me lañoqotaĝanaĝac jaga'me letauo' joñe'me Cristo, qa'a chiyaqayi ñe'me Dios Lepaqal jo'ne nach'e eta't da'me 'uo, ñe'me Cristo mach'e nemenot joñe'me Dios, da'me ena'am ta'le najaqajec jo'ne qaya'te lejepaĝanaĝa. Chane'eja jaga'me letauo' da'me yataqata e'n yoqovite' naa'me mach'e qadai'li, nach'eda da'me jo'ne ja yaqanatet ta'le chiyaqayilo jogaa'me najaqajel toye's, qama'le nayi yataqata jaqanatetaq da'me jo'onataĝanaĝauo'o ñe'me Dios jo'ne nach'e eta't da'me nec'aletaye.

2 Timoteo 1:3

Ñetamenaĝaco nale jauo'oe gaa'me noloqo'ote nataq'aen gaa'me pi'yaĝadi yataqata ja am 'te japalaĝate'ta, mac da'me yamaic janem ñe'me Dios jo'ne naqaeñe jo'onataĝatape'uo, qama'le qaya'te yelnataĝac laqaya mac da'me yataqata jen yoqovichigui jena'me yeuel, qa'a naq'aeta da'me 'lonataĝanaĝa'j dia'me yet'al joca'li.

1 Ts 2:10

Qama'le naqa'ami 'me auatetoñi ga'me 'yonatac, nataq'aen ñe'me Dios nach'eñe 'me joote yayaten da'me yema joga'me jauoqo yataqata ja ch'e qanequejaĝac, yataqata ja 'nalegue, yataqata chimaqachiñe, choqoda'me yataqata ami lecochiyalo da'me ami p'etaqadayaqa.

1 Timoteo 3:9

'Noota qom nach'eda da'me quetede'egue naa'me 'naqataqa jo'ne nach'enaua Dios qo'mi yaloĝonalo ca'li, chayovida'a yataqata en yoqovichiguilo naa'me lai'li.

1 Timoteo 1:19

Oquetalegue da'me adepe'e nataq'aen nach'e eta't auen onaĝaic ga'me adelnataĝac, qa'a uo'oe jogaa'me male ja yauote ga'me onaĝaic lelnataĝa'j, qama'le queda'e da'me lepe'e'.

Romanos 9:1

Queda'me jep'iya'a ñe'me Cristo, male ja'aĝatetac da'me eja yataqatelegue, ja joqovinaĝatac. Uoja'eda, da'me yetadenataĝanaĝac 'me equegue ñe'me Dios Lepaqal jayem yayataĝadenec queda'me yataqachiñe eja da'me dojo'.

1 Corintios 10:32

Ena'te auauoyi gamachaqaega jo'ne chiyaqayi ta'le dalemata'tape jogaa'me adaqayadi', ga'me judiopi uotaĝa ga'me griegopi, uotaĝa gaa'me mach'e adaqayadi' jo'ne adepi'iyaĝa'udi',