Hechos 18:6 - Nuevo Testamento Toba Sombrero Negro

⁶ Qalaĝaja jogaa'me paja'a nalo'ta't da'me qonauteneguet nataq'aen queda'me qoye'uetac; chane'eja Pablo nechiyoĝodiñe ga'me leuo en 'lanec da'me licoqotaĝanaĝac, nataq'aen enaac: —Da'me mach'e ami anajouaĝachiyoue da'me mach'e adejomaĝaqui; ja naqayem ta'le ami jajouaĝa't. Qama'le chiyoqotelegue nayi da'me male jec'atalo ga'me jo'ne ja judiopi.

Nuevo Testamento Toba Sur

⁶ Qalaxayi somayipi ÿataqta ncotatague' somayi qataq ishiueetac, nachi so Pablo ichigo'q soua alogo, damayi l'anaxat da jec. Nachi 'enapego' somayipi, 'eeta': –Qami' maichi qanasouaxachiila't qom ivita da qadellivi; aÿim sa ishit da qami' ÿasouaxashi'te. Qaq nagui dam saÿa'ague, aÿim saigui qome nam sa ishit da judiopi.

La'aqtaqa Ñim Lo'onatac 'Enauacna 2013

⁶ Qalaxaye somayepi ỹataqta ncotatague' somaye qataq isheueetac, nache so Pablo ichego'q soua alogo, cha'aye damaye la'anaxat da jec. Nache 'enapego' somayepi, 'eeta': –Ñim Lo'onatac 'Enauacna da ỹauo'o ca qanhuaxanaguiiqui, nache qami' maiche qarasouaxashechi; saishet da ỹasouaxashet. Qaq nache chegoqchiguiña ne'ena na'a'q da sa'aqtaxanem nam saishet da judiopi.

Hechos 18:6 Referans Kwoze

Hechos 13:51

Chane'eja ñaa'me yichiyoĝolo'te naa'me lapia'te, 'lane'j jo'ne yelo'teguet da'me ja yitaĝa t'aqataĝanema qomle joga'me jiyaĝadipi. Yem qama'le dajotegue di'me noic Iconio.

1 Pedro 4:4

Qalaĝaja nayi da'me male ja aualequechiñe da'me napacalo'te ja 'noe'n q'ae'n da'me nejiyaĝauayaĝa'j jogaa'me ja p'etaqadayaqa; qo'che' jogaa'me male loualeteguet qama'le ami ye'ue'tape.

Lucas 9:5

Nataq'aen qom 'uo ga'me noic jo'ne ja ami 'te yaconegueta, oquiya'e joga'me nataq'aen anechiyoqoyidiñe ga'me enaĝayaĝa naa'me adapia'chidi', qaedi ena'am da'me 'nanec jo'ne dechoqotaĝanec qomle jogaa'me.

Mateo 27:25

Ena'uaque joga'me jiyaĝadipi 'yadeteguet: —¡Qo'mi nataq'aen gaa'me qochalqapi jenaĝa qadoĝot da'me leleuaĝa!

1 Pedro 4:14

'Noota qom ami made'tapolqa qom 'uo ga'me ami ye'ue'tape yajouaĝat da'me ademii'teguet joñe'me Cristo, qa'a da'me 'lonaĝa ñe'me Dios Lepaqal nach'e eta't ami uetauelo.

2 Timoteo 2:25

'Uo da'me lapaĝaguenataĝanaĝac jo'ne ja 'yoĝodenaĝaic yanema jogaa'me jo'ne te'me nautetapegalo, qa'a uotaĝa yaloĝolo'te ñe'me Dios qaedi 'ñemaĝadiñe, 'niyelaĝadetot joñe'me nataq'aen male yataqachiñe qoye'n yateto'n da'me eja,

Romanos 3:29

Ñe'me Dios, ¿qo'li nach'edata Nedios jogaa'me judiopi? ¿Qo'li ja nach'e ena'am yema jena'me aleua laje'pi? Qa'ejo' nach'e ena'am jaĝa'te yema joga'me jiyaĝadipi.

Hechos 28:28

Chane'eja 'noota qom auayachiñe queda'me chiyoqotelegue nayi dojo' lec'alaqataĝanaĝac ñe'me Dios male qoyanema joga'me jo'ne ja judiopi, qama'le jogaa'me qamqa'me yataqata naquiaĝata qomle.

Hechos 26:20

dite da'me 'uaeñe janema dojo' 'naqataĝanaĝac jogaa'me ueteda'a di'me Damasco, yem qama'le Jerusalén nataq'aen yema di'me aleua jo'ne Judea, nach'e ena'ama joga'me jo'ne ja judiopi, ñepota'tape jogaa'me qaedi nejouoĝodiñe qama'le 'niyelaĝadetot joñe'me Dios, nataq'aen qaedi yauo'oe gaa'me 'lonataqa jo'ne yaloĝo'n chiyaqayi da'me yataqachiñe 'ñemaĝadiñe.

Hechos 26:11

Nach'e eta't jalate'tape nale jogaa'me qaedi jen nematedapec da'me lepe'e'. Qama'le nach'eda dojo' je'eteque ena'uaque jogaa'me nemaĝaiqui', nataq'aen yataqachiñe jalematatapalo jogaa'me qama'le jecaa'tape chayovida'alo gaa'me noyaqa jo'ne p'adegue.

Mateo 22:10

Jogaa'me nalemaĝaje'te yec'atalo gaa'me noqoyaĝaco qama'le ena'uaque yemata'a'ajalo gaa'me uada'agueta, gaa'me ja 'noe'n nataq'aen gaa'me 'noote'. Qama'le jalcote gaa'me nepodae's da'me qoyec'ata ga'me niqui'yaĝanataĝanaĝac da'me qoya'uo ga'me 'nonaĝanataĝanaĝac.

Mateo 10:14

Chane'eja qom ja jetaque ami yaconegueta nataq'aen da'me ja jetaque ami naquiaĝanalo, qama'le oquiya'ae ga'me 'nachaqa' uotaĝa noic qama'le anechiyoqoyidiñe ga'me enaĝayaĝa jonaa'me adapia'chidi'.

Lucas 22:65

Qama'le ne'uenaĝatedapiye, gamachaqaega qo'yetec da'me qoye'uetac.

Mateo 21:43

Qo'che' ami ja'aĝatema queda'me qodoĝotaĝanec qomle joda'me lejaliaĝa joñe'me Dios qama'le qoyanem ga'me jiyaĝadipi laqaya' jo'ne ya'uo jalayaĝac joda'me nejaliaĝa.

Mateo 8:11

Qama'le ami ja'aĝatema queda'me novi't qomle jalcote ga'me jiyaĝadipi jo'ne ja judiopi, chiyaqapeguelo naa'me lael jena'me aleua, qama'le yec'adeta qomle da'me lejaliaĝa joñe'me Dios qaedi mach'e neuanaĝa'u ñe'me Abraham choqoñe'me Isaac nataq'aen Jacob, da'me neteda'ague di'me piyem.

1 Timoteo 5:22

Qom jetaque aua'uo ga'me adecochaĝaua, cha'li ena'te paja'a auacolegue, dite qom yataqata analoqoten, qaedi ja am 'te yajouaĝat jo' qomle ga'me loec, qa'a uotaĝa ja yataqatelegue ga'me. Yataqata at'oiyalegue.

Mateo 21:41

Jogaa'me 'yadeteguet: —Yataqachiñe ja yichoĝode'n da'me yala't qomle gaa'me onataĝanaĝayaqa, qama'le yanema gaa'me onataĝanaĝayaqa laqaya' ga'me uva lichidijat, nach'egaua jo'ne yadeuo ga'me jalayaĝac nale yovita ga'me laloqo' nale qonaqat.