Hechos 17:2 - Nuevo Testamento Toba Sombrero Negro

² Pablo, queda'me mach'e naya'ac, yec'ata ga'me nemaĝaiqui, qama'le yemeda gaa'me noloqo'ote niyamaqataqa, nalo'taguet tres gaa'me semanas da'me necotetapegue'to jogaa'me, yachiyoĝotetelo'te nale gaa'me nedii's.

Nuevo Testamento Toba Sur

² Qaq so Pablo, cha'ayi nachi n'onataxac, somayi ivi' soua tres mataxaqui' da ÿi'iguelaqtau'a aso laponaxaqui na judiopi, nachi da'aqtaxaatapeguem.

La'aqtaqa Ñim Lo'onatac 'Enauacna 2013

² Qaq maiche lataxac naxa so Pablo da saq ỹa'atai' da taua'a ana napaxaguenaxaqui na judiopi. Qaq ỹoqo'oye ivi't soua tres mataxaqui' da ỹe'eguelaqtaua'a aso napaxaguenaxaqui na judiopi maye lma' yi'iye. Itaxaỹaxaatac ana nere maye huetalec na la'aqtacpi Ñim Lo'onatac 'Enauacna,

Hechos 17:2 Referans Kwoze

Hechos 9:20

Ua'edi Saulo t'aqataĝatapegouelo ga'me nemaĝaiqui' queda'me Jesús nach'eñe c'oĝot ñe'me Dios.

Hechos 18:4

Qama'le nalochigui naa'me noloqo'ote 'me niyamaqataqa, Pablo yec'ata nale ga'me judiopi lemaĝaiqui', ua'a nale dojetac, jetaque yepaquetapega da'me 'ñemaĝachidiñe ga'me judiopi nataq'aen ga'me ja judiopi.

Hechos 17:17

Qo'che' ñe'me Pablo nataq'aen jogaa'me p'iida'a ñe'me Dios necotayapegue'to nale ga'me judiopi nale uetedaue ga'me nemaĝaiqui', nataq'aen yemeda naa'me noloqo'ote choqoga'me uaĝayeta 'uo da'me necotaĝa'j nale ueda'a ga'me noic laeñi jo'ne nocoegaĝac.

Hechos 17:10

Joote pi'yaq, jogaa'me qadaqaya'olqa yepaquetedapega ta'le Pablo nataq'aen Silas paja'a eque', yec'adeta di'me Berea. Mane'e ca'li yovideta, qama'le yec'adeta ga'me lemaĝaiqui' joga'me judiopi.

Hechos 14:1

Da'me male ueteda'a di'me Iconio, Pablo nataq'aen Bernabé tadoue ga'me judiopi lemaĝaiqui' naq'aeta da'me naeda'ac, qama'le gaa'me 'laqataqa qayoĝode' gaa'me en 'ñemaĝadeta da'me p'iida'a, ga'me judiopi choqogaa'me ja judiopi.

Hechos 13:5

Ca'li yovideta ga'me napi'ña jana'me licota di'me Salamina, paja'a da'me 'yaĝatetedac da'me 'laqataĝanaĝac ñe'me Dios, uetauelo gaa'me lemaĝaiqui' jogaa'me judiopi. Ñe'me Juan nach'e ena'am quetauelo jogaa'me, lecochitapegalo.

Hechos 28:23

Chane'eja yauote laloqo't, ua'a ca'li jalcote ga'me jiyaĝadipi yec'adeta ga'me ue'ta ñe'me Pablo. Chiyoqo'teguet ga'me ne'teta chayovida'a nale javit, Pablo 'yaĝatetapema joda'me lejaliaĝa ñe'me Dios yayaĝa'talo jogaa'me ñe'me Jesús, chiyoĝotetelo'te jogaa'me namaĝajoĝonaĝaco 'me chiyoqodo'ot ñe'me Moisés nataq'aen gaa'me ledii's dia'me Dios 'laqataĝanaĝanaqa.

Hechos 8:35

Chane'eja Felipe, 'yatelegue da'me yachiyoĝotetelegue ga'me nedii's jo'ne joote yec'atetac ñe'me etiope, 'yaĝatetac da'me onaĝaic 'naqataĝanaĝac jo'ne 'yaĝatetac ñe'me Jesús.

Juan 18:20

Jesús 'yateguet joñe'me: —Jayem joote jojapegue'to ena'uac joga'me aleua laje'pi ja joĝochiñe da'me 'yaqatac, qama'le nach'e eta't da'me japaĝaguenataĝanouelo jogaa'me ademaĝaiqui' nataq'aen ga'me tamenaĝaiqui let'adaic, di'me jo'ne ua'ña nale yema'a't ena'uaque joga'me judiopi. Chane'eja qaya'te 'yaqatac ta'le joĝochiñe.

Lucas 4:16

Jesús yec'ata di'me Nazaret nach'edi noic jo'ne ua'a da'me 'yaĝaic. Nolo' jo'ne niyamaqatac qama'le yec'ata ga'me nemaĝaiqui, naq'aeta da'me mach'e naya'ac, qama'le nechachiñe qaedi dojelegue da'me Dios 'laqatac.

Hechos 24:25

Qalaĝaja ca'li Pablo male 'yaĝatetac da'me 'noyaĝac jo'ne chimaqachiñe, da'me nomat da'me 'loyaĝac ga'me jiyaĝaua, nataq'aen ga'me nec'atenaĝanaĝac qom'te, Félix t'oiyapega qama'le enaac: —Paja'a oc nayi. Mach'e yitaĝa am jiyaĝana qom 'uo ga'me yedaqa'.

Hechos 19:8

Nalo'taguet tres gaa'me auoĝoyaqa, Pablo yec'atapega ga'me nemaĝaiqui, ua'a nale 'yaĝatetac da'me 'naqataĝanaĝac, qaya'te gamachaqaega loqolanaĝa, qama'le t'aqataĝatac nataq'aen jetaque 'ñemaĝachidiñe ga'me jiyaĝadipi da'me lejaliaĝa ñe'me Dios.

Hechos 13:14

Chiyoqoda'ña di'me Perge da'me taida'a di'me Antioquía jo'ne uaue di'me aleua Pisidia. Nach'edi jo'me nolo' jo'ne niyamaqatac, tadoue ga'me nemaĝaiqui qama'le ñidiñe.

Mateo 26:24

Jayem jo'ne yataqachiñe Jiyaĝaua Lec'oĝot jequegue da'me jo'ne joote qoyediñe jo'ne jayem 'yaĝate'taguet. Qalaĝaja, ¡degueja qomle ga'me lachoĝodec ñe'me jo'ne jayem p'alegue! ¡Naitoqo' ja niyiñe joca'li joñe'me!

1 Corintios 15:3

Qa'a ca'li 'uaechiñe ami janema da'me napaĝaguenataĝanaĝac jo'ne joote jayem qoyanem, nach'eda 'yaĝatetac ñe'me Cristo queda'me yeleu qaedi yapalaĝa't joda'me qadoeco, naq'aeta da'me 'yaĝatetedac gaa'me nedii's jo'ne 'laqatac ñe'me Dios.