Hechos 23:6 - Nuevo Testamento Toba Sombrero Negro

⁶ Ua'edi Pablo yetaden queda'me uo'oe gaa'me saduceopi nataq'aen uo'oe gaa'me fariseopi. Chane'eja netenec ga'me 'laqatac da'me enaac: —Ami yaqaya'olqa, jayem fariseo jo'ne jayem amaqatenataĝanaĝaic da'me 'niyelaĝadijeguem gaa'me joote yele'u; nach'e ena'ama ñaa'me yet'al amaqatenataĝanaĝayaqa; qama'le nayi qonemitetaque ga'me yaviyaĝajet qa'a 'uo da'me yeuataqataĝanaĝac da'me 'niyelaĝadijeguem gaa'me te'me joote yele'u.

Nuevo Testamento Toba Sur

⁶ Nachi so Pablo ila'a da huo'o na saduceopi se'eso nta'alpi mayi loicnatac na lataxaguesat, qataq huo'o na fariseopi. Nachi somayi ÿataqta n'axanneque naua l'aqtaqa, 'eeta': –Qami' ÿaqaÿañicpi, aÿim fariseo l'ec, nachi sachigaqaigui na fariseopi, qalaq nagui aÿim qanmichiitac, souaxat da huo'o da ñaquitaxac da qaltaq qanca'alaxateec na leuaxaicpi.

La'aqtaqa Ñim Lo'onatac 'Enauacna 2013

⁶ Nache so Pablo co'ollaq ila'a da huo'o na saduceopi se'eso nta'alpi maye loicnatac na lataxaguesat, qataq huo'o na fariseopi. Nache somaye ỹataqta na'axanneque naua la'aqtaqa, 'eeta': –Qami' Israel le'ecpi aỹem sachegaqaigui na fariseopi, qataq qalota nam ihuo' le'ecpi da sheeta'am, qalaq nagui ¿Ta'ainco' da aỹem qanmichiitac? ¿Souaxat peta'a da sa'amaqten da qaltaq qanca'alaxatec na leuaxaicpi?

Hechos 23:6 Referans Kwoze

Hechos 24:21

Nach'edata da'me ñenaĝategue ca'li jouetauelo gaa'me, qama'le ñetenec ga'me 'yaqatac ca'li jenaac: «Nayi anemichitaque ga'me yaviyaĝajet qa'a ja'amaqaten da'me yitaĝa 'niyelaĝadijeguem gaa'me jo'ne te'me joote yele'u.»”

Hechos 24:15

'Uo da'me yeuataqataĝanaĝac ñe'me Dios jo'ne nach'e jena'ama jogaa'me, queda'me 'niyelaĝadijeguem qomle gaa'me joote yele'u, jogaa'me 'noote' nataq'aen jogaa'me qaleuaĝayaqa.

Filipenses 3:5

Qa'a jayem qoyichaq ca'li yemta jauelo jaa'me ocho noloqo'ote da'me ñiyiñe, yataqata jachiyoĝogueta joga'me Israel lec'oqo'tepi, mach'e yet'alpi jodi'me c'oqo'tepi di'me Benjamín, yataqata jayem hebreo le'ec. Qama'le jalchi'ena joqocha'alo naa'me Dios lamaĝajoĝonaĝaco da'me jayem fariseo ca'li.

Hechos 28:20

Chane'eja nach'eda dojo' jouaĝat da'me ami jiyaĝanalo, qaedi ami jauanalo nataq'aen ami jojapegue'to; qa'a nach'eda da'me qadeuataqataĝanaĝac, da'me qo'mi israelpi, jo'ne chiyaqayi da'me jayem qoyecoñedeta't nayi.

Mateo 22:23

Nach'ejo jo'me nolo' uo'oe gaa'me saduceopi yec'adeta ñe'me Jesús, nach'egaua jo'ne eetedapega ja 'niyelaĝadijeguem gaa'me joote yele'u, qama'le eetojo' da'me lenataĝanaĝa'j:

Hechos 22:5

Ñe'me lejaliaĝane'j joga'me tamenaĝaiqui lo'olpi nataq'aen ena'uaque joga'me 'yaĝaicachidipi nach'egaua yechoĝo't da'me dojo'. Nach'egaua jayem yate'm jaga'me lediije' qaedi jec'atalo jogaa'me qadaqaya'olqa jo'ne Damasco laje', qama'le jajoyi da'me daja' da'me jecaa'tape joga'me p'etaqadaiquipi, qaedi ñauegalo jenjo' Jerusalén nataq'aen qaedi qoyalate'tape.

Mateo 10:16

“Yataqachiñe anaquiaĝañiya da'me dojo' 'yaqatac, queda'me ami jama' nayi, qalaĝaja ena'am ta'le ami 'naĝanaĝatelpi jo'ne jamaĝauelo jogaa'me diquiya'ape. Chane'eja 'noota qom ami yatenaĝanaĝayaqa, aueñiya'ama jogaa'me nanayaqa, nataq'aen qaya'te anedaĝayaĝaqui, aueñiya'ama jogaa'me doqoto'pi.

Mateo 3:7

Qalaĝaja ca'li Juan yauana queda'me qayoĝode' gaa'me fariseopi nataq'aen saduceopi yec'adeta qaedi nachilaĝa'n, qama'le enapegalo: “¡Aueñiya'ama gaa'me nanayaqa c'oqo'tepi jo'ne dajodegue nale novi' ga'me dole'! ¿Toqoch'e aueñetapega ja ami 'te yedalo'te ga'me ane'uaĝanaguequi jo'ne ami na'talo?

Hechos 22:3

“Jayem judío. Ñiyi'ña di'me Tarso jo'ne Cilicia, qalaĝaja joue'ta ca'li jayem jaqayi jena'me jenjo' Jerusalén, ñapaĝaguetapecot ñe'me Gamaliel, jo'ne yataqachiñe que'teguelo daa'me namaĝajoĝonaĝaco 'me chiyoqo'oto dia'me qadet'al. Nach'e eta't jetaque jemata' jena'me yeuel da'me jo'onataĝaneuo'o ñe'me Dios, nach'e naq'aeta da'me ena'uaque ami auauoyi nayi jenjo' nolo'.

Hechos 22:30

Ga'me nete' laqaya, ñe'me coicopi lejaliaĝanec jetaque yataqatelegue ga'me yayaten jach'e jogamaĝa yaviyaĝadetapec joga'me judiopi ñe'me Pablo, qama'le yejodegue gaa'me coñetaĝanaqa'te 'me laicaual, qama'le damaĝajoĝolegue qaedi yema'a't jogaa'me lejaliaĝanaqa ga'me tamenaĝaiqui lo'olpi nataq'aen yema ga'me yema'a't nale jo'ne p'ajodaye. Yem qama'le yenoĝonaqatenegue ñe'me Pablo qama'le yajoĝona'agueta jogaa'me.

Hechos 23:1

Pablo yelapegouelo joga'me jiyaĝadipi 'me p'ajodaye jo'ne netedaue ga'me nojaĝaiqui qama'le enaac: —Ami yaqaya'olqa, chayovida'a nayi da'me yiyamaqachiñe da'me yetadenataĝanaĝac jo'ne mach'e Dios yayaten.

Hechos 23:7

Mane'e ca'li nenaĝategue da'me dojo' jogaa'me jo'ne 'yamaqate'n da'me 'niyelaĝajoĝoc nataq'aen joga'me jo'ne ja 'yamaqate'n da'me 'niyelaĝajoĝoc, paja'a mach'egaua necotayapega't ca'li, qama'le colaĝaye ca'li ga'me nojaĝac.

Hechos 23:15

Nayi da'me ami nataq'aen gaa'me jiyaĝa'u laqaya' jo'ne napetedoue ga'me nojaĝaiqui jo'ne p'ajaye aviyaĝañiyot ñe'me coicopi lajoĝola' qaedi ami nauegalo qom 'yoĝoñi, qaedi aueñi chiyaqayi da'me male yataqachiñe anemichiyaque ga'me yajouaĝat; qama'le qo'mi joote jeuataqataque qaedi jalataq qom maliaĝa ja novida'aquena.

Hechos 23:20

Ñe'me notolec male t'aqataĝanem, enaac: —Joga'me judiopi joote nayatena't qaedi am yiyaĝatot queda'me jetaque auauega qom 'yoĝoñi ñe'me Pablo ga'me yema'a't nale jogaa'me p'ajodaye, jetaque qoyachiyoĝotaye q'aen da'me male yataqachiñe qoneteletalegue da'me qonemitaque ga'me yajouaĝat.

Colosenses 1:5

Dojo' yajouaĝat da'me anaquichi'ta ga'me jo'ne jalchi'ena qoyiyamaĝatetac qaedi ami qoyanema qomle da'me oviya'ague di'me piyem, da'me jo'ne auomachiiya ca'li ami qo'yaĝatema da'me yataqatelegue jo'ne 'laqataĝanaĝac ñe'me Dios.

Hebreos 6:19

Jenjo' qadeuataqataĝanaĝac naqaeda da'me qo'mi 'yañaĝachidiñe qaedi nach'e eta't da'me qo'mi t'añi'y, ena'am joga'me lequet jaga'me licota da'me qoyecoñeteguet ga'me cadeena jo'ne laicaua qaedi nach'e eta't en namachiñe. Chane'eja da'me qadeuataqataĝanaĝac ena'am ta'le 'youategue joga'me ualoĝo lae jo'ne lapadenaĝat ga'me tamenaĝaiqui 'me na'ague di'me piyem qaedi male jenoĝonaĝauo'o.