Hechos 21:11 - Nuevo Testamento Toba Sombrero Negro

¹¹ Mane'e da'me qo'mi yovitalo, naqat ga'me najataĝaiqui ñe'me Pablo, qama'le yecoñetec ñe'me naa'me loua' nataq'aen naa'me lapia'te, qama'le enaac: —Joñe'me Dios Lepaqal 'yaĝatetac joga'me judiopi jo'ne 'lachaqa't di'me Jerusalén queda'me naq'aeta da'me yecoñe't qomle ga'me loĝot jena'me jataĝaiqui, qama'le qoyanouelo qomle ga'me jiyaĝadipi jo'ne ja 'lachaqa'tena.

Nuevo Testamento Toba Sur

¹¹ Somayi qomi' namaqtegalo. Nachi somayi ÿacona so nsaataxaqui so Pablo, nachi maichi icoñiyiguilo naua lchil qataq naua lhua'q. Nachi 'enapeco': –So Espíritu Santo 'enapec da l'aqtaxanaxac yi cam judiopi mayi lma' yi Jerusalén nachi 'eetec qome de'eda ñim lalamaxat ne'ena saataxaqui da icoñi'. Ime, nachi ÿaneu'a na sa ishit da judiopi.

La'aqtaqa Ñim Lo'onatac 'Enauacna 2013

¹¹ Somaye qomi' namaqtegalo. Nache somaye ỹacona so nsaataxaqui so Pablo, nache maiche icoñiyiguilo naua lchel qataq naua lhua'q. Nache 'enapeco': –So Saqcha'a Na'añaxac Qui'itta 'enapec da la'aqtaxanaxac ye cam judiopi maye lma' ye Jerusalén, nache 'eetec qome de'era ñim lalamaxat ne'ena saataxaqui da icoñi'. Ime, nache ỹaneua'a na nta'alpi ye Roma.

Hechos 21:11 Referans Kwoze

Hechos 21:33

Chane'eja ñe'me coicopi lajoĝola' yec'ata ñe'me Pablo qama'le yecoñe' nataq'aen damaĝajoĝolegue qaedi qoyecoñeteque ga'me laicaual. Yem qama'le yachimaĝatec ga'me lenaĝat ñe'me, nataq'aen jach'e ga'me ya'uo ca'li.

Hechos 20:23

Nach'edata da'me jayaten queda'me yemeda gaa'me noyaqa jo'ne jec'atapegalo, ñe'me Dios Lepaqal jo'ne ja 'nalegue jayem 'yaĝatem queda'me jayem yeuatetaque da'me ñecoñetaguec nataq'aen jalcote da'me yachoĝodec qomle.

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

Hebreos 10:34

Qa'a da'me ami yataqata avichoĝodeñi' ca'li jogaa'me jo'ne netedaue jaga'me coñetaĝanaĝaiqui, nataq'aen da'me maliaĝa ami made'tape ca'li qodoĝotaĝaneque gaa'me adadiyamaqataqadi', qa'a auayachiñe da'me 'uo da'me adoĝochi laqaya jo'ne yaguegue da'me 'lonaĝac nataq'aen da'me nach'e eta't ja pal.

Hebreos 3:7

Chane'eja, auomachiiya nayi da'me 'laqatac joñe'me Dios Lepaqal jo'ne joote qoyediñe joca'li: “Nayi jenjo' nolo', qom auomachiiya da'me jo'ne Dios 'yaĝatetac,

2 Timoteo 2:9

Nach'ena jena'me jenjo' 'naqataĝanaĝac jayem qoyajouaĝatec, qama'le jayem qoyecoñedetac, qoyene'tem ta'le jayem etaĝaloĝoic. Qalaĝaja gaa'me 'laqataqa ñe'me Dios ja qoyaqanatet ta'le qoyecoñe't,

Efesios 6:20

Joñe'me Qadejaliaĝanec jayem yamaĝalegue ca'li jena'me jenjo' qaedi ja'aĝatetac jenjo' jo'ne 'lonataĝanaĝac, nach'ena jayem yajouaĝat nayi da'me male jayem qoyecoñedetac. Chane'eja anachoĝodeñiyot joñe'me Dios qaedi yataqata ya'uo ga'me 'yañaĝac, qaedi maliaĝa jequeta da'me ja'aĝa'tape naajo' 'naqataqa.

Efesios 4:1

Chane'eja jayem jo'ne jayem necoñetaejec nayi qa'a jouaĝat joñe'me Qadejaliaĝanec, male yataqata ami ñachoĝodenouelo, 'noota ta'le yataqata anechoĝodeñela't, qa'a naq'aeta da'me ami qoyiyaĝanalo ca'li, qaedi oviyaue jena'me jenjo' Dios lec'oqo'tepi.

Efesios 3:1

Jayem Pablo jo'ne jayem necoñetaejec jouaĝat da'me je'etetac da'me Jesucristo en 'yonatac da'me en jayem anapaĝaguenoqo't, da'me ami jo'ne ja ami 'te judiopi.

Hechos 28:25

Qama'le queda'me ja nalo'ta'ajalo jogaa'me, male queda'e. Pablo nach'edata da'me enaac: —Jodaa'me 'laqataqa ñe'me Dios Lepaqal da'me yojaĝanaĝan di'me Isaías ca'li yataqachiñe tachiguilo jodia'me adet'aldi' ca'li enaac:

Hechos 28:20

Chane'eja nach'eda dojo' jouaĝat da'me ami jiyaĝanalo, qaedi ami jauanalo nataq'aen ami jojapegue'to; qa'a nach'eda da'me qadeuataqataĝanaĝac, da'me qo'mi israelpi, jo'ne chiyaqayi da'me jayem qoyecoñedeta't nayi.

Hechos 28:17

Yenoĝodegue tres gaa'me noloqo'ote da'me joote uetede'edi, Pablo yiyaĝanalo ga'me toye's judiopi 'me neda'ña di'me Roma. Ca'li joote nalo'ta't, qama'le enaac: —Ami yaqaya'olqa, qaya'te gamachaqaega 'yonatac jo'ne nautena na'me qadayi judiopi uotaĝa ta'le ñautena da'me janaqa'ac 'me 'loyaĝa'j dia'me mach'e jachiyojoĝogueta. Taqaeue'ta, di'me Jerusalén jayem qoyanouelo jogaa'me Roma laje',

Hechos 26:29

Pablo enaac: —'Noota ta'le paja'a uotaĝa ja paja'a, ñe'me Dios 'yamaqaten da'me ja nach'edata da'me am, dite da'me nach'e ena'ama ena'uaque naa'me naajo' jo'ne jayem naquiaĝatapega nayi, ta'le yovideta da'me jayem aueñiya'am, mate mane'e ja ena'am ta'le anechiyayelo gaa'me coñetaĝanaqa'te.

Hechos 24:27

Yenoĝodegue dos 'uoidi da'me naq'aetec; ua'edi Félix yaĝanegue da'me lejaliaĝa, na'ña ga'me 'lachaqa' da'me tayi ñe'me Porcio Festo. Qama'le queda'me Félix jetaque nach'e eta't niyamaĝadenegueta joga'me judiopi, ñe'me Pablo nach'e yanetaue jaga'me coñetaĝanaĝaiqui.

Hechos 22:25

Qalaĝaja mane'e ca'li joote qoyecoñe' qaedi qoye'uaĝan, Pablo yachimaĝata ñe'me capitán jo'ne ue'tedi: —¿Qo'li auaqanachichi da'me anejaliaĝachilegue ga'me Roma le'ec qaedi a'uaĝañi, uoja'eda queda'me maliaĝa ja anemichiyaque ga'me laviyaĝajet?

Hechos 16:6

Qama'le ñe'me Dios Lepaqal ja yajeta ta'le qo'yaĝatetac da'me 'naqataĝanaĝac di'me aleua jo'ne Asia. Chane'eja male leuotedalegue di'me aleua jo'ne Frigia nataq'aen Galacia,

Hechos 13:2

'Uo jo'me nolo' ca'li cha'li yema'a't, 'nonaĝachidegue ñe'me Jaliaĝanec nataq'aen noqouaqatela'ajalo, qama'le ñe'me Dios Lepaqal t'aqataĝanema jogaa'me, enaac: “Aviyochiya'a ñe'me Bernabé nataq'aen Saulo qa'a 'uo ga'me jen 'lonata'j: qo'che' jiyaĝanalo.”

Hechos 9:16

Qa'a jaloĝona qomle queda'me jalcote da'me lachoĝodec qa'a jouaĝat da'me yenaĝat.”

Juan 18:1

Mane'e joca'li yem da'me lajelaĝanaĝac, qama'le ec ñe'me Jesús choqogaa'me lapaĝaguenataqa, dajotegue joga'me lajego joga'me noĝop ladic jo'ne c'amegue 'me lenaĝat Cedrón. Qa'a naqaedi 'me ua'ña jaga'me qop'adit jo'ne taue joñe'me Jesús choqogaa'me lapaĝaguenataqa.

Hechos 8:29

Joñe'me Dios Lepaqal 'taqataĝanem ñe'me Felipe: “Jamo, auec'ata janjo' nae't.”

Hechos 21:4

Jauanaĝalo ga'me p'etaqadaiquipi, qama'le jouaqatauelo jogaa'me siete jaa'me noloqo'ote. Joñe'me Dios Lepaqal yayatenaĝanaĝa'n ca'li jogaa'me, qama'le t'aqataĝatem ñe'me Pablo queda'me 'noota ta'le ja yec'ata di'me Jerusalén.

1 Timoteo 4:1

Qalaĝaja joñe'me Dios Lepaqal yataqata 'yaĝatetac queda'me naa'me naajo' p'atedegue noloqo'ote uo'oe jogaa'me nematec da'me lepe'e', qama'le equeguelo gaa'me nepaqa'li jo'ne qovinaĝanaĝayaqa, nataq'aen gaa'me napaĝaguenataĝanaĝaco jo'ne chiyoqo'oto ñaa'me payagodipi.