Hechos 22:5 - Nuevo Testamento Toba Sombrero Negro

⁵ Ñe'me lejaliaĝane'j joga'me tamenaĝaiqui lo'olpi nataq'aen ena'uaque joga'me 'yaĝaicachidipi nach'egaua yechoĝo't da'me dojo'. Nach'egaua jayem yate'm jaga'me lediije' qaedi jec'atalo jogaa'me qadaqaya'olqa jo'ne Damasco laje', qama'le jajoyi da'me daja' da'me jecaa'tape joga'me p'etaqadaiquipi, qaedi ñauegalo jenjo' Jerusalén nataq'aen qaedi qoyalate'tape.

Nuevo Testamento Toba Sur

⁵ Qaq som lataxala' na ntaxaÿaxanaxanecpi da qaitaxaÿapegue' ñi Dios, qataq 'enauac nam laÿipi nataxala'pi, namayipi ishit da i'axat de'eda, da nachina namayipi na aÿim ÿanem aso nede mayi taÿa'a na qadaÿipi judiopi mayi netaña yi Damasco. Qaq aÿim saÿa'a yimayi co'ollaxa da shi'iguena'a na 'amqajnataxanaxaicpi, da yaqto' ñauega na Jerusalén, qaq yi qaiuaxan.

La'aqtaqa Ñim Lo'onatac 'Enauacna 2013

⁵ Qaq som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq 'enauac nam laỹepi nataxala'pi, namayepi ishet da ỹa'axat de'era, qataq nachena namayepi na aỹem ỹanem aso nere maye taỹa'a na qaraỹepi judiopi maye netaña ye Damasco. Qaq aỹem saỹa'a yemaye co'ollaxa da she'eguena'a na 'amqaanataxanaxaicpi da yaqto' ñauega na Jerusalén, yaqto' qaiuaxan.

Hechos 22:5 Referans Kwoze

Lucas 22:66

Mane'e ca'li nete', qama'le yema'a't ga'me 'yaĝaicachidipi, jogaa'me lejaliaĝanaqa ga'me tamenaĝaiqui lo'olpi nataq'aen ga'me judiopi napaĝaguenoqo'tpi, qama'le yaueta ñe'me Jesús ga'me ua'a da'me yema'a't gaa'me p'ajodaye, ua'a da'me qoyenatetalegue:

Hechos 5:21

Queda'me naq'aeta da'me domachita, ca'li ne'teta ga'me nolo' laqaya, tadoue ga'me tamenaĝaiqui qama'le paja'a dapaĝaguenataĝa'n. Chane'eja ñe'me lejaliaĝane'j ga'me tamenaĝaiqui lo'olpi nataq'aen jogaa'me ueteda'ajop ñe'me yiyaĝanalo yema ga'me 'yaĝaicachidipi jo'ne israelpi qaedi yec'adeta ga'me dajoya't gaa'me p'ajodaye jiyaĝa'u, qama'le qodelataĝanalo gaa'me namaĝa's jo'ne netedaue jaga'me coñetaĝanaĝaiqui.

1 Timoteo 4:14

Ena'te auen qaya'ye joñe'me Dios am yanem mach'e Lepaqal ca'li am qo'yaĝatem jogaa'me 'yaĝaicachidi jo'ne am netamedelegue nataq'aen am yacodedelegue ca'li.

Hechos 28:21

Qama'le joga'me enapega't: —Qo'mi qaya'te gamachaqaega nediije ta'le jauanaĝa jo'ne am 'yaĝatetac, nataq'aen gaa'me qadaqaya'olqa judiopi jo'ne chiyoĝotegue da'me daja' qaya'te gamachaqaega ja no'en 'laqataĝanaĝa'j ta'le am 'yaĝatetedac.

Hechos 26:12

“Nach'eda dojo' yelnataĝac ca'li queda'me jajoya'ague di'me noic jo'ne Damasco, qama'le jogaa'me tamenaĝaiqui lo'olpi lejaliaĝanaqa jayem yamaĝadelegue nataq'aen yauo'oe ga'me yequiaĝa'upi.

Hechos 26:10

qama'le naq'aeta da'me ja'uo ca'li da'me joue'ta di'me Jerusalén. Jayem yamaĝadelegue jogaa'me lejaliaĝanaqa ga'me tamenaĝaiqui lo'olpi, qaedi jalcote ga'me p'etaqadaiquipi jamaĝauelo joga'me coñetaĝanaĝaiqui'. Nataq'aen nale qoyala't qama'le nach'e ena'am ja'amaqaten.

Hechos 22:1

“Ami yaqaya'olqa, nataq'aen ami net'alpi, anaquiaĝañiya da'me ami ja'aĝatema jo'ne ami jedo'ogueta.”

Hechos 13:26

“Ami yaqaya'olqa jo'ne Abraham c'oqo'tepi, nataq'aen ami jo'ne ja at'achaqadiyena nataq'aen jo'ne at'oiyapega joñe'me Dios: jenjo' qo'yaĝatetac 'me nec'alaĝa mach'e qo'mi nelo'talo.

Hechos 9:14

Qama'le nayi nec'ata jena'me jenjo', jo'ne uo'oe gaa'me lajoĝolatel, 'me lediijel ga'me lejaliaĝanaqa ga'me tamenaĝaiqui lo'olpi, qaedi qo'mi yecoñe't, ena'uaque qo'mi jo'ne ja'aĝataqatac da'me adenaĝat.”

Hechos 4:5

Ca'li male yovidaue ga'me nolo', di'me Jerusalén yema'a't jogaa'me judiopi lejaliaĝanaqa, joga'me 'yaĝaicachidipi nataq'aen joga'me judiopi napaĝaguenoqo'tpi.

Hechos 1:15

'Uo ga'me ua'a ca'li yenoĝodegue gaa'me noloqo'ote, Pedro ñijeguem ca'li uañe laeñi jogaa'me laqaya'olqa jo'ne yema'a't, nach'egaua nalo'taguet ciento veinte ga'me jiyaĝadipi, qama'le enaac:

Hechos 2:29

“Ami yaqaya'olqa, cha'li jayem auomachiyi'ya da'me ami ja'aqataĝanema queda'me yeleu ca'li di'me jachiyojoĝoguet David choqoda'me qoyijeñi, nataq'aen ga'me napa'l lae't maliaĝa qo'mi uetauelo.

Hechos 3:17

“Eja, ami yaqaya'olqa, joote jayaten queda'me ami nataq'aen gaa'me adejaliaĝanaqadi' aualachi ca'li ñe'me Jesús, auauoyi da'me dojo' qalaĝaja ja auayachiñe ga'me jo'ne a'vichiyec joñe'me.

Hechos 23:1

Pablo yelapegouelo joga'me jiyaĝadipi 'me p'ajodaye jo'ne netedaue ga'me nojaĝaiqui qama'le enaac: —Ami yaqaya'olqa, chayovida'a nayi da'me yiyamaqachiñe da'me yetadenataĝanaĝac jo'ne mach'e Dios yayaten.

Hechos 23:6

Ua'edi Pablo yetaden queda'me uo'oe gaa'me saduceopi nataq'aen uo'oe gaa'me fariseopi. Chane'eja netenec ga'me 'laqatac da'me enaac: —Ami yaqaya'olqa, jayem fariseo jo'ne jayem amaqatenataĝanaĝaic da'me 'niyelaĝadijeguem gaa'me joote yele'u; nach'e ena'ama ñaa'me yet'al amaqatenataĝanaĝayaqa; qama'le nayi qonemitetaque ga'me yaviyaĝajet qa'a 'uo da'me yeuataqataĝanaĝac da'me 'niyelaĝadijeguem gaa'me te'me joote yele'u.

Hechos 26:11

Nach'e eta't jalate'tape nale jogaa'me qaedi jen nematedapec da'me lepe'e'. Qama'le nach'eda dojo' je'eteque ena'uaque jogaa'me nemaĝaiqui', nataq'aen yataqachiñe jalematatapalo jogaa'me qama'le jecaa'tape chayovida'alo gaa'me noyaqa jo'ne p'adegue.

Hechos 28:17

Yenoĝodegue tres gaa'me noloqo'ote da'me joote uetede'edi, Pablo yiyaĝanalo ga'me toye's judiopi 'me neda'ña di'me Roma. Ca'li joote nalo'ta't, qama'le enaac: —Ami yaqaya'olqa, qaya'te gamachaqaega 'yonatac jo'ne nautena na'me qadayi judiopi uotaĝa ta'le ñautena da'me janaqa'ac 'me 'loyaĝa'j dia'me mach'e jachiyojoĝogueta. Taqaeue'ta, di'me Jerusalén jayem qoyanouelo jogaa'me Roma laje',

Gálatas 1:13

Ami joote auayachiñe da'me eeta da'me 'yoyaĝac, ca'li maliaĝa jouetaue da'me lepe'e' jogaa'me judiopi. Nataq'aen auayachiñe ca'li jecaa'tape jogaa'me Dios lec'oqo'tepi, ja'uo lachoĝode'j qa'a jetaque japalaĝa't jogaa'me.

Filipenses 3:6

Ca'li yataqata jequetapegue' da'me dojo' jo'ne naeda'ac ga'me judiopi, chayovida'a da'me jecaa'tape jogaa'me p'etaqadayaqa; qama'le ta'le ga'me jiyaĝaua yiyamaĝaden ñe'me Dios jouaĝat da'me yoqocha'alo naa'me namaĝajoĝonaĝaco, da'me jayem qaya'te yepatenaĝanaĝac.