Hechos 2:10 - Nuevo Testamento Toba Sombrero Negro

¹⁰ di'me Frigia nataq'aen di'me Panfilia nataq'aen di'me Egipto nataq'aen ena'uaque gaa'me ale'u di'me Libia yauoqoda'a di'me noic jo'ne Cirene. Nach'e ena'am 'uo ga'me jiyaĝadipi jo'ne Roma laje' jo'ne neteda'ña jena'me jenjo';

Nuevo Testamento Toba Sur

¹⁰ qataq da Frigia, qataq da Panfilia, qataq da Egipto, qataq dam laÿi yi Cirene dam África. Nataq'en huo'o na chigaqa'ague da Roma mayi hueta'a ne'ena, qaq namayipi huo'o na chigoqteuo da judío llalec, qataq huo'o na sa ishit da judío l'ec, qalaxayi quegue da l'amqajnataxanaxac namayipi.

La'aqtaqa Ñim Lo'onatac 'Enauacna 2013

¹⁰ qataq ye Frigia, qataq ye Panfilia, qataq ye Egipto, qataq dam laỹe ye nỹecpi ye Cirene maye na'ague da sheu' yem 'alhua África. Nataqa'en huo'o na chegaqa'a ye nỹecpi ye Roma maye hueta'a ne'ena, qaq namayepi huo'o na chegoqteuo da judío llalec, qataq huo'o na saishet da judío le'ec, qalaxaye quegue da la'amqaanataxanaxac namayepi.

Hechos 2:10 Referans Kwoze

Hechos 16:6

Qama'le ñe'me Dios Lepaqal ja yajeta ta'le qo'yaĝatetac da'me 'naqataĝanaĝac di'me aleua jo'ne Asia. Chane'eja male leuotedalegue di'me aleua jo'ne Frigia nataq'aen Galacia,

Hechos 18:23

Mane'e ca'li uo'oe gaa'me noloqo'ote 'me yenoĝodegue, yitaĝa ec ñe'me Pablo qaedi onolqa'tape quetayelo gaa'me noyaqa di'me Galacia nataq'aen Frigia, 'yañaqate'tape ena'uaque joga'me p'etaqadaiquipi.

Hechos 15:38

qalaĝaja Pablo ja eetapega 'noota ta'le qoyauec, qa'a Marcos joote ca'ae ca'li ueda'a di'me Panfilia qama'le ja quetauelo jogaa'me da'me 'lonataĝanaĝa'j.

Hechos 13:43

Ca'li joote yataqachiñe yem ga'me yema'a't jo'ne qoyachaue ga'me nemaĝaiqui, jalcote ga'me judiopi nataq'aen joga'me jo'ne tadoue ga'me judiopi lepe'e quetegue ñe'me Pablo nataq'aen Bernabé. Qama'le noqotetapegalo jogaa'me qaedi 'nañaĝatela'ajalo da'me quetedalegue da'me joote yacoteguet 'me chiyaqayi da'me lichoĝodenataĝanaĝac ñe'me Dios.

Hechos 13:13

Pablo nataq'aen jogaa'me lecochaĝa'u nedañgui jaga'me licota di'me Pafos qama'le dajotegue di'me Perge, mach'e aleua jo'ne Panfilia. Qalaĝaja Juan ca'ae qama'le 'viyelaĝa di'me Jerusalén.

2 Timoteo 1:17

Ca'li novita jena'me Roma paja'a jayem yelaque, chayovida'a da'me jayem yejomalegue.

Romanos 1:15

Qo'che' jayem jalcote da'me jediaĝalegue da'me ami ja'aĝatema da'me onaĝaic 'naqataĝanaĝac, da'me ami jo'ne at'achaqadi' di'me Roma.

Hechos 27:5

Jaĝa'ya ga'me dajoya'ya di'me Cilicia nataq'aen Panfilia, qama'le jovitaĝa di'me Mira, noic jo'ne na'ña di'me aleua Licia.

Hechos 14:24

Tade'ga di'me aleua jo'ne Pisidia, qama'le yovideta di'me Panfilia.

Hechos 11:20

Taqaeue'ta, uo'oe gaa'me p'etaqadayaqa Chipre laje' nataq'aen Cirene yovideta di'me noic jo'ne Antioquía qama'le nach'e ena'ama t'aqataĝatapema ga'me jo'ne ja judiopi, yapaĝaguetapeque daa'me onaĝayaqa 'me 'yaĝatetedac ñe'me Jesús, mach'e Jaliaĝanec.

Marcos 15:21

'Uo ñe'me jiyaĝaua jo'ne chiyoĝogue di'me noic jo'ne Cirene, lenaĝat Simón, jo'ne let'a ñe'me Alejandro nataq'aen Rufo, yemta chiyoĝogue ga'me 'nonaĝa. Ca'li tae'di, qama'le qoyamaĝalegue qaedi yepen jaga'me nesodoso ñe'me Jesús.

Mateo 27:32

Ca'li joote yenoĝodegue uadeda'aguet ñe'me jiyaĝaua lenaĝat Simón, 'lachaqa' di'me Cirene, nach'eñe qoyamaĝalegue qaedi yepen jaga'me nesodoso ñe'me Jesús.

Apocalipsis 11:8

Chane'eja jogaa'me lapa'che dia'me joote yele'u nelagaĝachichidiñe, ueteda'ña ga'me naq'aeuo joga'me noic let'adaic, di'me jo'ne ua'ña joca'li ñe'me mach'e Qadejaliaĝanec da'me qoyep'enajeguem, di'me noic jo'ne lenaĝat qoyen Sodoma qama'le nach'e ena'am da'me lenaĝat laqaya qoyen Egipto.

Romanos 1:7

Dios ami noqopitalo, nataq'aen ami qoyapetenegueta gaa'me Dios lec'oqo'tepi. 'Noota qom Dios mach'e Qadet'a nataq'aen ñe'me Qadejaliaĝanec Jesucristo ami yanema da'me anichoĝodenataguequi nataq'aen da'me at'emaĝaqui.

Hechos 28:15

Jogaa'me qadaqaya'olqa 'me Roma laje' joote qo'mi dip'iquitagueta ca'li; chane'eja qo'mi que'tagueta ca'li chayovida'a di'me nemenaqa' ñe'me Apio nataq'aen di'me noic jo'ne lenaĝat Tres Omataqa'te. Ca'li yauanalo ñe'me Pablo qama'le yanem da'me lamaic ñe'me Dios nataq'aen nomeguet da'me 'lañaĝac.

Hechos 18:2

Nach'edi ua'a da'me uada'aguet ñe'me judío 'me lenaĝat Aquila jo'ne 'lachaqa' di'me aleua jo'ne Ponto. Ja cop'a ca'li Aquila nataq'aen jañe'me loua Priscila novi't chiyoĝotegue di'me Italia, nach'edi 'viyelaĝategue ca'li qa'a ñe'me jaliaĝanec Claudio damaĝajoĝolegue ca'li da'me qaedi ena'uaque ga'me judiopi queda'ae di'me Roma. Pablo yec'atalo ca'li, dejapichiyalo qama'le

Hechos 13:1

Joga'me p'etaqadaiquipi jo'ne neda'ña di'me Antioquía uo'oe ca'li gaa'me Dios 'laqataĝanaĝanaqa nataq'aen paĝaguenataĝanaĝayaqa. Nach'eñe Bernabé, Simón (jo'ne nach'e ena'am qoyenaqatetapec ñe'me Ledaĝaic), Lucio jo'ne Cirene le'ec, Menahem (jo'ne naquetaje'me' ca'li ñe'me Herodes, nach'eñe jo'ne nejaliaĝatelegue di'me Galilea) nataq'aen Saulo.

Hechos 6:9

Uo'oe gaa'me jo'ne chiyoqodaue ga'me judiopi nemaĝaiqui lenaĝat «Jogaa'me qoyejodegue», nach'e ena'ama gaa'me chiyoqoda'a di'me Cirene, di'me Alejandría, di'me Cilicia nataq'aen di'me Asia, paja'a necotedapegue' ca'li ñe'me Esteban;

Hechos 6:5

Ena'uaque jogaa'me niyamaĝadidiye da'me dojo', qama'le qo'yatetelegue ñe'me Esteban, jiyaĝaua jo'ne yataqatelegue da'me lepe'e nataq'aen najaqachigui ñe'me Dios Lepaqal jo'ne ja 'nalegue, choqoñe'me Felipe, ga'me Prócoro, ga'me Nicanor, ga'me Timón, ga'me Pármenas nataq'aen ñe'me Nicolás nach'eñe Antioquía le'ec jo'ne joca'li uetaue da'me lepe'e' ga'me judiopi.

Mateo 2:15

naqaedi cha'li ueteda'a chayovida'a ca'li yeleu di'me Herodes. Da'me dojo' 'uo ca'li qaedi yepaquetelegue ga'me jo'ne joote 'yaĝatetac ñe'me Jaliaĝanec ca'li yojaĝanaĝan ga'me 'laqataĝanaĝanec: “Jachiyoĝota'ague di'me Egipto da'me jiyaĝana ñe'me Yalec.”

Hechos 23:11

Mane'e ca'li pi'yaq, ñe'me Jaliaĝanec naloĝoneguet ñe'me Pablo qama'le dojapegue', enaac: “A'nañaĝat, Pablo, qa'a naq'aeta da'me jayem a'uaĝatetac jena'me jenjo' Jerusalén, naq'aeta da'me a'uaĝatema qomle ga'me Roma laje'pi.”

Mateo 23:15

¡Degueja da'me adachoĝodequi qomle, ami judiopi napaĝaguenoqo'tpi nataq'aen fariseopi jo'ne ja ami 'te ejoda! Ami jo'ne oquiilegue nale jena'me aleua nataq'aen ga'me noĝop let'a qaedi anaviquila't ga'me jo'ne ja jayem 'te p'iya'a, qama'le nale auaqanachichi aueñe'tem da'me yataqata p'ajaye da'me ne'uaĝanaguec qomle qoyajaĝa'ña ga'me ne'uaĝanaqa' jo'ne payac 'lachaqa'.

Hechos 2:11

uo'oe gaa'me yataqachiñe judiopi jo'ne 'lachaqa't jena'me jenjo' nataq'aen gaa'me laqaya' ch'e tadoue ga'me lepe'e' jena'me judiopi. Nach'e ena'ama uo'oe gaa'me chiyoqoda'a di'me Creta nataq'aen Arabia. Qama'le ¡jomachaĝalo gaa'me mach'e qat'aqataqa da'me yadenaĝa't: 'yaĝate'tape joda'me p'ajodaye 'lonataqa joñe'me Dios!

Hechos 17:21

Yajouaĝat da'me ena'uaque joga'me Atenas laje' nataq'aen jogaa'me chiyoqodayi joga'me neda'ña ga'me, nach'edata da'me yemeda'eguet da'me naquiaĝategueta nataq'aen 'yaĝate'tape gaa'me p'atedegue nep'iquinataĝanaĝaco.