Hechos 2:4 - Nuevo Testamento Toba Sombrero Negro

⁴ Qama'le yemeda jogaa'me yataqachiñe najaqachiguilo ñe'me Dios Lepaqal, nataq'aen paja'a yadenaĝa't gaa'me 'naqataqa laqaya', nach'e naq'aeta ga'me Dios Lepaqal yamaĝalo'te ta'le 'yaĝatetedac.

Nuevo Testamento Toba Sur

⁴ Nachi 'enauac somayipi ÿataqta nlaqchigui so Espíritu Santo. Huaña, nachi da'aqtaxanguilo naua ÿaqa'alo n'aqtaqa mayi chigoqo'oto so Espíritu.

La'aqtaqa Ñim Lo'onatac 'Enauacna 2013

⁴ Nache 'enauac somayepi ỹataqta nlaqchigui So Saqcha'a Na'añaxac Qui'itta. Huaña, nache da'aqtaxanguilo naua ỹaqa'alo na'aqtaqa maye chegoqo'oto Somaye.

Hechos 2:4 Referans Kwoze

Marcos 16:17

Nataq'aen naajo' nañoqotaĝanaĝaco ami naequetapegue'to nataq'aen yema gaa'me jo'ne p'iida'a, qaedi ami lecochigueta: queda'me yenaĝat auamaqayigui jogaa'me payagodipi lepaqa'li; auadenaĝachi' da'me dalaĝayaqa 'naqataqa;

Hechos 13:52

Qalaĝaja joga'me p'etaqadaiquipi yataqachiñe jalcote da'me lamai'j nataq'aen najaqachiguilo ñe'me Dios Lepaqal.

Hechos 4:31

Ca'li yem da'me netamenaĝa'j, qama'le yema deda ga'me ueteda'a da'me yema'a't; qama'le ena'uaque jogaa'me male najaqachiguilo ñe'me Dios Lepaqal 'me ja 'nalegue, qama'le 'uo da'me 'lañaĝa'j da'me 'yaĝa'tape jodaa'me Dios 'laqataqa.

Efesios 5:18

Ena'te ami taĝayaqa, qa'a gaa'me jo'ne jalcote da'me niyo'm male ja yayate'n joga'me yauote, dite da'me nach'e eta't anajeñe'teguet joñe'me Dios Lepaqal qaedi ami najaqachiguilo chayovida'a da'me ami yaloĝonalo yema joga'me auauoyi nale.

1 Corintios 12:10

Uo'oe ga'me jo'ne qoyanema da'me lañoqotaĝanaĝa'j qaedi yauote da'me lec'alaqataĝanaĝa'j; laqaya' qoyanema da'me lañoqotaĝanaĝa'j qaedi dapaĝaguenataĝatec da'me 'laqataĝanaĝac ñe'me Dios; uo'oe gaa'me qoyanema da'me lañoqotaĝanaĝa'j qaedi yateto'n jach'e jogamaĝa chiyoĝogue ga'me nepaqa'li 'me ja no'en nataq'aen jach'e jogamaĝa chiyoĝogue ñe'me Dios Lepaqal; uo'oe gaa'me qoyanema da'me lañoqotaĝanaĝa'j qaedi yadenaĝa't gaa'me 'naqataqa laqaya', nataq'aen laqaya' qoyanema da'me lañoqotaĝanaĝa'j qaedi doqotenaĝatec gaa'me 'naqataqa laqaya' jo'ne qonenaĝatedegue.

Juan 14:26

qalaĝaja ñe'me Necochaĝaua, ñe'me Dios Lepaqal jo'ne namaĝaquena qomle joñe'me Taĝadena', nach'eñe joote qoyanem da'me yañoqotaĝanaĝac qaedi ami yapaĝagueneque ena'uac naa'me naajo' uo'oe nataq'aen ami netouenaĝanaĝaneque yema da'me jo'ne joote ami ja'aĝatetapema.

Hechos 19:6

Qama'le ca'li Pablo yachalo'te naa'me loua' jogaa'me, nach'e ena'ama novida'ñalo ñe'me Dios Lepaqal, qama'le nenaĝatedegue gaa'me 'naqataqa laqaya', nataq'aen 'yaĝa'tape gaa'me chiyoqodijeguem 'me Dios 'laqataqa.

Hechos 10:46

qa'a domachiyalo da'me yadenaĝa't gaa'me 'naqataqa jo'ne 'yoda'alo qama'le 'nonaĝachidegue joñe'me Dios.

Hechos 9:17

Chane'eja Ananías yec'ata ga'me 'nachaqa' jo'ne ue'ta ñe'me Saulo. Mane'e da'me yenoĝoneuo, qama'le yachalo'te loua' joñe'me nataq'aen enaac: —Am yaqaya Saulo, ñe'me Jaliaĝanec Jesús, ñe'me jo'ne am naloĝoneguet jena'me adadic jo'ne auanaquetapegue' jayem namaĝaquena qaedi yitaĝa auanac nataq'aen am najaqachigui ñe'me Dios Lepaqal jo'ne ja 'nalegue.

Hechos 7:55

Qalaĝaja ñe'me, najaqachigui ñe'me Dios Lepaqal, yeloje'mec di'me piyem qama'le yauana da'me 'lonaĝac joñe'me Dios, nataq'aen Jesús nechateta'ña ga'me p'aye yayaten ñe'me Dios.

Hechos 1:5

Yataqachiñe eja queda'me Juan dachilaĝanataĝanec ga'me noĝop; qalaĝaja ja cop'a qama'le ami qonachilaĝaneque joñe'me Dios Lepaqal jo'ne ja 'nalegue.

1 Corintios 13:8

Da'me noqopich'i qaya'te loiquiaqa'; nach'e ena'am da'me uo'oe daa'me 'laqataĝanaĝaco ñe'me Dios, qalaĝaja yovita nale ga'me nolo' da'me male yenoĝodegue jogaa'me. Nach'e ena'am da'me uo'oe gaa'me 'naqataqa laqaya' 'me yoda'alo, qalaĝaja yovita ga'me nolo' nale ja yitaĝa qodomachiyalo. Nach'e ena'am 'uo da'me nayatenaĝanaĝac, qalaĝaja yovita da'me pal qomle.

1 Corintios 13:1

Qom jayaten ta'le jadenaĝa't daa'me 'laqataqa joga'me jiyaĝa'u nataq'aen daa'me 'laqataqa jogaa'me piyem laje', qalaĝaja qom qaya'te yoqopich'i, qama'le gaa'me 'yaqataqa qaya'te yelo'teguet, jena'am jaga'me qataqui, uotaĝa ga'me natoviaĝatajec jo'ne qoyatoviaĝan nale.

Hechos 13:9

Chane'eja Saulo, nach'e ena'am lenaĝat Pablo, najaqachigui ñe'me Dios Lepaqal, yataqachiñe yelochigui

Hechos 2:11

uo'oe gaa'me yataqachiñe judiopi jo'ne 'lachaqa't jena'me jenjo' nataq'aen gaa'me laqaya' ch'e tadoue ga'me lepe'e' jena'me judiopi. Nach'e ena'ama uo'oe gaa'me chiyoqoda'a di'me Creta nataq'aen Arabia. Qama'le ¡jomachaĝalo gaa'me mach'e qat'aqataqa da'me yadenaĝa't: 'yaĝate'tape joda'me p'ajodaye 'lonataqa joñe'me Dios!

Lucas 12:12

qa'a qom yovita ga'me laloqo' da'me auojeyi, ñe'me Dios Lepaqal ami yayatenaĝaneque ga'me jo'ne 'noota ta'le anenaĝachiyegue.”

1 Corintios 14:18

Ñetotapec ñe'me Dios queda'me qayoĝode' gaa'me 'naqataqa laqaya' jadenaĝa't, ena'uaque ami ñapacalo'te.

Romanos 15:13

'Noota qom ñe'me Dios 'me chiyaqayi da'me neuataqataĝanaĝac, ami nejaqachiguilo q'ae'n da'me ami made'tape, da'me 'nemaĝac ami uetauelo, ami jo'ne auep'iiya'a joñe'me. Nataq'aen ami yanema ga'me alidaq 'me najoĝonataĝanaĝac 'me chiyaqayi da'me 'lañaĝac ñe'me Lepaqal jo'ne ja 'nalegue.

Hechos 4:8

Chane'eja Pedro 'yategueta jogaa'me, najaqachigui ñe'me Dios Lepaqal, enaac: —Ami lejaliaĝanaqa ga'me noic nataq'aen 'yaĝaicachidipi:

Juan 20:22

Qama'le yepetetouelo jogaa'me, qama'le enaac: —¡Auacoñiyeguet joñe'me Dios Lepaqal!

Lucas 4:1

Jesús male najaqachigui joñe'me Dios Lepaqal, qama'le ca'e di'me ñache, qama'le ñe'me Dios Lepaqal yauegue ga'me aleua jo'ne totapega't da'me 'viyelaq.

1 Pedro 1:12

Qalaĝaja ñe'me Dios yayatenaĝanaĝaneque jogaa'me da'me ja naqaegaua ta'le loĝo't joda'me jo'ne 'yaĝatetedac, dite da'me naqa'ami jo'ne ami yapaĝague'n. Chane'eja gaa'me Dios 'laqataĝanaĝanaqa jo'ne joote ami yapaĝagueneque da'me 'laqataĝanaĝac joñe'me Dios, da'me chiyaqayi da'me lañoqotaĝanaĝac joñe'me Dios Lepaqal jo'ne uetayelo, naqaegaua jo'ne ami 'yaĝatema nayi da'me dojo' 'naqataĝanaĝac jo'ne chiyaqayi da'me nec'alaĝa. ¡Nach'eda da'me dojo' jo'ne jetaque yayate'n jogaa'me Dios lamaĝa's jo'ne piyem laje'!

1 Corintios 14:5

Mate mane'e jayem chiliajaĝa ena'uaque ami auadenaĝachi' gaa'me 'naqataqa laqaya', qalaĝaja jepaquetapega ta'le a'uaĝachetac da'me 'laqataĝanaĝac ñe'me Dios. Ga'me jo'ne 'yaĝatetac da'me 'laqataĝanaĝac ñe'me Dios, nach'ega p'ajaye; ga'me jo'ne yadenaĝa't naa'me 'naqataqa laqaya' ja p'ajaye, lama'aja qom qaya'te yaqanatet ta'le yechoĝo't ga'me yelo'tegueta naa'me 'naqataqa laqaya' 'me yadenaĝa't qaedi chiyaqayi ta'le p'etaqadaiquipi nichiquetedajeguem.

Hechos 11:15

Chane'eja ca'li ja'aqataĝatac, qama'le nac ñe'me Dios Lepaqal da'me ta'ñgueta yema ga'me jiyaĝadipi, ena'am da'me eeta ca'li yemta qo'mi qota'ñgueta.

Hechos 6:5

Ena'uaque jogaa'me niyamaĝadidiye da'me dojo', qama'le qo'yatetelegue ñe'me Esteban, jiyaĝaua jo'ne yataqatelegue da'me lepe'e nataq'aen najaqachigui ñe'me Dios Lepaqal jo'ne ja 'nalegue, choqoñe'me Felipe, ga'me Prócoro, ga'me Nicanor, ga'me Timón, ga'me Pármenas nataq'aen ñe'me Nicolás nach'eñe Antioquía le'ec jo'ne joca'li uetaue da'me lepe'e' ga'me judiopi.

Hechos 6:3

Chane'eja, ami yaqaya'olqa, aueloyapiye gaa'me siete jiyaĝa'u jo'ne qoyateto'n queda'me najaqachiguilo ñe'me Dios Lepaqal nataq'aen yatenaĝanaĝayaqa, qaedi jenaĝa yelodelegue da'me dojo' 'nonataĝanaĝac.

Hechos 1:8

Qalaĝaja, qom ñe'me Dios Lepaqal ami neda'ñalo, qama'le auacoñiyeguet qomle da'me adañoqotaĝanaĝaqui, nataq'aen jayem a'uaĝachetac, a'uaqataĝañetapema ga'me Jerusalén laje'pi, nataq'aen ena'uaque gaa'me neda'ña di'me Judea nataq'aen di'me Samaria, chayovida'alo gaa'me lael jena'me aleua jo'ne yataqachiñe qayada'aguelo.

Lucas 1:15

qa'a ga'me ac'oĝot qomle ñe'me Jaliaĝanec yataqachiñe en p'ajaye. Ja niyomigui ga'me lataĝa, uotaĝa ga'me jo'ne yataqachiñe chem 'me nequejegaĝat, nataq'aen yataqata najaqachigui joñe'me Dios Lepaqal qom maliaĝa ja niyiñe.

Efesios 6:18

Nach'e eta't anetameñetapecot joñe'me Dios; nale aviyaĝañiyot joñe'me, auomachii'ta joñe'me Lepaqal qaedi nach'eñe ami netamenaĝanaĝa'n. Ena'te ami lichiguilo qama'le auajelaĝañilo'te yema ga'me Dios lec'oqo'tepi.

Efesios 3:19

Laqaya da'me ñachoĝodenoqo't ñe'me Dios, 'noota qom maqachaĝa auayachiñe jena'me jenjo' loqopich'i joñe'me Cristo jo'ne yataqata t'adaic, mate mane'e da'me qo'mi jiyaĝa'u ja jaqanatetaq ta'le yataqata jayatenaq, qaedi male yema da'me ami qoyanema, chayovida'a da'me ami qoyemata'aque da'me lajoĝoc joñe'me Dios.

Hechos 11:24

Qa'a ñe'me Bernabé yataqachiñe onaĝaicaloec ca'li, nejaqachigui ñe'me Dios Lepaqal nataq'aen da'me lepe'e. Qama'le naq'aeta da'me jalcote ga'me jiyaĝadipi quetegue ñe'me Jaliaĝanec.

Hechos 6:8

Esteban, najaqachigui da'me 'lañaĝac nataq'aen da'me liyalaqataĝanaĝac ñe'me Dios, yauo'oe ga'me nañoqotaĝanaĝaco jo'ne qoyoqoye'ema nataq'aen 'nanaqa 'me yaloĝotapegalo ga'me noic.

Lucas 21:15

qa'a naqayem jo'ne ami janema qomle ga'me at'aqataqadi' jo'ne ami najaqachiguilo da'me adayatenaĝanaĝaqui, qama'le qaya'te gamachaqaega gaa'me ami nautenalo yaqanatet ta'le napogaĝadeneguet uotaĝa yaqanatet ta'le nautenaĝaneguet ga'me 'laqatac.

Lucas 1:67

Qama'le da'me maqachaĝa doje ñe'me Zacarías, jo'ne let'a ñe'me notolec, yataqachiñe nedaje'mec da'me lamaic qama'le ñe'me Dios Lepaqal cha'li yojaĝanaĝan, enaac:

Lucas 1:41

Mane'e ca'li Elisabet domachiya da'me lep'iyenataĝanaĝac jañe'me María, ga'tae'me notolec nedajeguem da'me uetaue ga'me lat'e lauel, qama'le jañe'me Elisabet najaqachigui joñe'me Dios Lepaqal.

Mateo 10:19

Qalaĝaja qom ami qoyauelo'te jogaa'me jaliaĝanaqa 'me p'ajodaye ena'te diyachiyelo naa'me adai'lidi' queda'me jach'e jogamaĝa anenaĝachiyegue qom a'uachiyegueta, qa'a qom yovita ga'me laloqo' da'me male 'uo ga'me adetaĝayaĝaqui qama'le Dios ami yanema naa'me at'aqataqadi'.

2 Pedro 1:21

Qa'a jogaa'me Dios 'laqataĝanaĝanaqa jo'ne uo'oe joca'li ja 'yaĝatetedac da'me jo'ne chiyaqayi da'me mach'e lelnataĝa'j, dite da'me nach'egaua joca'li jogaa'me paĝaguenataĝanaĝayaqa jo'ne quetegue joñe'me Dios, qama'le nach'eñe ñe'me Dios Lepaqal da'me yojaĝanaĝa'n.

Hechos 2:3

Qama'le ena'uaque jogaa'me, onolqa'tape netelo'te naa'me laqai'go ga'me dole' 'me ena'am ga'me nachaĝat.

Hechos 8:17

Chane'eja Pedro nataq'aen Juan yachalo'te naa'me loua' da'me netamelo'te, qama'le naq'aeta da'me yacoteguet ñe'me Dios Lepaqal.

Hechos 10:47

Chane'eja Pedro enaac: —¿Jeele qoyaqanatet ta'le ja qonajenegueta da'me nach'e ena'am qonachilaĝa'n naajo' jiyaĝa'u jo'ne male yacoteguet ñe'me Dios Lepaqal, nach'e naq'aeta da'me qo'mi?

Hechos 15:8

Qama'le Dios, jo'ne yateton na'me nauel, yaloĝonalo queda'me yaconegueta jogaa'me ca'li yanema joñe'me Lepaqal 'me ja 'nalegue, nach'e naq'aeta ca'li da'me qo'mi.