Hechos 2:11 - Nuevo Testamento Toba Sombrero Negro

¹¹ uo'oe gaa'me yataqachiñe judiopi jo'ne 'lachaqa't jena'me jenjo' nataq'aen gaa'me laqaya' ch'e tadoue ga'me lepe'e' jena'me judiopi. Nach'e ena'ama uo'oe gaa'me chiyoqoda'a di'me Creta nataq'aen Arabia. Qama'le ¡jomachaĝalo gaa'me mach'e qat'aqataqa da'me yadenaĝa't: 'yaĝate'tape joda'me p'ajodaye 'lonataqa joñe'me Dios!

Nuevo Testamento Toba Sur

¹¹ Qataq huo'o nataq'en na chigaqa'ague da Creta, qataq da Arabia. Qalaxayi 'enauac da shinaqta sa'axasoqtega da qai'axattac na qaica ca 'en'am i'otpi ñi Dios, da qai'aqtaxaatapoiguilo naua maichi qad'aqtaqa.

La'aqtaqa Ñim Lo'onatac 'Enauacna 2013

¹¹ Qataq huo'o nataqa'en na chegaqa'ata añi ỹaqa'ata 'alhuole le'enaxat Creta, qataq huo'o na chegaqa'a ye 'alhua Arabia. Qalaxaye 'enauac da shenaqta sa'axasoqtega da qaỹa'axattac nam qaica ca 'ena'am ỹo'otpi Ñim Lo'onatac 'Enauacna da qaỹa'aqtaxaatapoiguilo naua maiche qara'aqtaqa.

Hechos 2:11 Referans Kwoze

1 Corintios 12:10

Uo'oe ga'me jo'ne qoyanema da'me lañoqotaĝanaĝa'j qaedi yauote da'me lec'alaqataĝanaĝa'j; laqaya' qoyanema da'me lañoqotaĝanaĝa'j qaedi dapaĝaguenataĝatec da'me 'laqataĝanaĝac ñe'me Dios; uo'oe gaa'me qoyanema da'me lañoqotaĝanaĝa'j qaedi yateto'n jach'e jogamaĝa chiyoĝogue ga'me nepaqa'li 'me ja no'en nataq'aen jach'e jogamaĝa chiyoĝogue ñe'me Dios Lepaqal; uo'oe gaa'me qoyanema da'me lañoqotaĝanaĝa'j qaedi yadenaĝa't gaa'me 'naqataqa laqaya', nataq'aen laqaya' qoyanema da'me lañoqotaĝanaĝa'j qaedi doqotenaĝatec gaa'me 'naqataqa laqaya' jo'ne qonenaĝatedegue.

Hebreos 2:4

Joñe'me Dios nach'e ena'am yauo'oe gaa'me 'lanaqa jo'ne qo'mi naloĝolo'te, gaa'me 'lanaqa onaĝayaqa choqoda'me ye't daa'me ja di'yo't nach'e ena'am da'me jalcote ja qoyauanalo, qama'le ñe'me Dios Lepaqal male qo'mi yanema gaa'me nañoqotaĝanaĝaco jo'ne yodapecache, qa'a nach'e naq'aeta da'me dojo' jo'ne mach'e 'lamaqatenataĝanaĝac joñe'me.

Tito 1:12

'Uo ñe'me Creta le'ec 'me aqataĝanaĝaic jo'ne 'yaĝa'tape gaa'me mach'e layi: “Qo'mi Creta laje' nach'eda da'me qo'mi qovinaĝanaĝaiquipi, jenaqa'ama gaa'me yejidipi, qo'mi choĝolaĝayaqa choqoda'me qo'mi qui'yaĝayaqa.”

Tito 1:5

Qo'che' am jepota'ña ca'li di'me Creta: qaedi aviyamaĝachiñe ga'me jo'ne maliaĝa ja je'etaq, nataq'aen qaedi yemeda gaa'me noyaqa aviyaĝanalo gaa'me 'yaĝaicachidipi jo'ne niquiyaqa qaedi yelolo'te gaa'me p'etaqadaiquipi; ga'me jo'ne joote am japaĝaguenec nach'eda a'uetec qomle.

Hechos 27:12

Qama'le ga'me napi'ña jana'me licota ja 'noota cha'li qoue'ta qom naqaviaĝa, ena'uaque joga'me lelnataĝa'j da'me queda'ae joga'me qama'le napiyela'ajalo yec'adeta di'me Fenice, napi'ña jana'me licota di'me Creta jo'ne dajo'tegue ga'me laqaua't jena'me chaje'ma nataq'aen chaĝajo'ma, qama'le ueteda'a ga'me naqaviaĝa.

Hechos 27:7

Qayoĝode' gaa'me noloqo'ote da'me ja enegue da'me qadeuoĝoc, nataq'aen jalcote da'me qat'onataĝanaĝac da'me jovita ga'me loogue di'me Cnido, qama'le queda'me maliaĝa jajoqo'teguet ga'me layat, jaĝa'ya ga'me dajoya'ya di'me Salmona qolaĝajop jañe'me nepe jo'ne Creta;

Gálatas 4:25

Ga'me qajoĝonaĝa Sinaí, jo'ne ua'a di'me Arabia, laloĝoqui qoyen ga'me noic Jerusalén, nataq'aen ena'uaque gaa'me neda'ña ena'am ta'le namaĝajoĝonaĝaco lelataqapi.

Gálatas 1:17

uotaĝa ta'le jec'ata di'me Jerusalén qaedi jiyaĝanaque ga'me lelnataĝa'j gaa'me jo'ne joote namaĝa's. Ja naq'aeta, dite da'me paja'a jec'ata di'me aleua jo'ne Arabia; ca'li ji'iyelaq male jec'ata di'me noic jo'ne Damasco.

1 Corintios 12:28

Qama'le Dios yanema onolqa'tape ga'me mach'e 'lonataĝanaĝa'j q'ae'n: 'uaeñe uo'oe gaa'me yanema da'me qaedi namaĝa's, laqaya' yanema da'me qaedi aqataĝanaĝayaqa, laqaya' yanema da'me qaedi paĝaguenataĝanaĝayaqa, laqaya' yanema da'me lañoqotaĝanaĝa'j qaedi yaloĝo'n ga'me ja qoyauanapega, laqaya' yanema da'me lañoqotaĝanaĝa'j qaedi yemedegue q'ae'n joga'me leuaĝayaqa, laqaya' qoyayatenaĝaneque da'me qaedi lecochiyalo jogaa'me jo'ne 'uo da'me louenaĝanaĝa'j, laqaya' qoyanema da'me qaedi dauegaqataĝana'ape, uo'oe gaa'me qoyanema da'me qaedi yadenaĝa't da'me 'naqataqa laqaya'.

Hechos 2:10

di'me Frigia nataq'aen di'me Panfilia nataq'aen di'me Egipto nataq'aen ena'uaque gaa'me ale'u di'me Libia yauoqoda'a di'me noic jo'ne Cirene. Nach'e ena'am 'uo ga'me jiyaĝadipi jo'ne Roma laje' jo'ne neteda'ña jena'me jenjo';

Hechos 2:12

Ena'uaque jalcote da'me yoqochetem da'me dojo', nataq'aen ja yayate'n ga'me lelnataĝa'j; qama'le nenatetapega't: —¿Jach'e ga'me yelo'teguet yema naa'me naajo'?

Hechos 27:13

Ca'li yajediñe ga'me layat jo'ne qolauaic qama'le jepetaqatapega da'me male naqaeda da'me jepagaqataque, qama'le yitaĝa japagaĝaye qolaqa'tegue ga'me lae jaga'me nepe jo'ne Creta.