Hechos 2:22 - Nuevo Testamento Toba Sombrero Negro

²² “Chane'eja, ami jo'ne israelpi, yataqachiñe anaquiaĝañiya da'me ami ja'aĝatema: queda'me joote auayachiñe jo'ne Dios ami yaloĝonalo ca'li da'me lañoqotaĝanaĝac ñe'me Jesús jo'ne Nazaret le'ec, nach'eñe en na'yalo da'me yaloĝo'n gaa'me p'ajodaye li'yoĝodico, gaa'me lañoqotaĝanaĝaco nataq'aen 'nanaqa jo'ne yauo'oe.

Nuevo Testamento Toba Sur

²² Qaq ÿoqo'oyi qami' Israel llalaqpi, qan'axaÿaxañiÿa da i'aqtac, 'eeta': So Jesús mayi Nazaret l'ec, somayi ÿataqta qaÿaÿateeta da 'eesa lamaxashic ñi Dios. Qaq qami' qauauañiichigui co'ollaq somayi i'ot nam i'ot na n'aalaxa qataq nam sa qaÿauanapega qataq nam n'anecpi mayi qami' huanguilo da i'ot naq'en somayi ñi Dios. Qaq qami' mashi sogote da qauaÿajñiita damayi.

La'aqtaqa Ñim Lo'onatac 'Enauacna 2013

²² Qaq ỹoqo'oye qami' Israel le'ecpi, qana'axaỹaxañiỹa da ỹa'aqtac, 'eeta': So Jesús maye Nazaret le'ec, Somaye ỹataqta qaỹaỹateeta da 'eesa lamaxashec Ñim Lo'onatac 'Enauacna. Qaq qami' qauauañiichigui co'ollaq Somaye ỹo'ot nam ỹo'ot da na'aalaxa qataq nam sa qaỹauanapega qataq nam na'anecpi maye qami' huanguilo da ỹo'ot naqa'en Somaye Ñim Lo'onatac 'Enauacna. Qaq qami' mashe sogote da qauaỹaañita damaye.

Hechos 2:22 Referans Kwoze

Juan 3:2

Nach'eñe jo'ne yec'ata ñe'me Jesús ca'li pi'yaq qama'le enaac: —Am paĝaguenataĝanaĝaic, jayatenaq queda'me am namaĝaquena joñe'me Dios qaedi qo'mi auapaĝague'n, qa'a qom Dios ja uetaue ga'me jiyaĝaua qama'le ja yaqanatet ta'le ya'uo ga'me di'yoq jo'ne laloĝonataĝanaĝac 'me ena'am da'me aua'uo.

Hechos 4:10

Chane'eja, ena'uaque ami jechoĝotaqateque nataq'aen ena'uaque ga'me israelpi, queda'me dojo' jiyaĝaua 'me ami dajo'tegueta, nach'eda da'me lañoqotaĝanaĝac ñe'me Jesucristo jo'ne en yemegue q'aen, nach'eñe ñe'me Jesús jo'ne Nazaret le'ec, ñe'me jo'ne auep'eñiyajeguem ca'li, qalaĝaja ñe'me Dios yitaĝa 'niyelaĝachijeguem joñe'me.

Lucas 11:20

Qalaĝaja qom da'me yañoqotaĝanaĝac ta'le jamaĝadegue gaa'me payagodipi chiyaqayi louaq joñe'me Dios, qama'le dojo' yelo'teguet queda'me lejaliaĝa ñe'me Dios joote ami novitalo.

Mateo 12:28

Qom naqaeñe ñe'me Dios Lepaqal 'me ja 'nalegue jedolegue da'me jamaĝadegue joga'me payagodipi qama'le nach'eda yelo'teguet queda'me joote ami uetauelo joda'me lejaliaĝa jodi'me piyem.

Mateo 9:8

Ca'li yauata da'me dojo', yataqachiñe t'oi'y ga'me jiyaĝadipi, qama'le 'nonaĝachidegue joñe'me Dios queda'me yaloĝonouelo da'me lañoqotaĝanaĝac joga'me jiyaĝadipi.

Hebreos 2:4

Joñe'me Dios nach'e ena'am yauo'oe gaa'me 'lanaqa jo'ne qo'mi naloĝolo'te, gaa'me 'lanaqa onaĝayaqa choqoda'me ye't daa'me ja di'yo't nach'e ena'am da'me jalcote ja qoyauanalo, qama'le ñe'me Dios Lepaqal male qo'mi yanema gaa'me nañoqotaĝanaĝaco jo'ne yodapecache, qa'a nach'e naq'aeta da'me dojo' jo'ne mach'e 'lamaqatenataĝanaĝac joñe'me.

2 Corintios 12:12

Ga'me yachoĝodeco ñapogaĝadetegueta da'me ami jouetauelo, gaa'me di'yo't nañoqotaĝanaĝaco 'me ja qoyauanapegalo, nataq'aen gaa'me uo'oe jo'ne 'uo da'me 'lonaĝa'j jo'ne je't 'me chiyoqodayi da'me lañoqotaĝanaĝac ñe'me Dios, nach'edaua di'yoq q'ae'n da'me jayem yataqatelegue lamaĝajec ñe'me Jesús.

Hechos 26:26

Ñejo' ñe'me jaliaĝanec Agripa, jo'ne yataqachiñe yayate'n naa'me naajo' uo'oe. Qo'che' jayotelegue da'me yojaĝac da'me jajoya'aguet ñe'me; qa'a jeetapega nach'e ena'am ñe'me yayaten yema da'me dojo', queda'me ja naqaegaua uo'oe jo'ne ja qoyayaten ga'me qochiyoĝota'ña.

Hechos 26:9

“Mach'e jayem ca'li da'me jeetapega 'noota da'me qayoĝode' gaa'me jauo'oe jo'ne ñautena ñe'me Jesús jo'ne Nazaret le'ec,

Hechos 24:5

Jauanaĝa jena'me jenjo' jiyaĝaua queda'me yataqachiñe aĝanataĝanaĝaic, nataq'aen yemeda naa'me ale'u laqaya' en nelagaĝa joga'me judiopi, nataq'aen nach'ena jo'ne laqaic da'me lepe'e' joga'me nazarenopi.

Hechos 22:8

Jachimaĝata: «¿Jach'e am, Jaliaĝanec?» Qama'le ga'me nejamaĝa jayem 'yateguet: «Mach'e jayem Jesús jo'ne Nazaret le'ec, nach'eñe jo'ne am auecaatac.»

Hechos 21:28

niyaĝatedapejeguem: “¡Ami israelpi, qo'mi alecochiiyalo! Naqaena jena'me jenjo' jiyaĝaua jo'ne ja onolec ga'me ua'a dapaĝaguenataĝatapec ga'me jo'ne nautena ga'me qadayi, nautenalo gaa'me namaĝajoĝonaĝaco jo'ne chiyoqodo'ot ñe'me Moisés nataq'aen nautena jena'me jenjo' qanetamenaĝaiqui. Uoja'eda, nayi uo'oe ga'me griegopi jo'ne yenoĝonaqatede'uo na'me tamenaĝaiqui, en paĝachigui q'aen ga'me chalataqa' 'me ja 'nalegue.”

Hechos 14:27

Ca'li yovideta di'me Antioquía, yemata'a'ajalo gaa'me jo'ne 'uo da'me lepe'e' qama'le 'yaĝatetapema ena'uaque gaa'me p'ajodaye uo'oe 'me Dios 'yetaĝanaĝaneque ca'li jogaa'me, nataq'aen da'me eeta ca'li ñe'me Jaliaĝanec ya'uo ladiideuo joga'me jo'ne ja judiopi, nach'e ena'am jogaa'me p'iida'a.

Hechos 13:16

Chane'eja Pablo ñijeguem, nodegue ga'me louaq da'me en tochiñe, enaac: —Ami jo'ne Israel laje', jayem anaquiaĝañiya, nataq'aen ami jo'ne ja at'achaqadiyena jo'ne adoqopichiya ñe'me Dios.

Hechos 6:14

Jomachaĝa da'me 'yaĝatetac ga'me Jesús Nazaret le'ec, da'me enaac nejoyiñe qomle ga'me tamenaĝaiqui, nataq'aen da'me janaqa'ac qat'oyaĝac jo'ne Moisés qo'mi yepotanegueta yadalaĝat qomle.

Hechos 5:35

Yem qama'le enapegalo gaa'me jaliaĝanaqa laqaya': —Ami Israel c'oqo'tepi, 'noota qom achiya'aguet ga'me jo'ne a'vichiyeque naa'me naajo' jiyaĝa'u.

Hechos 3:12

Pedro ca'li yauana da'me dojo' qama'le enaac: “Ami Israel c'oqo'tepi, ¿toqoch'e auoqochetapeguem da'me dojo'? ¿Toqoch'e qo'mi auelochiguilo? Qa'a ja mach'e qo'mi da'me jenaĝa yemegue jenjo' jiyaĝaua; ja jaqanatetaq ta'le je'etaĝac da'me male yeuotac da'me jedoĝolegue ga'me mach'e qadañoqotaĝanaĝac uotaĝa ga'me qadepi'iyaĝac.

Juan 19:19

Pilato ya'uo ga'me ledaĝanaĝala' jo'ne yachalegue ga'me lediijec jo'ne eetac: «Jesús Nazaret le'ec, Lejaliaĝane'j joga'me judiopi», nataq'aen da'me damaĝajoĝolegue qaedi qoyanaye jaga'me sodoso.

Juan 15:24

Te'me qaya'te ta'le laviyaĝajet, ta'le ja jauo'oe naa'me jo'ne ja yaqanate't ta'le yauo'oe jogaa'me jiyaĝa'u laqaya'. Qalaĝaja da'me joote yauata jenjo' 'uo, qama'le jayem niquiyata nataq'aen niquiyata ñe'me Taĝadena'.

Juan 12:17

Qama'le ga'me jiyaĝadipi jo'ne ueteda'ajop ñe'me Jesús joca'li nec'alaĝadijeguem ñe'me Lázaro, da'me yiyaĝaneuo joca'li uetaue jaga'me napa'l lae't, joga'me jiyaĝadipi male 'yaĝatetedac da'me jo'ne yauata ca'li.

Juan 11:47

Chane'eja joga'me fariseopi choqogaa'me lejaliaĝanaqa gaa'me tamenaĝaiqui lo'ol yemata'a't yema jogaa'me najoĝola'te, qama'le dojapega't, enapega't: —¿Jach'e ga'me jauoqo? Qa'a jojo' jiyaĝaua en di'yo't qayoĝode' gaa'me 'nanaqa.

Juan 10:37

Ta'le ja ja'uo na'me 'lonataĝanaĝac ñe'me Taĝadena', ena'te jayem auep'iiya'a.

Juan 9:33

Chane'eja jena'me jenjo' ta'le ja chiyaqaje'ma ñe'me Dios qama'le ja yaqanatet ta'le 'uo ga'me ye'et.

Juan 7:31

Chane'eja jalcote gaa'me jiyaĝadipi jo'ne 'uo da'me 'lamaqatenataĝanaĝac joñe'me qama'le enapega't: —Ga'me Dios Liquiyac, qom novi', ¿qo'li yauo'oe qayoĝode' gaa'me 'nanaqa 'me yaloĝo'n ta'le napacalegue da'me dojo' jiyaĝaua?

Juan 6:27

Da'me ami, a'uonataĝañi, qalaĝaja ja a'uonataĝañetapiye ga'me nalic jo'ne di'yoq, dite ga'me niqui'yaĝat jo'ne nach'e eta't 'uo, 'me chiyaqayi da'me 'nec'alaĝa jo'ne qaya'te loiquiaqa', da'me jo'ne janegue, da'me jayem jo'ne jayem Jiyaĝaua Lec'oĝot, naqayem jo'ne jayem daloĝonataĝana ñe'me Qadet'a Dios, queda'me naqayem jo'ne jayem 'yamaqaten.

Juan 6:14

Joga'me jiyaĝadipi, mane'e da'me yauata da'me dojo' di'yoq q'aen jo'ne 'nanec 'me ya'uo ñe'me Jesús, qama'le enapega't: —Jenjo' jo'ne nach'ena 'me yataqatelegue 'laqataĝanaĝanec ñe'me Dios, nach'eñe jo'ne qo'yaĝat ca'li da'me nec'achi'ña jena'me aleua.

Juan 5:36

Qalaĝaja 'uo da'me 'naqataĝanaĝac jo'ne yataqachiñe napacalegue da'me 'laqataĝanaĝac ñe'me Juan, nach'eda da'me jo'ne ja'uo; joda'me jo'ne ñe'me Qadet'a jayem nachoĝonaĝanec qaedi je'et, qama'le da'me dojo' jo'ne auañiya yechoĝot da'me yataqatelegue da'me jayem namaĝaquena ñe'me Qadet'a.

Juan 4:48

Qama'le ñe'me Jesús enaac, enapega joñe'me: —¡Ami jo'ne ja jayem 'te auep'iiya'a qom ja auañiyalo jogaa'me 'nanaqa choqogaa'me naloĝonataĝanaĝaco jo'ne di'yo't!

Juan 1:45

Qama'le Felipe yauana ñe'me Natanael qama'le enaac: —Qo'mi joote jauanaĝa ñe'me jo'ne qo'yaĝatetac ca'li yediñe naa'me nedii's ñe'me Moisés nataq'aen gaa'me Dios 'laqataĝanaĝanaqa. Nach'eñe jo'ne Jesús, Nazaret le'ec 'me c'oĝot ñe'me José.

Lucas 24:18

qama'le onolec ga'me jo'ne lenaĝat Cleofás 'yateguet: —¿Qo'li nach'e am da'me auachiyaqa'ña di'me Jerusalén qama'te ja auayaten ga'me 'uo ca'li jaajo' tres noloqo'ote 'me yenoĝodegue?

Mateo 2:23

Ca'li yovi't, yec'ata di'me noicolec jo'ne Nazaret qaedi na'ña. Naq'aeta da'me dojo' 'uo ca'li qaedi yepaquichigui ga'me jo'ne joote 'yaĝatetedac ca'li gaa'me Dios 'laqataĝanaĝanaqa queda'me Jesús qoyiyaĝanaĝatapec Nazaret le'ec qomle.

Hechos 2:19

Yataqachiñe 'uo da'me li'yoĝodi'j gaa'me jaloĝo'n qom'te, Jaga'me netauo', ga'me dole' chaqaga'me nemala', 'Me uedalegue di'me piyem, Jo'ne nalalegue jena'me aleua.

Hechos 2:43

Ena'uaque jalcote da'me qoyoqoch'em jouaĝa't gaa'me p'ajodaye lañoqotaĝanaĝaco 'me qoyauanalo nataq'aen 'nanaqa jo'ne Dios yauo'oe 'me en na'yalo gaa'me namaĝa's.

Hechos 3:6

Qalaĝaja Pedro enaac: —Qaga'te ñaicaua, qalaĝaja ga'me jo'ne jayem ue'tajop am janem. Ñe'me Jesucristo 'me Nazaret le'ec joote jayem yanem da'me lañoqotaĝanaĝac qaedi am jenapega nayi: ¡oñijeguem nataq'aen auapiyeñi!

Lucas 18:37

Jogaa'me t'aqataĝatem queda'me Jesús jo'ne Nazaret le'ec ta'ya di'me ue'ta,