Hechos 19:33 - Nuevo Testamento Toba Sombrero Negro

³³ Qalaĝaja uo'oe gaa'me 'me 'yaĝadetem da'me eeta da'me nemaĝac ñe'me Alejandro, qama'le naqaeñe qoyamaqauo qaedi dajoya'agueta yema ga'me jiyaĝadipi. Qanach'e ñe'me yajeguem na'me louaq da'me qaedi 'nemaĝadiñe q'ae'n ga'me jiyaĝadipi, qama'le jetaque 'yaĝate'tape ga'me judiopi da'me ja lajouaĝaje't da'me dojo'.

Nuevo Testamento Toba Sur

³³ Qalaxayi huo'o na ÿalectauopi na da'aqtaxanem da 'eetec de'eda naponaxac so Alejandro, nachi nam judiopi ÿamaqhuo somayi da yaqto' dataÿa'aguet 'enauac somayipi. Nachi somayi ÿachaxaashiguem na lhuaq, da yaqto' ÿi'imaqtom naq'en na shiÿaxauapi, nachi nshitaique da da'aqtaxanem namayipi da na judiopi sa ishit da lasouaxashit de'eda.

La'aqtaqa Ñim Lo'onatac 'Enauacna 2013

³³ Qalaxaye huo'o na ỹalectauopi na da'aqtaxanem da 'eetec de'era so Alejandro, nache nam judiopi ỹamaqauo somaye da yaqto' dataỹa'aguet 'enauac somayepi. Nache somaye ỹachaxaasheguem na lhuaq, da yaqto' ỹe'emaqtom naqa'en na shiỹaxauapi, nache nshetaique da da'aqtaxanem namayepi da na judiopi saishet da lasouaxashet de'era.

Hechos 19:33 Referans Kwoze

Hechos 12:17

Qalaĝaja ñe'me Pedro nodegue ga'me louaq qaedi 'yemadete', qama'le 'yaĝatema ga'me 'yetec ñe'me Jaliaĝanec da'me yachiyoĝotaue jaga'me coñetaĝanaĝaiqui, nataq'aen enaac: —A'uaĝachiyem da'me dojo' ga'me Santiago, nataq'aen gaa'me qadaqaya'olqa laqaya'. Yem qama'le yenoĝonegue nataq'aen dajoyi ga'me aleua laqaya.

2 Timoteo 4:14

Alejandro jo'ne 'yetac nale jena'me laicaua, 'uo ca'li da'me yataqata ja no'en da'me jayem 'yetec; qalaĝaja ñe'me Qadejaliaĝanec male ye'uaĝan.

1 Timoteo 1:20

Daajo' yajouaĝat jaa'me Himeneo choqoñe'me Alejandro, qama'le naajo' jamaĝalo'te joñe'me payac Satanás, qaedi male yataqata yayate'n queda'me ja 'noota qom ch'e ye'uetedac joñe'me Dios.

Filipenses 1:7

Qama'le jeetapega 'noota da'me nach'e eta't ami jenatetapegalo, qa'a yataqata ami joqopitalo. Nataq'aen jayaten da'me yataqata ami uetauelo da'me lañoqotaĝanaĝac joñe'me Dios, qama'le jayem alecochiiya jena'me jenjo' 'yonatac jo'ne Dios jayem yanem, uotaĝa joue'ta jana'me janjo' coñetaĝanaĝaiqui, uotaĝa nale jajo'tagueta jogaa'me jiyaĝa'u yatenaĝanaĝayaqa, qaedi ja'aĝatetac jena'me jenjo' eja ladic, chayovida'a da'me yataqata yacoteguet.

Hechos 24:10

Chane'eja ñe'me jaliaĝanec yatequenapega ñe'me Pablo qaedi doje, qama'le Pablo enaac: —Yataqachiñe 'uo da'me yiyamaĝadenataĝanaĝac ta'le ñenaĝatedegue ga'me jo'ne jedo'ogueta ga'me ñaviyaqatagueco da'me am jajoya'aguet, qa'a jayaten queda'me chiyoqo'tegueta qayoĝode' 'uoidi da'me am nec'atenoqo't jena'me jenjo' aleua.

Hechos 21:40

Ñe'me coico lajoĝola' yaje'tem ca'li, qama'le Pablo nechatelegue ga'me napiaĝala' qama'le nodegue ga'me louaq qaedi en 'nemaqata' ga'me jiyaĝadipi. Ca'li male tochiñe, qama'le en ga'me hebreo da'me dojapegue'to, enaac:

Hechos 13:16

Chane'eja Pablo ñijeguem, nodegue ga'me louaq da'me en tochiñe, enaac: —Ami jo'ne Israel laje', jayem anaquiaĝañiya, nataq'aen ami jo'ne ja at'achaqadiyena jo'ne adoqopichiya ñe'me Dios.

Lucas 1:22

Mane'e ca'li male yenoĝonegue, ja yaqanatet ta'le 'uo ga'me 'laqatac ta'le yanema; chane'eja jogaa'me yetade'n queda'me 'uo ga'me naloĝonaĝat ca'li uetaue ga'me tamenaqa', qa'a ch'e yauotaque 'lanec da'me te'me dojetac; qama'le nale'en da'me qaya'te 'laqatac.

Hechos 19:34

Qalaĝaja joca'li qoyayaten da'me nach'e ena'am judío le'ec joñe'me, qama'le ga'me jiyaĝadipi yitaĝa 'yalaqa'tape, chayovida'alo gaa'me dos horas da'me 'yalaqa'tape, enaac: —¡Yataqata let'adaic da'me li'yoĝodic jañe'me Artemisa mach'e qadat'e, da'me qo'mi jo'ne jonaqata'ña jena'me Éfeso!