Hechos 20:4 - Nuevo Testamento Toba Sombrero Negro

⁴ Equegue ñe'me Sópatro, Berea le'ec, c'oĝot ñe'me Pirro, nataq'aen Aristarco choqoñe'me Segundo, Tesalónica le'ec, Gayo jo'ne Derbe le'ec, Timoteo, nach'e ena'am Tíquico nataq'aen Trófimo, jo'ne 'lachaqa't di'me aleua Asia.

Nuevo Testamento Toba Sur

⁴ Nachi nnaictagueto soua Sópatro lma' yi Berea, qataq so Aristarco qataq so Segundo mayi lma't yi Tesalónica, qataq so Gayo mayi lma' yi Derbe, qataq so Timoteo, nataq'en so Tíquico qataq Trófimo mayi chigoqda'ague da 'alhua Asia.

La'aqtaqa Ñim Lo'onatac 'Enauacna 2013

⁴ Nache nnaicapegue' so Sópater maye llalec so Pirro lma' ye nỹecpi Berea, qataq so Aristarco qataq so Segundo maye lma't ye nỹecpi ye Tesalónica, qataq so Gayo maye lma' ye nỹecpiolec Derbe, qataq so Timoteo, nataqa'en so Tíquico qataq Trófimo maye chegoqra'ague da 'alhua Asia.

Hechos 20:4 Referans Kwoze

Hechos 19:29

Chane'eja 'uo ca'li ga'me ja niyamaĝa yema ga'me noic. Qama'le qoyauaĝalegue ñe'me Gayo choqoñe'me Aristarco, dojolqa jiyaĝa'u jo'ne chiyoqoda'ña di'me Macedonia 'me naequetedapegue' ñe'me Pablo, nach'e ena'am qoyaueque'tape ga'me chayovida'a gaa'me neualaĝayaqa'.

2 Timoteo 4:20

Ñe'me Erasto ja nac quelqaya, ue'ta di'me Corinto; ñe'me Trófimo qamqa'me yeleuac quelqaya qama'le jepotan, ue'ta di'me noic Mileto.

Efesios 6:21

Nayi ami jamaĝalo na'me Tíquico, jenjo' qadaqaya jo'ne onaĝaicaloec, mach'e Qadejaliaĝanec lalemaĝajet jo'ne yataqatelegue. Jenjo' jo'ne ami yec'atalo male ami 'yaĝatema jo' qomle yema ga'me 'uo, joga'me eeta da'me ñejiyaĝauayaĝac nataq'aen joga'me je'etetac nayi.

Tito 3:12

Qom am jamaĝa ñe'me Artemas uotaĝa Tíquico, auepitaqatenac ta'le auec'ata di'me noic jo'ne Nicópolis qaedi jayem auana, qa'a jetaque joue'ta di'me qom naqaviaĝa.

2 Timoteo 4:12

Ñe'me Tíquico qamqa'me jamaĝa di'me noic Éfeso.

Colosenses 4:7

Ñe'me qadaqayolec Tíquico, yecochaĝaua jo'ne 'uañaĝaic nataq'aen nalo'taguet da'me t'onataĝaneuo'o ñe'me Jaliaĝanec, nach'eñe ami 'yaĝatema qomle ena'uaque daa'me yep'iquenataĝanaĝaco.

Hechos 21:29

Nenaĝatedegue dojo' qa'a joote yauata ca'li ñe'me Pablo ue'ta di'me noic da'me naequetapegue' ñe'me Trófimo jo'ne Éfeso le'ec, qama'le yepetedapega ca'li Pablo yauega ñe'me tamenaĝaiqui.

Hechos 16:1

Pablo yovita di'me Derbe nataq'aen Listra, nach'edi ua'a da'me uada'aguet ñe'me p'etaqadaic lenaĝat Timoteo, c'oĝot jañe'me yauo judía nataq'aen let'a ga'me griego,

Hechos 14:6

Qalaĝaja Pablo nataq'aen Bernabé, ca'li yayate'n da'me dojo', qama'le dajodegue, yec'adeta di'me Listra nataq'aen Derbe, noyaqa jo'ne neda'ña di'me Licaonia, nataq'aen yema di'me aleua ga'me nedalegue,

Colosenses 4:10

Aristarco, jo'ne ñecoñetaĝaua, ami yamaĝalo da'me lep'iyenataĝanaĝac, nach'e ena'am ñe'me Marcos 'me lanoqolec ñe'me Bernabé. Joote ami jaqateque da'me qom ami dejapichiyalo ñe'me Marcos, 'noota qom a'nonaĝachigui da'me aueloyiguet.

3 Juan 1:1

Jayem jo'ne jayem 'yaĝaicachigui, nayi jalcote da'me yamaic jo'ne am jamaĝa, am yaqaya Gayo, am jo'ne yataqachiñe eja da'me am joqopita.

Filemón 1:24

Nataq'aen lamai'j ñe'me Marcos, Aristarco, Demas choqoñe'me Lucas, jo'ne lecochita da'me 'yonataĝanaĝac.

2 Timoteo 1:2

Yamaic yitaĝa am janem, am Timoteo jo'ne ena'am ta'le am yalec 'me yataqata am joqopita. 'Noota qom Dios mach'e Qadet'a nataq'aen ñe'me Qadejaliaĝanec Jesucristo am yanema da'me anichoĝodenataguec choqoda'me anecochaguec nataq'aen da'me at'emaĝac.

1 Timoteo 1:1

Mach'e jayem Pablo, jayem Jesucristo lamaĝajec choqoda'me en jayem liquiyac joñe'me Dios qaedi ja'aĝa'tape jodaa'me lamaĝajoĝonaĝaco, jo'ne nach'eñe ca'li 'uaechiñe Qadec'alaĝaiqui choqoñe'me Cristo Jesús jo'ne mach'e naqaeñe jeuataqa'tac.

Filipenses 2:19

Yataqata jajo'ta joñe'me Qadet'a qaedi ja cop'a jo' qomle da'me ami jamaĝalo joñe'me Timoteo, qaedi ami jayate'n jo' qomle, qama'le yataqata jayem matac jo'.

2 Corintios 1:19

Qa'a Jesucristo, Lec'oĝot ñe'me Dios, nach'eñe jo'ne qo'yaĝatetac ca'li Silvano choqoñe'me Timoteo nataq'aen jayem jo'ne ami japaĝaguenaqatapeque, ja naqaeda ta'le “jaja'a” qama'te ua'edi paja'a enaac “aja'y.” Dios yanem ñe'me Cristo da'me nach'e eta't eja jo'ne ja yitaĝa yem,

2 Corintios 1:1

Jayem Pablo 'me jayem lamaĝajec ñe'me Cristo Jesús, qa'a naq'aeta da'me loequenataĝanaĝac ñe'me Dios. Ami jep'iye'tape nayi, nach'e ena'am ñe'me qadaqaya Timoteo, da'me ami qadaqaya' p'etaqadaiquipi jo'ne Dios lec'oqo'tolqa 'me oñiya'ña di'me Corinto, nataq'aen uoja'aegaua qadaqaya' 'me neda'ña di'me aleua jo'ne Acaya.

Romanos 16:23

Ami yep'iye'n ñe'me Gayo, jo'ne joue'ta jena'me 'lachaqa', nach'e ena'am yelo'ogueta nale ga'me p'etaqadaiquipi. Nach'e ena'am ami yep'iye'n ñe'me Erasto, yelolegue ga'me leuoyaĝac ga'me noic, nataq'aen ñe'me qadaqaya Cuarto.

Romanos 16:21

Timoteo ami yanema da'me lep'iyenataĝanaĝac, mach'e yecochaĝaua da'me qat'onataĝanaĝac; qama'le nach'e ena'am ñe'me Lucio, nataq'aen Jasón choqoñe'me Sosípatro, mach'e 'yachaqadiaĝa'u.

Hechos 27:2

Chane'eja jonaqañgui jaga'me licota jo'ne napi'ña di'me Adramitio, 'me yamta'le dajoyi di'me Asia. Nach'e ena'am qo'mi uetauelo ñe'me Aristarco, jo'ne Tesalónica le'ec, noic jo'ne na'ña di'me aleua Macedonia.

Hechos 17:1

Ga'me leuoĝo'j, Pablo nataq'aen Silas tadelegue di'me Anfípolis nataq'aen Apolonia, ua'edi yovideta di'me Tesalónica, nach'edi ua'a joga'me judiopi 'uo ga'me lemaĝaiqui'.

Hechos 14:20

Qalaĝaja ca'li ga'me p'etaqadaiquipi quedejop ñe'me Pablo, ñe'me ñijeguem ca'li, qama'le yitaĝa taue ga'me noic. Nete' laqaya qama'le ec, lequiaĝaua ñe'me Bernabé da'me dajotegue di'me Derbe.

Hechos 2:9

Ga'me jiyaĝadipi ueteda'a jenjo' chiyoqoda'alo di'me Partia, di'me Media, di'me Elam, di'me Mesopotamia, di'me Judea, di'me Capadocia, di'me Ponto, nataq'aen yema ga'me aleua di'me Asia,

Hechos 16:6

Qama'le ñe'me Dios Lepaqal ja yajeta ta'le qo'yaĝatetac da'me 'naqataĝanaĝac di'me aleua jo'ne Asia. Chane'eja male leuotedalegue di'me aleua jo'ne Frigia nataq'aen Galacia,

Hechos 17:13

Qalaĝaja ca'li gaa'me judiopi jo'ne 'lachaqa't di'me Tesalónica nomeda'a queda'me nach'e ena'am 'yaĝatetac da'me Dios 'laqataĝanaĝac di'me Berea qama'le tategue da'me daja', qama'le paja'a en jalilegue ga'me jiyaĝadipi nataq'aen 'ñemaĝachidiñe.

Hechos 20:16

Naq'aeta da'me qadeuoĝoc qa'a Pablo ja jetaque yaloĝoja ue'ta di'me Asia, ja jetaque yec'ata di'me Éfeso, qa'a jetaque paja'a yovita di'me Jerusalén, qom yataqata yaqanatet, qaedi ua'a di'me qom nolo' jo'ne Pentecostés.

Hechos 20:18

Ca'li yovi't qama'le enaac: —Da'me ami auayachiñe da'me eeta da'me 'yoyaĝac, chiyoqotelegue jo'me nolo' 'uaechiñe ca'li ñovita jena'me aleua jo'ne Asia.