Hechos 24:10 - Nuevo Testamento Toba Sombrero Negro

¹⁰ Chane'eja ñe'me jaliaĝanec yatequenapega ñe'me Pablo qaedi doje, qama'le Pablo enaac: —Yataqachiñe 'uo da'me yiyamaĝadenataĝanaĝac ta'le ñenaĝatedegue ga'me jo'ne jedo'ogueta ga'me ñaviyaqatagueco da'me am jajoya'aguet, qa'a jayaten queda'me chiyoqo'tegueta qayoĝode' 'uoidi da'me am nec'atenoqo't jena'me jenjo' aleua.

Nuevo Testamento Toba Sur

¹⁰ Nachi so nta'a ÿauota'a l'anec da 'enapega so Pablo, da yaqto' detaqa. Nachi so Pablo 'enapeco': –Aÿim ÿataqta saÿamaxadeeta da sauo'o ca itaxaÿaxac, da yaqto' aÿim 'au'aqchigui, cha'ayi aÿim saÿaten da 'am mayi nachi'am 'au'ot na lataxaguesat da huo'o ca camachaqca nam qadhuo' l'ecpi, qaq de'eda 'ad'onataxanaxac, damayi mashi huo'oi soua vi'iyi.

La'aqtaqa Ñim Lo'onatac 'Enauacna 2013

¹⁰ Nache so nta'a ỹauota'a so la'anec da 'enapega so Pablo da yaqto' detaqa. Nache so Pablo 'enapeco': –Aỹem saỹateeta da 'am 'alotague' ne'ena 'alhua, mashe qaỹoqteguelo soua vi'iye. Qaq ỹoqo'oye aỹem ỹataqta samachiguiñi da ishet da sauo'o ca itaxaỹaxac da ñeueela't da 'am satato'ot.

Hechos 24:10 Referans Kwoze

1 Pedro 3:15

Nach'edata da'me a'nonaĝachiyegui joñe'me Cristo mach'e Adejaliaĝanequi. Nataq'aen nach'e eta't aniyamaĝacheta't da'me a'uachiyegueta ena'uaque gaa'me jo'ne denataĝatapelegue da'me jo'ne adeuataqataĝanaĝaqui 'me joote ami uetauelo.

Hechos 26:1

Chane'eja Agripa enaac da'me male dajoya'aguet ñe'me Pablo: —Am cha'li aua'uo ga'me at'aqatac. Pablo nodijeguem ga'me louaq qama'le doje, enaac:

Hechos 23:24

Uoja'eda damaĝajoĝolegue qaedi qoyaqataĝata't ga'me pegaq qaedi Pablo netalegue joga'me, nataq'aen damaĝajoĝolegue qaedi qaya'te gamachaqaega ta'le nedo'oguet nataq'aen yiyamaqachiñe da'me qoyauega ñe'me jaliaĝanec Félix.

Hechos 21:40

Ñe'me coico lajoĝola' yaje'tem ca'li, qama'le Pablo nechatelegue ga'me napiaĝala' qama'le nodegue ga'me louaq qaedi en 'nemaqata' ga'me jiyaĝadipi. Ca'li male tochiñe, qama'le en ga'me hebreo da'me dojapegue'to, enaac:

Hechos 19:33

Qalaĝaja uo'oe gaa'me 'me 'yaĝadetem da'me eeta da'me nemaĝac ñe'me Alejandro, qama'le naqaeñe qoyamaqauo qaedi dajoya'agueta yema ga'me jiyaĝadipi. Qanach'e ñe'me yajeguem na'me louaq da'me qaedi 'nemaĝadiñe q'ae'n ga'me jiyaĝadipi, qama'le jetaque 'yaĝate'tape ga'me judiopi da'me ja lajouaĝaje't da'me dojo'.

Hechos 18:15

Qalaĝaja queda'me qodojeye ga'me ch'e 'naqatac, ga'me ch'e nenaĝat nataq'aen namaĝajoĝonaĝaco jo'ne ami chiyaqayilo, 'noota qom mach'e ami da'me a'vichiye, qa'a ja jetaque jalequete'n naa'me naajo' jo'ne uo'oe.

Hechos 13:16

Chane'eja Pablo ñijeguem, nodegue ga'me louaq da'me en tochiñe, enaac: —Ami jo'ne Israel laje', jayem anaquiaĝañiya, nataq'aen ami jo'ne ja at'achaqadiyena jo'ne adoqopichiya ñe'me Dios.

Hechos 12:17

Qalaĝaja ñe'me Pedro nodegue ga'me louaq qaedi 'yemadete', qama'le 'yaĝatema ga'me 'yetec ñe'me Jaliaĝanec da'me yachiyoĝotaue jaga'me coñetaĝanaĝaiqui, nataq'aen enaac: —A'uaĝachiyem da'me dojo' ga'me Santiago, nataq'aen gaa'me qadaqaya'olqa laqaya'. Yem qama'le yenoĝonegue nataq'aen dajoyi ga'me aleua laqaya.

Lucas 18:2

T'aqataĝanema jogaa'me: “Ga'me noic ca'li 'uo ñe'me nec'atenoqo't ga'me jiyaĝadipi jo'ne ja t'oiyapega ñe'me Dios nataq'aen ja tayiyalo gaa'me jiyaĝa'u.

Lucas 12:14

Qalaĝaja Jesús 'yateguet: —¿Toqoch'e aueetapega mach'e 'yonatac da'me dojo' qaedi ena'am ta'le jayem anec'atenoqo't uotaĝa jelolegue da'me adeuoyaĝaqui?

Lucas 12:11

“Qom ami qoyauegouelo ga'me nemaĝaiqui, ami qoyajoĝona'agueta gaa'me jiyaĝadipi nec'atenoqo't nataq'aen jaliaĝanaqa, ena'te aviyechitac queda'me jach'e jogamaĝa at'ataĝaqui uotaĝa ga'me anenaĝachiyegue,