Hechos 17:4 - Nuevo Testamento Toba Sombrero Negro

⁴ Uo'oe ga'me judiopi jo'ne p'iida'a qama'le uaĝayeta' ñe'me Pablo nataq'aen Silas. Nach'e ena'am jalcote ga'me griegopi p'iida'a, jo'ne jalchi'ena 'nonaĝachidegue joñe'me Dios, nataq'aen qayoĝode' gaa'me yauo' jo'ne p'ajodaye.

Nuevo Testamento Toba Sur

⁴ Nachi huo'o nam judiopi na da'amqajnataxan, nachi quegue so Pablo qataq so Silas. Nataq'en qalota na da'amqajnataxan na griego l'ecpi mayi nachi 'eetai' da quetague' ñi Dios. Qataq qalota na 'alpi na da'amqajnataxan nam ÿataqta ÿi'oxodaipi.

La'aqtaqa Ñim Lo'onatac 'Enauacna 2013

⁴ Nache huo'o nam judiopi na da'amqaanataxan, nache queguelo soua Pablo qataq so Silas. Nataqa'en qalota na da'amqaanataxan na Grecia le'ecpi maye ỹauotec qataq ỹalaxaguet Ñim Lo'onatac 'Enauacna. Qataq qalota na 'alpi na da'amqaanataxan nam ỹataqta ỹo'oxoraipi.

Hechos 17:4 Referans Kwoze

Hechos 17:12

Qama'le naq'aeta da'me jalcote gaa'me p'iida'a, nataq'aen jalcote gaa'me griegopi 'me p'iida'a, gaa'me yauo' nataq'aen gaa'me le'mi.

Hechos 14:4

Qalaĝaja ga'me jiyaĝadipi colaĝaye ca'li ga'me noic, uo'oe ga'me yotaua'n ga'me judiopi nataq'aen laqaya' yotaua'n gaa'me namaĝa's.

Hechos 13:43

Ca'li joote yataqachiñe yem ga'me yema'a't jo'ne qoyachaue ga'me nemaĝaiqui, jalcote ga'me judiopi nataq'aen joga'me jo'ne tadoue ga'me judiopi lepe'e quetegue ñe'me Pablo nataq'aen Bernabé. Qama'le noqotetapegalo jogaa'me qaedi 'nañaĝatela'ajalo da'me quetedalegue da'me joote yacoteguet 'me chiyaqayi da'me lichoĝodenataĝanaĝac ñe'me Dios.

2 Corintios 8:5

Uoja'eda yaguegue ga'me yauote jo'ne ja naq'aeta ga'me qadelnataĝac. 'Uaeñe mach'egaua nemetot ñe'me Jaliaĝanec; yem qama'le qo'mi nemetot. Naq'aeta da'me dojo' jo'ne Dios dajo'talo qaedi yauote jogaa'me.

Hechos 28:24

Uo'oe gaa'me yacoteguet ga'me Pablo 'yaĝatetac, qalaĝaja gaa'me laqaya' ja 'yamaqate'n.

Hechos 15:22

Jogaa'me namaĝa's nataq'aen jogaa'me 'yaĝaicachidi, choqoga'me ena'uaque ga'me p'etaqadaiquipi, 'yamaqate'n ta'le uo'oe gaa'me yiyaĝanalo 'me chiyaqauelo jogaa'me qaedi qoyamaĝata di'me Antioquía, qoyapetenouelo ñe'me Pablo nataq'aen Bernabé. Chane'eja qoyiyaĝana ñe'me Judas, jo'ne nach'e ena'am lenaĝat Barsabás, nataq'aen Silas, jiyaĝa'u jo'ne di'yaĝalo jogaa'me qadaqaya'olqa,

Hechos 13:50

Qalaĝaja joga'me judiopi dojapegue'to gaa'me yauo' jo'ne choĝodenataĝanaĝail nataq'aen 'uo da'me li'yoĝodi'j choqogaa'me jiyaĝa'u jo'ne p'ajodaye 'me neteda'ña ga'me noic, qama'le qoyachelo'te jogaa'me qaedi paja'a qonautenalo ñe'me Pablo nataq'aen Bernabé, qaedi qoyen queda'e ga'me aleua.

Hechos 21:28

niyaĝatedapejeguem: “¡Ami israelpi, qo'mi alecochiiyalo! Naqaena jena'me jenjo' jiyaĝaua jo'ne ja onolec ga'me ua'a dapaĝaguenataĝatapec ga'me jo'ne nautena ga'me qadayi, nautenalo gaa'me namaĝajoĝonaĝaco jo'ne chiyoqodo'ot ñe'me Moisés nataq'aen nautena jena'me jenjo' qanetamenaĝaiqui. Uoja'eda, nayi uo'oe ga'me griegopi jo'ne yenoĝonaqatede'uo na'me tamenaĝaiqui, en paĝachigui q'aen ga'me chalataqa' 'me ja 'nalegue.”

Hechos 19:10

chane'eja naq'aeta da'me ya'uo, nalo'tagueta dos gaa'me 'uoidi, nach'eda eeta da'me ena'uaque gaa'me jo'ne neda'ña di'me aleua jo'ne Asia, ga'me judiopi nataq'aen ga'me ja judiopi domachita da'me 'laqataĝanaĝac ñe'me Jaliaĝanec.

Hechos 18:4

Qama'le nalochigui naa'me noloqo'ote 'me niyamaqataqa, Pablo yec'ata nale ga'me judiopi lemaĝaiqui', ua'a nale dojetac, jetaque yepaquetapega da'me 'ñemaĝachidiñe ga'me judiopi nataq'aen ga'me ja judiopi.

Hechos 17:34

Qalaĝaja uo'oe gaa'me quetegue nataq'aen p'iida'a. 'Uo ñe'me Dionisio jo'ne uetauelo jogaa'me, nach'eñe napotenaĝa'u gaa'me dajoya'a't di'me Areópago, nach'e ena'am 'uo jañe'me yauo lenaĝat Dámaris, nataq'aen uo'oe gaa'me laqaya'.

Hechos 17:17

Qo'che' ñe'me Pablo nataq'aen jogaa'me p'iida'a ñe'me Dios necotayapegue'to nale ga'me judiopi nale uetedaue ga'me nemaĝaiqui', nataq'aen yemeda naa'me noloqo'ote choqoga'me uaĝayeta 'uo da'me necotaĝa'j nale ueda'a ga'me noic laeñi jo'ne nocoegaĝac.

Hechos 16:3

Pablo 'yamaqaten ta'le Timoteo equegue, qalaĝaja 'uaeñe da'me qoya'uo nichaĝajec jo'ne 'nanaĝajet, qaedi ja eetedapega qoye'ue'tape ga'me judiopi jo'ne 'lachaqa't di'me aleua, qa'a ena'uaque yateto'n ñe'me Timoteo let'a da'me griego.

Hechos 15:40

qaale Pablo, da'me mach'e ya'uo, yelotelegue ñe'me Silas qama'le jogaa'me qadaqaya'olqa qoyaloĝolo'te da'me lichoĝodenataĝanaĝac ñe'me Jaliaĝanec, eque' ca'li.

Hechos 15:32

Qama'le queda'me Judas nataq'aen Silas nach'e ena'ama Dios 'laqataĝanaĝanaqa, gaa'me 'laqataqa jalcote da'me loyaĝa'tape nataq'aen 'yañaqate'tape jogaa'me qadaqaya'olqa.

Hechos 15:27

Chane'eja ami jamaĝajaĝalo ñe'me Judas nataq'aen Silas: naajo' yataqachiñe ami dojetapegue'to qomle qaedi ami noqoteteneque ena'uaque naa'me naajo' qat'aqataqa.

Hechos 14:1

Da'me male ueteda'a di'me Iconio, Pablo nataq'aen Bernabé tadoue ga'me judiopi lemaĝaiqui' naq'aeta da'me naeda'ac, qama'le gaa'me 'laqataqa qayoĝode' gaa'me en 'ñemaĝadeta da'me p'iida'a, ga'me judiopi choqogaa'me ja judiopi.

Hechos 4:23

Pedro nataq'aen Juan, joote qoyajetedegue ca'li eque', yec'atalo gaa'me laqaya'olqa qaedi yema'a't, qama'le 'yaĝatetapema ena'uaque ga'me jo'ne 'yeteque gaa'me lejaliaĝanaqa ga'me tamenaĝaiqui lo'olpi nataq'aen ga'me 'yaĝaicachidipi ca'li yanema da'me qoyanem 'laqata'j.

Hechos 2:44

Ena'uaque joga'me p'etaqadaiquipi yataqachiñe nalo'ta't da'me lelnataĝa'j nataq'aen mach'egaua da'me e'n lecochaĝanaĝa't yema gaa'me jo'ne yauata:

Juan 7:35

Jogaa'me judiopi lajoĝola'te male mach'e nenatetapega't onolqa'tape, yenate'tape jogaa'me laqaya': —¿Jach'e jogamaĝa yec'ata da'me jetaque ec, da'me qaedi ja jaqanatetaq ta'le yitaĝa jauanaĝa? ¿Qo'li ec qaedi yec'atalo jogaa'me judiopi jo'ne nelagaĝa, qama'le uetauelo jogaa'me jo'ne ja judiopi qaedi yapaĝague'n jogaa'me?

Hechos 17:10

Joote pi'yaq, jogaa'me qadaqaya'olqa yepaquetedapega ta'le Pablo nataq'aen Silas paja'a eque', yec'adeta di'me Berea. Mane'e ca'li yovideta, qama'le yec'adeta ga'me lemaĝaiqui' joga'me judiopi.

Hechos 17:14

Qalaĝaja gaa'me qadaqaya'olqa yauote da'me qaedi Pablo ja neyaloĝoden da'me ca'e ga'me noic, dajoyi ga'me loogue. Silas nataq'aen Timoteo qamqa'me cha'li ueteda'a di'me Berea.