Hechos 23:1 - Nuevo Testamento Toba Sombrero Negro

¹ Pablo yelapegouelo joga'me jiyaĝadipi 'me p'ajodaye jo'ne netedaue ga'me nojaĝaiqui qama'le enaac: —Ami yaqaya'olqa, chayovida'a nayi da'me yiyamaqachiñe da'me yetadenataĝanaĝac jo'ne mach'e Dios yayaten.

Nuevo Testamento Toba Sur

¹ Nachi so Pablo co'ollaq ÿamataigui so nta'alpi mayi loicnatac na lataxaguesat. Nachi 'enapeco': –Qami' ÿaqaÿañicpi, aÿim chochi ivitta'a nagui da qaica ca da da ivilÿaxac, qaq ñi Dios ÿaÿaten.

La'aqtaqa Ñim Lo'onatac 'Enauacna 2013

¹ Nache so Pablo co'ollaq ỹamataigui so nta'alpi maye loicnatac na lataxaguesat. Nache 'enapeco': –Qami' Israel le'ecpi, aỹem ỹataqta ỹe'emaqtac da ivilỹaxac, cha'aye choche ivitta'a nagui da ỹataqta salaxaguet 'enauac Ñim Lo'onatac 'Enauacna.

Hechos 23:1 Referans Kwoze

Hechos 24:16

Qama'le jouaĝat da'me dojo' nach'e eta't 'ñañaĝat qaedi yoqovita jena'me yeuel qama'le ja jepocoĝoguet ñe'me Dios nataq'aen gaa'me jiyaĝa'u.

2 Timoteo 1:3

Ñetamenaĝaco nale jauo'oe gaa'me noloqo'ote nataq'aen gaa'me pi'yaĝadi yataqata ja am 'te japalaĝate'ta, mac da'me yamaic janem ñe'me Dios jo'ne naqaeñe jo'onataĝatape'uo, qama'le qaya'te yelnataĝac laqaya mac da'me yataqata jen yoqovichigui jena'me yeuel, qa'a naq'aeta da'me 'lonataĝanaĝa'j dia'me yet'al joca'li.

2 Corintios 1:12

'Uo da'me chiyaqayi da'me qani'yoĝodenaĝac, nach'eda da'me qadetadenataĝanaĝac qo'mi 'yaĝatema queda'me yataqachiñe ja 'nalegue da'me qadajoĝoc nataq'aen ja jauoqo 'te lale'gue jo'ne ua'ña jena'me aleua, nataq'aen p'ajaye dojo' jo'ne ami joqote'tagueta. Qo'mi ja ñajenaqa'teguet ta'le qo'mi yaue'j da'me ch'e jiyaĝaua layatenaĝanaĝac, dite da'me jep'iyaqa ñe'me Dios da'me 'uo da'me leyalaqataĝanaĝac.

Hebreos 13:18

Ena'te aĝañiñi da'me qo'mi auajelaĝañilo'te, qa'a jayatenaq da'me qo'mi uetauelo da'me qadelnataĝac jo'ne onaĝaic, qama'le jetaque ñiyamaĝataqatapeguet yema.

1 Corintios 4:4

qa'a da'me yelnataĝac queda'me qaya'te ja no'en ta'le ja'uo. Qalaĝaja ja naqaeda ta'le male chiyaqayi da'me jayem qoyen yataqatelegue, dite ñe'me Jaliaĝanec nach'eñe 'me jayem naloqoten.

Hechos 22:5

Ñe'me lejaliaĝane'j joga'me tamenaĝaiqui lo'olpi nataq'aen ena'uaque joga'me 'yaĝaicachidipi nach'egaua yechoĝo't da'me dojo'. Nach'egaua jayem yate'm jaga'me lediije' qaedi jec'atalo jogaa'me qadaqaya'olqa jo'ne Damasco laje', qama'le jajoyi da'me daja' da'me jecaa'tape joga'me p'etaqadaiquipi, qaedi ñauegalo jenjo' Jerusalén nataq'aen qaedi qoyalate'tape.

2 Corintios 4:2

Qaya'te gamachaqaega ta'le janomaĝaguet da'me qadepocoĝo, uotaĝa joĝotaqatapiñi ga'me qat'onatac. Ja jauoqo da'me ta'le joqovinaq ga'me jiyaĝadipi uotaĝa jaeyaĝanaq da'me 'laqataĝanaĝac ñe'me Dios. Ja naq'aeta, dite da'me nach'eñe ñe'me Dios qa'naĝatoqo't queda'me onolec da'me eja ñenaĝataĝaye. Qo'che' ena'uaque qo'mi qop'eteque.

Hechos 23:6

Ua'edi Pablo yetaden queda'me uo'oe gaa'me saduceopi nataq'aen uo'oe gaa'me fariseopi. Chane'eja netenec ga'me 'laqatac da'me enaac: —Ami yaqaya'olqa, jayem fariseo jo'ne jayem amaqatenataĝanaĝaic da'me 'niyelaĝadijeguem gaa'me joote yele'u; nach'e ena'ama ñaa'me yet'al amaqatenataĝanaĝayaqa; qama'le nayi qonemitetaque ga'me yaviyaĝajet qa'a 'uo da'me yeuataqataĝanaĝac da'me 'niyelaĝadijeguem gaa'me te'me joote yele'u.

1 Pedro 3:16

Qalaĝaja 'noota qom aueñe'tem ta'le qaya'te adi'yoĝodiqui nataq'aen da'me ami machidiñe. Nataq'aen da'me aueñi da'me adelnataĝaqui jo'ne 'uo da'me 'nemaĝac, qaedi gaa'me jo'ne ami ye'ue'tape yajouaĝat da'me auep'iiya'a joñe'me Cristo, mach'e nepocoĝolo'te jo' qomle naa'me mach'e 'laqataqa.

Hechos 22:30

Ga'me nete' laqaya, ñe'me coicopi lejaliaĝanec jetaque yataqatelegue ga'me yayaten jach'e jogamaĝa yaviyaĝadetapec joga'me judiopi ñe'me Pablo, qama'le yejodegue gaa'me coñetaĝanaqa'te 'me laicaual, qama'le damaĝajoĝolegue qaedi yema'a't jogaa'me lejaliaĝanaqa ga'me tamenaĝaiqui lo'olpi nataq'aen yema ga'me yema'a't nale jo'ne p'ajodaye. Yem qama'le yenoĝonaqatenegue ñe'me Pablo qama'le yajoĝona'agueta jogaa'me.

Hechos 6:15

Gaa'me jaliaĝanaqa nataq'aen ena'uaque ga'me ueteda'a ga'me ñechidiñe, ca'li yec'ate'n ñe'me Esteban qama'le yauata da'me latajoĝoc ena'am ga'me piyem le'ec.

Hechos 22:1

“Ami yaqaya'olqa, nataq'aen ami net'alpi, anaquiaĝañiya da'me ami ja'aĝatema jo'ne ami jedo'ogueta.”

Mateo 5:22

Qalaĝaja ami ja'aĝatema queda'me gamachaqaega ga'me jo'ne dalemata'ya ga'me laqaya, male qoyamaĝaue da'me ne'uaĝanaguec. Nataq'aen ga'me jo'ne yejouen ga'me laqaya, qama'le qoyajoĝonegueta jogaa'me jiyaĝadipi nec'atenoqo't; nataq'aen ga'me jo'ne yachalo'te gaa'me 'laqataqa 'me ja 'noe'n ga'me laqaya, qama'le qoyen yepaquetapegue' da'me yec'ata ga'me dole' 'me 'lachaqa' da'me 'uaĝanaĝac.

Hechos 23:15

Nayi da'me ami nataq'aen gaa'me jiyaĝa'u laqaya' jo'ne napetedoue ga'me nojaĝaiqui jo'ne p'ajaye aviyaĝañiyot ñe'me coicopi lajoĝola' qaedi ami nauegalo qom 'yoĝoñi, qaedi aueñi chiyaqayi da'me male yataqachiñe anemichiyaque ga'me yajouaĝat; qama'le qo'mi joote jeuataqataque qaedi jalataq qom maliaĝa ja novida'aquena.

Hechos 23:20

Ñe'me notolec male t'aqataĝanem, enaac: —Joga'me judiopi joote nayatena't qaedi am yiyaĝatot queda'me jetaque auauega qom 'yoĝoñi ñe'me Pablo ga'me yema'a't nale jogaa'me p'ajodaye, jetaque qoyachiyoĝotaye q'aen da'me male yataqachiñe qoneteletalegue da'me qonemitaque ga'me yajouaĝat.

Hechos 23:28

Qama'le queda'me jetaque jayaten jach'e jogamaĝa qoyen laviyaĝajet, qama'le jauega joga'me lemaĝaiqui' joga'me p'ajodaye judiopi,