Biblia Todo Logo
Bib sou entènèt

- Piblisite -




Hechos 22:1 - Nuevo Testamento Toba Sombrero Negro

1 “Ami yaqaya'olqa, nataq'aen ami net'alpi, anaquiaĝañiya da'me ami ja'aĝatema jo'ne ami jedo'ogueta.”

Gade chapit la Kopi

Nuevo Testamento Toba Sur

1 –Qami' ÿaqaÿañicpi, qataq qami' ita'alpi, ña qan'axaÿaxañiÿa da itaxaÿaxac da qami' shinapegalo.

Gade chapit la Kopi

La'aqtaqa Ñim Lo'onatac 'Enauacna 2013

1 –Qami' ỹaqaỹañicpi, qataq qami' ita'alpi, ña qana'axaỹaxañiỹa da itaxaỹaxac da ñeueela't.

Gade chapit la Kopi




Hechos 22:1
21 Referans Kwoze  

qama'le ñe'me 'yateguet: “Ami yaqaya'olqa, nataq'aen net'alpi, cha'li jayem anaquiaĝañiya: ñe'me Qanedios jo'ne 'uo da'me 'lonaĝa naloĝoneguet ñe'me Abraham jo'ne mach'e jachiyojoĝoguet ca'li ue'ta di'me Mesopotamia, ca'li tatalegue da'me yec'ata di'me Harán qaedi na'ña,


Jo'me nolo' ca'li yemta te'me 'ñañaĝatela't da'me jajoya'agueta jogaa'me jaliaĝanaqa, yataqata qaya'te yequiaĝaua ta'le maqachaĝa jayem yotauan, yema jayem ca'e; qalaĝaja jepaquetapega qaedi Dios yichoĝode'n naa'me.


Nach'edata da'me a'nonaĝachiyegui joñe'me Cristo mach'e Adejaliaĝanequi. Nataq'aen nach'e eta't aniyamaĝacheta't da'me a'uachiyegueta ena'uaque gaa'me jo'ne denataĝatapelegue da'me jo'ne adeuataqataĝanaĝaqui 'me joote ami uetauelo.


Qalaĝaja gaa'me jo'ne ja jayem 'te 'yamaqate'n, da'me lapaĝaguenataĝanaĝa'j ja yataqatelo'te, yauote jena'me jenjo' qa'a ch'e 'yoĝodenaĝayaqa nataq'aen jetaque yañodelegue joga'me qoyen yaviyaĝajet da'me jonetaue jana'me janjo' coñetaĝanaĝaiqui.


Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.


Uotaĝa auepíchitapega da'me ami ñachoĝodenaqatapegouelo qaedi qo'mi avichoĝodeñi, qalaĝaja ja naq'aeta. Qo'mi jouaqa'tot ñe'me Cristo, nataq'aen ñe'me Dios mach'e yayaten yema ga'me jo'ne ja'aĝataqatac. Ami qadaqaya'olqa, yema ga'me jo'ne joote je'etaq, ga'me joote jauoqo da'me ami yecochaĝalo, qaedi nichiquetajeguem da'me yataqachiñe auep'iiya'a ñe'me Cristo.


¡Yataqachiñe 'noota da'me Dios e'n ami totelo'te q'ae'n! Cha'li auec'achiñe ga'me chiyaqayi, naq'aeta da'me auaqanachichi da'me auayachiñe queda'me qaya'te yejamaĝataĝac, chayovida'a jayem aue'uoyilegue. Nach'e ena'am aualemataitac, nataq'aen at'oyiyapega ga'me jo'ne ami ualo'te ta'le 'uo da'me lamaic ta'le jayem auañiya, nataq'aen auauoyi ne'uaĝanaguec ga'me jo'ne ya'uo da'me ja no'en, yema da'me dojo' ami aualoĝoñi queda'me ja aualiquichiñe ga'me 'uo.


Chane'eja ja'ategueta nayi gaa'me jo'ne ja jayem 'te 'yamaqatetedac.


Qa'a da'me lajoĝo'j jogaa'me yaloĝo'n da'me yachitedac ga'me naqataĝacpi 'me qoyedelo'te naa'me lai'li. Da'me yotaua'n da'me mach'e letadenataĝanaĝa'j, naqaenaua mach'e lelnataĝaco yequemaqate't uotaĝa lelnataĝaco de'uolo'te jogaa'me.


Yenoĝodegue tres gaa'me noloqo'ote da'me joote uetede'edi, Pablo yiyaĝanalo ga'me toye's judiopi 'me neda'ña di'me Roma. Ca'li joote nalo'ta't, qama'le enaac: —Ami yaqaya'olqa, qaya'te gamachaqaega 'yonatac jo'ne nautena na'me qadayi judiopi uotaĝa ta'le ñautena da'me janaqa'ac 'me 'loyaĝa'j dia'me mach'e jachiyojoĝogueta. Taqaeue'ta, di'me Jerusalén jayem qoyanouelo jogaa'me Roma laje',


Ca'li nenaĝatedegue naa'me naajo' ñe'me Pablo da'me yedo'ogueta gaa'me naviyaqatagueco, Festo niyaĝajeguem: —¡Am jalaĝaic, Pablo! Yajouaĝat da'me am yapaelegue da'me anapaĝaguela't qama'le am jalaĝaic.


Qama'le ja'ategueta queda'me ja naeda'ac gaa'me jaliaĝanaqa jo'ne Roma laje' ta'le yala't gamachaqaega qom maliaĝa ja qoya'uo ga'me laviyaĝajet, ja dajoya'agueta ga'me naviyaqatoqo'tpi, qaedi yauo'oe gaa'me 'laqataqa jo'ne yedo'ogueta gaa'me naviyaqatagueco.


Pablo, da'me mach'e 'yaĝatetac, eetojo' gaa'me 'laqataqa jo'ne yedo'eta: —Qaya'te jenoĝon joga'me judiopi lamaĝajoĝonaĝac uotaĝa ga'me tamenaĝaiqui uotaĝa ñe'me jaliaĝanec jo'ne Roma le'ec.


Chane'eja ñe'me jaliaĝanec yatequenapega ñe'me Pablo qaedi doje, qama'le Pablo enaac: —Yataqachiñe 'uo da'me yiyamaĝadenataĝanaĝac ta'le ñenaĝatedegue ga'me jo'ne jedo'ogueta ga'me ñaviyaqatagueco da'me am jajoya'aguet, qa'a jayaten queda'me chiyoqo'tegueta qayoĝode' 'uoidi da'me am nec'atenoqo't jena'me jenjo' aleua.


Ua'edi Pablo yetaden queda'me uo'oe gaa'me saduceopi nataq'aen uo'oe gaa'me fariseopi. Chane'eja netenec ga'me 'laqatac da'me enaac: —Ami yaqaya'olqa, jayem fariseo jo'ne jayem amaqatenataĝanaĝaic da'me 'niyelaĝadijeguem gaa'me joote yele'u; nach'e ena'ama ñaa'me yet'al amaqatenataĝanaĝayaqa; qama'le nayi qonemitetaque ga'me yaviyaĝajet qa'a 'uo da'me yeuataqataĝanaĝac da'me 'niyelaĝadijeguem gaa'me te'me joote yele'u.


Pablo yelapegouelo joga'me jiyaĝadipi 'me p'ajodaye jo'ne netedaue ga'me nojaĝaiqui qama'le enaac: —Ami yaqaya'olqa, chayovida'a nayi da'me yiyamaqachiñe da'me yetadenataĝanaĝac jo'ne mach'e Dios yayaten.


Qalaĝaja uo'oe gaa'me 'me 'yaĝadetem da'me eeta da'me nemaĝac ñe'me Alejandro, qama'le naqaeñe qoyamaqauo qaedi dajoya'agueta yema ga'me jiyaĝadipi. Qanach'e ñe'me yajeguem na'me louaq da'me qaedi 'nemaĝadiñe q'ae'n ga'me jiyaĝadipi, qama'le jetaque 'yaĝate'tape ga'me judiopi da'me ja lajouaĝaje't da'me dojo'.


“Ami yaqaya'olqa jo'ne Abraham c'oqo'tepi, nataq'aen ami jo'ne ja at'achaqadiyena nataq'aen jo'ne at'oiyapega joñe'me Dios: jenjo' qo'yaĝatetac 'me nec'alaĝa mach'e qo'mi nelo'talo.


Qalaĝaja, auacoñiyeguet da'me ja diyachitapiyelo naa'me adai'lidi' da'me jach'e jogamaĝa anenaĝachiyegue qomle a'uaĝachi,


“Qom ami qoyauegouelo ga'me nemaĝaiqui, ami qoyajoĝona'agueta gaa'me jiyaĝadipi nec'atenoqo't nataq'aen jaliaĝanaqa, ena'te aviyechitac queda'me jach'e jogamaĝa at'ataĝaqui uotaĝa ga'me anenaĝachiyegue,


Swiv nou:

Piblisite


Piblisite