Hechos 19:9 - Nuevo Testamento Toba Sombrero Negro

⁹ Qalaĝaja uo'oe gaa'me nechiyojoĝotela'ajalo, ja jetaque p'iida'a, dite da'me yaloĝonalo naa'me 'laqataqa ga'me jiyaĝadipi da'me 'yotatedac da'me dalaĝaic nadiquiyaĝac. Chane'eja Pablo ca'ae jogaa'me qama'le yauegalo joga'me p'etaqadaiquipi ga'me lapaĝaguenataĝanaĝaiqui ñe'me Tirano. Nach'ega ua'a da'me yemeda noloqo'ote dojetac,

Nuevo Testamento Toba Sur

⁹ Qalaxayi huo'o na i'añaxattaguilo naua lquiyaqte da sa ishit da da'amqajnataxan; chaqdata da ÿataqta sa iyacnapec da n'aqtac da detaxaÿa, hua'aqtac naq'en na shiÿaxauapi. Nachi so Pablo ca'ai somayipi, nachi ÿauec som da'amqajnataxanpi, ÿauega aca lapaxaguenataxanaxaqui som l'enaxat Tirano. Qaq huaña, nachi ica'n naua na'axa'te da da'aqtaxaatac.

La'aqtaqa Ñim Lo'onatac 'Enauacna 2013

⁹ Qalaxaye huo'o na judiopi da ỹa'añaxattaguilo naua lquiyaqte da saishet da huotaique da da'amqaanataxan; chaqrata da ỹataqta sa iyacna'ape naua la'aqtaqa da detaqtega nam ỹa'amaqten So Jesús. Nache so Pablo ca'ai somayepi, nache ỹauec som dalaxaic da da'amqaanataxanpi, ỹauega aca lapaxaguenataxanaxaqui so ỹale le'enaxat Tirano. Qaq huaña, nache ima'ape naua na'axa'te da da'aqtaxaatac.

Hechos 19:9 Referans Kwoze

Hechos 19:23

Jaa'me jaajo' noloqo'ote 'uo ga'me cotaĝac di'me Éfeso yajouaĝat da'me dojo' dalaĝaic nadiquiyaĝac.

Hechos 9:2

qama'le yiyaĝanaque da'me qoya'uo jaga'me nediije jo'ne lajoĝolate da'me ya'uo da'me dojo' qaedi yec'atalo gaa'me nemaĝaiqui' di'me Damasco, da'me yecaa'tape gaa'me jo'ne quetegue da'me dalaĝaic nadic, ga'me jiyaĝadipi nataq'aen ga'me yauodipi, qaedi yaueta di'me Jerusalén qaedi qoyecoñe't.

2 Pedro 2:12

Naajo' jiyaĝa'u jo'ne ena'ama ga'me yejidipi: qaya'te layatenaĝanaĝa'j, ch'e quetedapegue' da'me lec'atenaĝanaĝa'j, qama'le niyidiñe qaedi taida'a da'me qoyaconalo nataq'aen da'me qoyala't, nataq'aen da'me yojoue'n da'me jo'ne ja yayate'n. Qalaĝaja yele'u jo' qomle qama'le qo'eetema gaa'me yejidi da'me qoyala't,

Hechos 14:4

Qalaĝaja ga'me jiyaĝadipi colaĝaye ca'li ga'me noic, uo'oe ga'me yotaua'n ga'me judiopi nataq'aen laqaya' yotaua'n gaa'me namaĝa's.

Judas 1:10

Qalaĝaja jenjo' jiyaĝadipi yataqata ja 'noe'n gaa'me 'laqataqa jo'ne yedaĝatapegalo jogaa'me jo'ne ja yateto'n. Nataq'aen ga'me te'me latetonaĝanaĝa'j ena'am ga'me jiyac jo'ne qaya'te yatetonac, qama'le qom 'uo ga'me yauote, nach'ega jo'ne 'naĝa't jogaa'me.

2 Pedro 2:2

Qama'le uo'oe qomle jalcote jogaa'me jiyaĝadipi quetegue jogaa'me, nataq'aen da'me en 'loyaĝa'j da'me manaĝanaĝayaqa, qama'le nach'egaua jo'ne yajouaĝa't da'me yataqata qoye'uetac qomle da'me qadepe'e ladic jo'ne yataqatelegue.

Hebreos 3:13

Dite da'me yatemaliaĝa uayaloqota't da'me jo'ne 'yaĝate'tape naa'me nedii's, qama'le 'noota qom onolqa'tape da'me 'yañaĝatetac ga'me laqaya yemeda naa'me noloqo'ote, qaedi qaya'te onolec jo'ne qoyen t'añi na'me lauel yajouaĝa't gaa'me mach'e loeco jo'ne ja 'noe'n qama'le yoqovin.

1 Timoteo 6:5

nataq'aen 'uo ga'me neloiquiaĝac jo'ne qaya'te loiquiaqa', qa'a male uo'oe gaa'me jiyaĝa'u jo'ne yaledeuo, eetedapega 'uo ga'me layatenaĝanaĝa'j, jiyaĝa'u jo'ne yataqata ja yateto'n da'me eja, nataq'aen naajo' eetedapega 'uo ga'me lepe'e', qalaĝaja nach'egaua ch'e yachiyoĝotedayi da'me leuoyaĝac jena'me 'noota ladic.

Romanos 11:7

Chane'eja ¿je'te eeta? Jogaa'me Israel c'oqo'tepi ja naqachidiñe ga'me jo'ne yelotedaque, qalaĝaja jogaa'me Dios liquiyaqa qamqa'me naqaegaua naqachidiñe. Jogaa'me laqaya' ja qoyadamiaĝate'.

Romanos 9:18

Qama'le naq'aeta da'me Dios yichoĝoden ga'me jo'ne jetaque yichoĝoden, qama'le nach'e ena'am 'yañaqatet ga'me lauel ga'me jo'ne yepaquetapega da'me ja yadamiaĝata.

Hechos 22:4

Ca'li jecaa'tape nataq'aen jala't gaa'me jo'ne quetegue da'me dojo' dalaĝaic nadic, jecoñe't nale jogaa'me qama'le janedaue jaga'me coñetaĝanaĝaiqui, gaa'me le'mi choqogaa'me yauo'.

Hechos 7:51

“Qalaĝaja ami, nach'eda da'me ja damichiguilo naa'me adai'lidi' nataq'aen naa'me adequetela lacodi' choqonaa'me adai'lidi' chiyoĝo's. Nach'eda da'me anauchiñetapega ñe'me Dios Lepaqal jo'ne ja 'nalegue, yataqachiñe auañiya'ama dia'me adet'aldi'.

2 Timoteo 4:2

'Noota qom auapaĝaguenataĝaneque naa'me naajo' Dios 'laqataqa yemeda naa'me noloqo'ote, nataq'aen a'viyelaqatapelegue nale maqachaĝa am qonaquiaĝana, nataq'aen ena'am nale ja am 'te qonaquiaĝana. Aualoĝonalo gaa'me jiyaĝadipi da'me lejomaĝa'j nataq'aen da'me anavidijeguem, qama'le auapaĝague'n, ena'te adoualalo.

2 Timoteo 3:5

Nalaĝayelo da'me eetedapega 'uo ga'me lepe'e', qalaĝaja yataqata yoqolegue't da'me qadepe'e ladic. Ena'te ta'le ch'e cholic da'me aualegouelo naa'me naajo' jiyaĝa'u,

2 Timoteo 1:15

Joote auayaten da'me qadaqaya' jo'ne neteda'ña na'me Asia jayem queda'e, nataq'aen jaa'me Figelo chayovida'a Hermógenes.

Hechos 28:22

Qama'le nayi jetaque jomachaĝa ga'me adelnataĝac, qa'a ena'uaque gaa'me ale'u lael jayatenaq ga'me qonautetapega dojo' dalaĝaic napaĝaguenataĝanaĝac.

Hechos 24:21

Nach'edata da'me ñenaĝategue ca'li jouetauelo gaa'me, qama'le ñetenec ga'me 'yaqatac ca'li jenaac: «Nayi anemichitaque ga'me yaviyaĝajet qa'a ja'amaqaten da'me yitaĝa 'niyelaĝadijeguem gaa'me jo'ne te'me joote yele'u.»”

Hechos 20:31

'Noota qom a'vicheta't; anetoviñe'teque jaa'me tres 'uoidi, noloqo'ote nataq'aen pi'yaĝadi uo'oe ga'me yachi' da'me ja ñañaĝanañi da'me onolqa'tape ami ñoqotetapeque.

Hechos 19:30

Pablo jetaque yenoĝoneuo ga'me qaedi dojapegue' ga'me jiyaĝadipi, qalaĝaja gaa'me p'etaqadayaqa ja yaje'n ca'li.

Hechos 17:4

Uo'oe ga'me judiopi jo'ne p'iida'a qama'le uaĝayeta' ñe'me Pablo nataq'aen Silas. Nach'e ena'am jalcote ga'me griegopi p'iida'a, jo'ne jalchi'ena 'nonaĝachidegue joñe'me Dios, nataq'aen qayoĝode' gaa'me yauo' jo'ne p'ajodaye.

Hechos 11:26

qama'le ca'li yauana, yauega di'me Antioquía. Nach'edi ueda'a da'me uetauelo joga'me p'etaqadaiquipi, nalo'taguet onolec uo'e, yapaĝague'tape ga'me jiyaĝadipi. Nach'edi Antioquía ua'a da'me 'uaechiñe qoyenaqateneque «Cristo laje'» jogaa'me jo'ne quetegue ñe'me Cristo.

Juan 12:40

“'Laqatac ñe'me Dios, enaac: japadelo'te naa'me 'lae'te jogaa'me qaedi ja yaqanate't ta'le yauata, Nataq'aen da'me ja jen 'te damichiguilo naa'me lai'li, qaedi qaya'te ta'le yayaten; Qaedi ja jayem 'te 'niyelaĝadeta, qama'le ja jen 'te yemedegue.”

Mateo 26:55

Paja'a Jesús yachimaĝatalo joga'me jiyaĝadipi: —¿Toqoch'e anachiyi' naa'me adedaĝanaqachidi' da'me auanaeyiquena nataq'aen naa'me anepo'ñedi' da'me jayem auecoñediye, ena'am ta'le jayem cachaĝaic? Yemeda naa'me noloqo'ote da'me jouetaue ga'me tamenaĝaiqui da'me japaĝaguenataĝatapegoue, qalaĝaja qaya'te ua'a ta'le jayem auecoñediye.

Mateo 16:4

Jenjo' jiyaĝadipi jo'ne loeco lo'olpi nataq'aen ja yataĝalegue yiyaĝataque ga'me 'nanec 'me qoyoqoch'em; qalaĝaja ja yitaĝa qoyanema ga'me 'nanec, jalgata ga'me uaue ca'li ñe'me Jonás.” Yem qama'le yitaĝa ec ñe'me Jesús, ca'ae jogaa'me.

Mateo 15:14

Auomachi'talo, qa'a naqaegaua jo'ne qana'mi 'me yaco'tagueta gaa'me qana'mi laqaya'. Qalaĝaja qom 'uo ga'me qanam yaco'taguet ga'me laqaya, qama'le nalo'ta'ajalo da'me tadi'ñgui jaga'me limaĝañi.

1 Corintios 16:9

qa'a 'nouategue ga'me yadic qaedi jepitaqatenac da'me je'et ga'me 'yonatac jo'ne yataqachiñe p'ajaye, mate mane'e uo'oe qayoĝode' gaa'me qo'mi nautenalo.