Hechos 2:3 - Nuevo Testamento Toba Sombrero Negro

³ Qama'le ena'uaque jogaa'me, onolqa'tape netelo'te naa'me laqai'go ga'me dole' 'me ena'am ga'me nachaĝat.

Nuevo Testamento Toba Sur

³ Huaña, nachi yi'oq so nachaxatpi, 'eeta'am na nodec l'edaxa, nachi se'eso nachaxatpi talec ñi 'oonolec somayipi.

La'aqtaqa Ñim Lo'onatac 'Enauacna 2013

³ Huaña, nache qaila'a so 'eeta'am na le'eraxa na norec, da netalec ñi 'oonolec somayepi.

Hechos 2:3 Referans Kwoze

Mateo 3:11

“Eja queda'me jayem male ami ñachilaĝañilo ga'me noĝop queda'me ami ñepoda'tape qaedi a'viyelaqaiyot joñe'me Dios; qalaĝaja ñe'me jo'ne novi' qomle jayem najoyalegue jo'ne jayem napacalegue, qama'le ja jalo'taguet da'me ch'e yechequetelegue ta'le jachi'y gaa'me lapela'te. Nach'eñe ami nachilaĝaneque qom'te joñe'me Dios Lepaqal nataq'aen ga'me dole'.

Hechos 2:4

Qama'le yemeda jogaa'me yataqachiñe najaqachiguilo ñe'me Dios Lepaqal, nataq'aen paja'a yadenaĝa't gaa'me 'naqataqa laqaya', nach'e naq'aeta ga'me Dios Lepaqal yamaĝalo'te ta'le 'yaĝatetedac.

Lucas 24:32

Qama'le jogaa'me enapega't: —¿Qo'li ja eja da'me ma'te janomaĝaguet da'me nep'idijeguem naa'me qadauel da'me cha'li qo'mi dojetapegue'to jena'me qadadic nataq'aen da'me qo'mi noqotetapeque daa'me nedii's?

Apocalipsis 14:6

Yem qama'le jauana jo'me piyem le'ec laqaya da'me uayotapelegue di'me piyem laeñi, jo'ne yachitac da'me 'naqataĝanaĝac jo'ne nach'e eta't ja pal, qaedi 'yaĝatema yema joga'me jiyaĝadipi jo'ne neteda'ña jena'me aleua, jo'ne yodapecache naa'me 'laqataqa nataq'aen jogaa'me noyaqa choqogaa'me neqomyaĝaco.

1 Corintios 12:10

Uo'oe ga'me jo'ne qoyanema da'me lañoqotaĝanaĝa'j qaedi yauote da'me lec'alaqataĝanaĝa'j; laqaya' qoyanema da'me lañoqotaĝanaĝa'j qaedi dapaĝaguenataĝatec da'me 'laqataĝanaĝac ñe'me Dios; uo'oe gaa'me qoyanema da'me lañoqotaĝanaĝa'j qaedi yateto'n jach'e jogamaĝa chiyoĝogue ga'me nepaqa'li 'me ja no'en nataq'aen jach'e jogamaĝa chiyoĝogue ñe'me Dios Lepaqal; uo'oe gaa'me qoyanema da'me lañoqotaĝanaĝa'j qaedi yadenaĝa't gaa'me 'naqataqa laqaya', nataq'aen laqaya' qoyanema da'me lañoqotaĝanaĝa'j qaedi doqotenaĝatec gaa'me 'naqataqa laqaya' jo'ne qonenaĝatedegue.

Hechos 2:11

uo'oe gaa'me yataqachiñe judiopi jo'ne 'lachaqa't jena'me jenjo' nataq'aen gaa'me laqaya' ch'e tadoue ga'me lepe'e' jena'me judiopi. Nach'e ena'ama uo'oe gaa'me chiyoqoda'a di'me Creta nataq'aen Arabia. Qama'le ¡jomachaĝalo gaa'me mach'e qat'aqataqa da'me yadenaĝa't: 'yaĝate'tape joda'me p'ajodaye 'lonataqa joñe'me Dios!

Mateo 3:15

Jesús 'yateguet: —Cha'li auomachi'ta da'me dojo' nayi, qa'a chimaqachiñe da'me qolaqa'tegue ga'me Dios damaĝajoĝolegue. Chane'eja Juan male domachi'ta.

Apocalipsis 11:3

Qama'le jamaĝalo'te qomle gaa'me dos 'yaqataĝanaĝanaqa jo'ne uo'oe gaa'me louo jo'ne napidalo'te, qaedi 'yaĝatetedac na'me 'yaqataĝanaĝac chayovida'a qom nalo'taguet da'me mil doscientos sesenta naa'me noloqo'ote.”

Santiago 3:6

Nataq'aen jena'me qadachaĝat, nach'ena jo'ne dole'. Jena'me jo'ne ja no'en joda'me 'lonatac 'me nayi qoyen joda'me qanejiyaĝauayaĝac, qama'le 'naĝat yema na'me qadapat nataq'aen en edañgui joda'me qanejiyaĝauayaĝac. Qaya'te loiquiaqa' joda'me lauaqayaĝac joga'me dole', qa'a nach'edi di'me payac 'lachaqa' jo'ne en edañgui.

Hechos 1:15

'Uo ga'me ua'a ca'li yenoĝodegue gaa'me noloqo'ote, Pedro ñijeguem ca'li uañe laeñi jogaa'me laqaya'olqa jo'ne yema'a't, nach'egaua nalo'taguet ciento veinte ga'me jiyaĝadipi, qama'le enaac:

Hechos 2:2

Qampaja'a qaale, 'uo ga'me 'noĝoyaĝac jo'ne chiyoĝogue di'me piyem, ena'am ga'me layat qom vichaĝaguet, yema en t'oqo ga'me emec jo'ne uetedaue jogaa'me.